Höskuldur íhugar formannsframboð
Höskuldur Þórhallsson íhugar framboð til formanns KSÍ.
Höskuldur Þórhallsson, fyrrverandi þingmaður Framsóknarflokksins, er að íhuga framboð til formanns Knattspyrnusambands Íslands, KSÍ. Þetta staðfesti hann sjálfur við mbl.is laust fyrir hádegið.
„Það er rétt að félög utan af landi hafa verið í sambandi við mig og ég get staðfest að ég er að skoða það, já. Það er frekar stuttur aðdragandi að þessu og ég er ekki reiðubúinn að gefa út yfirlýsingu um það hvort ég muni sækjast eftir embættinu. En það hafa nokkrir komið að máli við mig og ég hef verið í sambandi við þó nokkra. Í ljósi þess tel ég rétt að skoða þetta og er að gera það þessa dagana,“ segir Höskuldur við mbl.is.
Ef Höskuldur yrði kosinn formaður segist hann ætla að leggja áherslu á að brúa það bil sem orðið hefur á milli höfuðborgar og landsbyggðar.
Höskuldur er ekki alls ókunnur fótboltanum eins og knattspyrnuáhugamenn vita. Hann lék á árum áður með Fram og KA á Akureyri. Þá þjálfaði hann um tíma meistarflokk Gróttu en hann hefur einnig komið að þjálfun yngri flokka.
Uppfært kl. 18:13
Eiríkur Björn einnig í framboð?
Þá kemur fram á vefmiðlinum Fótbolti.net að Eiríkur Björn Björgvinsson, bæjarstjóri á Akureyri hefi fengið fjölda áskorana um að bjóða sig fram til formanns KSÍ. „Ég hef verið spurður af aðilum úr knattspyrnuhreyfingunni hvort ég hafi velt formannsstarfinu fyrir mér og hvort ég gæti hugsað mér að bjóða mig fram á næsta ársþingi," sagði Eiríkur í samtali við Fótbolta.net í dag.
Eiríkur segist jafnframt enga ákvörðun hafa tekið.
Árþing KSÍ fer fram þann 11. febrúar næstkomandi en nú þegar hafa þeir Björn Einarsson og Guðni Bergsson tilkynnt um sitt framboð.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.