Bæjarfulltrúum hugnast ekki að færa Ráðhúsið yfir í JMJ-húsið
Hér má sjá líkan af hugmynd að endurnýjun hússins við Gránufélagsgötu 4. Reiknað er með þeim möguleika að hækka húsið um eina hæð í viðbót frá því sem þarna er sýnt.
Þeir bæjarfulltrúar sem Vikublaðið ræddi við eru lítt hrifnir af þeirri hugmynd að færa starfsemi Ráðhússins við Geislagötu í nýja fyrirhugaða byggingu við Gránufélagsgötu 4 sem í daglegu tali er nefnt JMJ-húsið. Eins og blaðið fjallaði um nýverið hefur Ragnar Sverrisson kaupmaður á Akureyri ásamt öðrum eigendum JMJ-hússins látið hanna teikningar af húsinu með stækkun til austurs og vesturs í huga og einnig hækkun í allt að fimm hæðir sem þegar er búið að fá leyfi fyrir. Þannig yrði húsið nálægt 5000 fermetrar.
Sú hugmynd er uppi um að Reginn fasteignafélag kaupi stærsta hluta hússins og bjóði bænum það síðan undir skrifstofurými fyrir Ráðhús bæjarins. Þá hefur forstjóri Regins lýst áhuga á að kaupa núverandi Ráðhús við Geislagötu af bænum, en bæjaryfirvöld hyggja á kostnaðarsamar endurbætur og viðbyggingu við Ráðhúsið.
Halla Björk Reynisdóttir
Heppilegra fyrir bæinn að eiga húsnæði
Halla Björk Reynisdóttir, forseti bæjarstjórnar á Akureyri og oddviti L-listans, segir alltaf gott og áhugavert að ræða nýja möguleika og hugmyndir um uppbyggingu á JMJ-reitnum séu ekki nýjar af nálinni. „En þessi nýja hugmynd um ráðhús á reitnum kom fram í viðtalstíma bæjarfulltrúa og var síðan lögð fram til kynningar í bæjarráði. Við fórum í ítarlega skoðun fyrir tveimur árum á því hvað best væri að gera í stöðunni varðandi húsnæði fyrir skrifstofur bæjarins og niðurstaðan var sú að byggja við núverandi ráðhús og sameina alla stjórnsýslu á einum stað. Sú vinna er hafin og mín skoðun er sú að í grunninn sé heppilegra fyrir bæinn að eiga húsnæðið frekar en að leigja rými af öðrum undir grunnstarfsemi sína. Ég á ekki von á að bæjaryfirvöld breyti fyrri ákvörðun hvað Ráðhúsið varðar,” segir Halla Björk.
Í svipaðan streng tekur Gunnar Gíslason bæjarfulltrúi og oddviti Sjálfstæðisflokksins. „Ég sé ekki hagkvæmnina í því að bærinn leigi húsnæði af öðrum. Við erum komin langt með þá vinnu að byggja við Ráðhúsið. Við grófa skoðun á þessum hugmyndum varðandi JMJ-húsið þá kemur þessi hugmynd of seint og ég sé ekki hag bæjarins í því að færa sína starfsemi þarna yfir,“ segir Gunnar.
Gunnar Gíslason
Núverandi staðsetning henti betur
Guðmundur Baldvin Guðmundsson, formaður bæjarráðs og oddviti Framsóknarflokksins, segist lítast vel á hönnun JMJ-hússins, en þó ekki sem nýtt Ráðhús. „Hugmyndin að stækkun JMJ-hússins hefur lengið verið í umræðunni og mér finnst þetta falleg bygging að sjá eins og búið er að teikna þetta upp og mun eflaust henta vel fyrir ýmsa starfsemi og íbúðir. En umræðan um að þarna verði Ráðhús er alveg ný af nálinni og ég mér hugnast sú leið alls ekki. Við erum byrjuð á endurbótum á Ráðhúsinu og ég tel að sú staðsetning henti betur, m.a. tilliti til bílastæðamála. Ef við myndum færa starfsemi Ráðhússins yfir í JMJ-húsið tel ég að það væri afturför,“ segir Guðmundur Baldvin.
Guðmundur Baldvin Guðmundsson
Nýjast
-
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug. -
Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt
„Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna. -
Málefni verksmiðju PCC á Bakka - Óskað eftir fundi í atvinnuveganefnd Alþingis
,,Ég óskaði eftir því fyrir helgi við formann atvinnuveganefndar að forsvarsmenn sveitarfélagsins Norðurþings, PCC á Bakka og Samtökum iðnaðarins færu yfir stöðuna með okkur í atvinnuveganefnd þingsins sem allra fyrst." -
„Stóra markmiðið að auka fæðuöryggi“
-segir Haukur Marteinsson nautgripabóndi á Kvíabóli en þingeyskir bændur eru stórtækir í kornrækt -
Dreptu mig …. Þú ert svo leiðinlegur röflari
Listin að rýna til gagns Listin að rýna til gagns, eða gagnrýna með uppbyggilegum hætti er eitthvað sem við ættum að temja okkur og ekki forðast. Það má vissulega oft finna leiðir til að gera misgóða hluti enn betri, benda á það sem betur mætti fara. Koma með lausnir og hugmyndir um betri leiðir, það flokkast undir að vera lausnamiðaður og framsýnn. -
Lóðir við Hofsbót 1-3 boðnar út í þessum mánuði
Stefnt er að því að bjóða lóðir við Hofsbót 1 – 3 út á ný síðar í maí. Lóðirnar voru boðnar út í fyrravor. Engar umsóknir bárust um þær þá.