Hólmfríður Stefánsdóttir er 100 ára í dag
Hólmfríður skálaði í sherry við afmælisgesti í dag.
Hólmfríður Stefánsdóttir íbúi í Kjarnalundi á Akureyri er 100 ára í dag. Af því tilefni var haldin afmælisveisla á staðnum, þar sem aðrir íbúar, starfsfólk og ættingjar samfögnuðu afmælisbarninu. Hólmfríður er farin að missa sjón og heyrn, hún er aðeins farin að gleyma en er að öðru leyti við góða heilsu. Það var nokkuð létt yfir afmælisbarninu þegar Vikudagur heimsótti hana fyrir stundu og skálaði hún í sherry við ættingja sína.
Hólmfríður fæddist í Grímsey þann 29 nóvember árið 1911 en hún fluttist barnung til Akureyrar, þar sem hún hefur búið síðan. Hún giftist Ellerti Þóroddsyni frá Sjávarbakka í Arnarneshreppi. Hann var lengst af vélstjóri til sjós en lést árið 1973, eftir veikindi. Hólmfríður eignaðist 7 börn, hún missti 2 börn við fæðingu og sonur hennar Þórhallur Ellertsson fórst með Súlunni EA árið 1963 en hann var 1. vélstjóri á skipinu. Þrjú af börnum Hólmfríðar eru á lífi. Hún og Ellert bjuggu lengst af í gamla íshúsinu á Akureyri, einnig í Hafnarstræti 84 og eftir að Hólmfríður var orðin ein, bjó hún í Smárahlíð, eða þar til hún flutti í Kjarnalund fyrir um þremur árum. Hólmfríður sagði að í Kjarnalundi væri mjög gott starfsfólk en að sér leiddist þar engu að síður, hún hefði lítið við að vera og gæti t.d. ekki prjónað lengur, þar sem sjónin er farin að daprast. Afkomendur hennar í afmælinu í dag, voru þó sammála um að Hólmfríður hefði gaman af því að tala og væri mikil selskapsmanneskja. Hólmfríður var virkilega ánægð með afmælisdaginn og hversu margir komu í heimsókn. Hún starfaði lengst af í frystihúsinu á Akureyri en sínum yngri árum var hún í síld á Siglufirði og síðar fór hún ásamt Rúnu dóttur sinni í síld á Raufarhöfn.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.