Húsavík: Naustið er að flytja í Selið
Sel, Ásgarðsvegur 1, til vinstri. Þar verður veitingastaðurinn Naustið til húsa í sumar. T.h. er gistiheimilið Árból. Mynd: Heiðar Kristjánsson.
Veitingastaðurinn Naustið hefur verið starfræktur fyrir neðan Bakkann á Húsavík í nokkur ár við vaxandi vinsældir en staðurinn hefur sérhæft sig í ferskum sjávarréttum. En um þessar mundir eru Naustið á leið upp fyrir Bakkann í nýjar höfuðstöðvar sem eru að Ásgarðsvegi 1, í því fornfræga húsi Seli, sem byggt var árið 1931 af Sveinbirni Guðjohnsen og konu hans Hallgerði Eyjólfsdóttur. Sel er sem sagt 85 ára á þessu ári.
Mágkonurnar Elín Kristjánsdóttir og Ingunn Ásta Egilsdóttir hafa festu kaup á Seli af ættingjum Sigurðar heitins Briem, sem átti húsið síðast og bjó þar um árabil. Þær voru meðal stofnenda Naustsins neðan bakkans, en þegar þær misstu húsnæðið neðra fóru þær á stúfana að leita að öðru sem hentaði. „Við leituðum reyndar með logandi ljósi um allan bæ, en það er ekki hlaupið að því að finna húsnæði á Húsavík þessa dagana.“ Segir Elín. En á endanum varð þetta niðurstaðan.
„Þetta er í raun mjög góð staðsetning, bílastæði að baki Sels þegar grunnskólinn er ekki starfandi og einnig við Samkomuhúsið. Svo er húsið hluti af einni elstu, grónustu og fegurstu götu bæjarins, Ásgarðsveginum við Búðarána.“ Elín segir og að ekki sé nákvæmlega hægt að tímasetja opnun Naustsins á nýjum stað, en það verði væntanlega vonandi í sumarbyrjun. „Við byggjum áfram á sjávarréttunum okkar og erum bara afar bjartsýnar. Og það hefur skipt okkur miklu máli hvað fólk, bæjarbúar og fleiri, hafa verið jákvæðir gagnvart þessum áformum og fagnað því að Seli hefur verið fundið nýtt hlutverk.“ JS
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.