Hraðakstur til óþæginda og of mikið ryk
Margrét Sigurðardóttir og eiginmaður hennar Einar Janus Kristjánsson. Mynd/MÞÞ
Texti: Margrét Þóra Þórsdóttir
„Umferð og ástand í gilinu er ekki til sóma og orðið stórhættulegt,“ segir í umræðum á fésbókarsíðu Innbæinga, Innbær – Akureyri og er þá vísað til Lækjagötu sem liggur frá Aðalstræti og upp á brekkubrún við Kirkjugarðinn. Efri hluti götunnar er malarvegur og í þurrkatíð liðins sumars þyrlaðist ómælt upp af ryki öllum til ama. Þá er bent á að hraðakstur hafi verið til óþæginda undanfarið. Fýsir marga að vita hvort ekki eigi að gera bragarbót á og malbika þann vegspotta sem eftir er.
Andri Teitsson formaður umhverfis- og mannvirkjaráðs segir að vel megi velta fyrir sér hvort rétt sé að gera Lækjargilið sem kallað er betra fyrir bílaumferð með því að malbika veginn. Við það megi gera ráð fyrir að umferð aukist til muna, en bæjaryfirvöld vilji beina umferðinni frá Innbæ og upp á brekkubrún sem mest um Miðhúsabrautina, við Skautahöllina.
Bæta aðeins við malbikskaflann í haust
Guðríður Friðriksdóttir sviðsstjóri umhverfis- og mannvirkjasviðs segir að til standi að nú helst á haustdögum að bæta malbiki við aðeins ofar en það er nú. Malbikaði kafli götunnar nær rétt ofan við hús númer 22 við Lækjargötu og segir Guðríður Friðriksdóttir sviðsstjóri umhverfis- og mannvirkjasviðs að til standi nú í haust að bæta aðeins við of malbika aðeins meira. „Við vitum af því að rykið var mikið í sumar og það er íbúum í húsum efst í götunni til mikils ama. Við viljum gera þetta í sátt við íbúana,“ segir Guðríður.
Hún segir að svæðið sé fallegt, perla í bæjarlandinu en það hafi ekki verið skipulagt. „Það liggja enn ekki fyrir neinar ákvarðanir um hvað eigi að gera við þetta svæði. Það á eftir að vinna allt skipulag og fá það samþykkt áður en hægt er að aðhafast nokkuð. Það er alls ekki nóg að skella bara malbiki yfir götuna, það þarf meira að koma til,“ segir Guðríður.
Sumir keyra á blússandi ferð framhjá
„Við göngum mjög oft eftir Lækjargilinu, þetta er yndislegt svæði og virkilega gaman að fara þar um í gönguferðum,“ segir Margrét Sigurðardóttir en hún og eiginmaður hennar Einar Janus Kristjánsson búa í Hagahverfi og ganga sér til ánægju og heilsubótar oft upp eða niður Lækjargötuna í ferðum sínum. Þau sakna þess að hafa ekki gangstétt en engar slíkar eru við götuna. „Það yrði til mikilla bóta ef ekki þyrfti að ganga eftir sjálfri götunni heldur uppi á gangstétt, „ segja þau. Bílstjóra sem aki um segja þau misjafna, margir sýni tillitssemi og hægi ferðina, en alls ekki allir. „Það keyra hér sumir alveg á blússandi ferð og skeyta engu um gangandi vegfarendur. Það er mjög óþægilegt að upplifa og eins er leiðinlegt að fá yfir sig allt þetta ryk sem fylgir hraðri bílaumferð,“ segja þau Margrét og Einar Janus.
Má bjóða þér áskrift að Vikublaðinu? Smelltu þá HÉR
Nýjast
-
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára. -
Syngjandi sumarsveifla í Laugarborg
Að kvöldi síðasta vetrardags býður Kirkjukór Grundarsóknar í Eyjafjarðasveit til tónlistarveislu í Laugarborg þar sem sannarlega verður syngjandi sumarsveifla í aðalhlutverki. -
Ef ég væri sími.
Líklega er áhugi fólks á tækjum og tækni mismikill. Flestir eru þó duglegir í að passa uppá símana sína, tileinka sér tækninýjungar og uppfæra þá. Þetta litla tæki sem fylgir okkur mörgum í daglegu lífi. Síminn er gjarnan skammt undan, uppi á borði, í töskunni eða vasanum. Góður sími getur veitt okkur sítengingu við alheiminn, vini og vandamenn, afþreyingu, vinnuna og bara allt mögulegt. -
Mörg þúsund manns árlega á faraldsfæti suður til lækninga
Þjónusta Sjúkrahússins á Akureyri hefur dregist saman undanfarin misseri. Því fer fjarri að SAK nái að uppfylla það hlutverk sem skilgreint er í lögum um heilbrigðisþjónustu, þar sem m.a. segir að sjúkrahúsið eigi að veita þjónustu í nær öllum sérgreinum lækninga og vera varasjúkrahús Landspítala -
Lögreglan á Norðurlandi eystra rannsakar andlát
Eftirfarandi tilkynningu sendi lögreglan á Norðurlandi eysta frá sér nú rétt í þessu. Klukkan 04:30 aðfaranótt mánudags var lögreglan á Norðurlandi eystra kölluð að fjölbýlishúsi á Akureyri. Fyrstu lögreglumönnum sem komu á vettvang var vísað á meðvitundarlausa konu í íbúðinni og hófust endurlífgunartilraunir þegar í stað. Læknir og sjúkraflutningamenn komu einnig á vettvang en tilraunir til endurlífgunar báru ekki árangur og var konan úrskurðuð látin á vettvangi. -
Svona er síminn hannaður til að stela athygli okkar
Af hverju er svona erfitt að leggja frá sér símann? Er efnið sem þar er að finna alltaf svo mikilvægt og áríðandi að það gengur fyrir þau samskipti sem við erum að eiga við fólkið í kringum okkur? Förum við í símann þegar að við erum undir stýri? (Já það telst líka með að gera það á rauðu ljósi). Lengjum við klósettferðirnar okkar til að vera lengur í símanum? Leggjum við símann alltaf á borðið á fundum, í kaffitímanum eða við matarboðið og leyfum þannig tilkynningunum á skjánum að stela athygli okkar? Setjum við börnin okkar fyrir framan skjá til þess að kaupa okkur sjálfum skjátíma? Leitum við í símann alltaf þegar að okkur leiðist? Erum við hrædd við að vera vandræðaleg á almannafæri og förum í símann til að þykjast vera að sinna einhverju mikilvægu frekar en að líta upp og leyfa huganum að reika? Dettum við út í samtölum við annað fólk því við ætluðum að fletta einhverju eldsnöggt upp en rákumst svo á eitthvað annað sem greip athygli okkar? Getum við átt gæðastundir með fjölskyldunni án þess að láta símann trufla okkur? -
Lokaorðið - Forgangslistinn
Eftir því sem ég eldist verð ég sífellt þakklátari fyrir að fá að ganga lífsins veg með fólkinu mínu. Við erum fámenn þjóð og höfum í gegnum tíðina staðið þétt saman. Við höfum lyft grettistaki í forvörnum vegna slysa á sjó og landi.
Athugasemdir