Hollvinasamtök Sjúkrahússins á Akureyri safna fyrir 40 milljón króna hryggsjá
„Þetta er stærsta og dýrasta einstaka tækið sem við höfum safnað fyrir,“ segir Jóhannes Bjarnason formaður Hollvinasamtaka Sjúkrahússins á Akureyri. Samtökin fagna 10 ára afmæli sínu á næsta ári og ætla í tilefni af því að gefa SAk nýtt tæki, hryggsjá sem ekki er til hér á landi. Tækið kostar um 40 milljónir króna.
Hryggsjá segir Jóhannes vera eins konar siglingartæki fyrir skurðlækna sem sérhæfa sig í bakaðgerðum, það sýnir leiðir sem best er að fara þegar aðgerðir eru gerðar á hrygg og hvernig best er að athafna sig þegar komið er inn í líkamann. „Það er þó nokkur fjöldi fólks sem á við margs konar bakverki að stríða. Þetta tæki hefur ekki verið til hér á landi og því verður mikil og góð breyting á þegar við höfum fest á því kaup og komið því í notkun hér norðan heiða,“ segir Jóhannes.
Bylting fyrir bakveika
Ekki er hægt að segja fyrir um hversu margir komast í aðgerð á baki þegar tækið verður tekið í notkun en Jóhannes segir að það muni auka mjög lífsgæði þeirra sem í þær fari, verði í raun algjör bylting og því sé um verulega gagnlegt tæki að ræða, „sem við hlökkum til að kynna og hefja söfnun á,“ segir hann og fagnar því að hægt verði að gera þessar aðgerðir hér á landi í nánustu framtíð, en ella hefði fólk leitað út fyrir landsteina í slíkar aðgerðir eða búið við sína bakverki áfram.
Jóhannes segir að Freyr Gauti Sigmundsson sem gerði garðinn frægan sem júdókappi í eina tíð og fór meðal annars sem fulltrúi Júdódeildar KA á Olympíuleika væri nú virtur bakskurðlæknir í Svíþjóð. Hann kæmi á gamlar heimaslóðir, Akureyri fjórum sinnum á ári til að heimsækja móður sínar sem þar býr. „Hann mun í þeim heimsóknum taka upp skurðhnífinn og sinna þeim sjúklingum sem á þurfa að halda. Það er virkilega ánægjulegt að fá hann til liðs við þetta verkefni,“ segir hann.
Hafa safnað 4-500 milljónum til tækjakaupa
Hollvinasamtök SAk voru stofnuð árið 2013 og hafa á þeim 9 árum sem þau hafa starfað safnað á bilinu frá 400 til 500 milljónum króna sem nýtt hafa verið til tækjakaupa fyrir sjúkrahúsið. Það er tæpur þriðjungur af öllum því fé sem SAk hefur til ráðstöfunar til kaupa á tækjum. Alls eru félagar í samtökunum um 2700 talsins og greiða árgjald upp á 6000 krónur. Tekjur af árgjöldum eru á bilin 12 til 14 milljónir á ári hverju.
Jóhannes segir að nú standi yfir vinna við að breyta formi samtakanna úr góðgerðarfélagi yfir í almannaheillafélag, en það gerir að verkum að einstaklingar og fyrirtæki sem veita styrki geta nýtt sér skattaafslátt á móti. „Við væntum þess að það mun auðvelda okkur að leita til fyrirtækja eftir stuðningi, en almennt finnum við fyrir miklum velvilja til sjúkrahússins hér frá nærsamfélaginu,“ segir hann.
Nýjast
-
Árangursrík sýning í Barcelona:
Sýningin tókst frábærlega. Það var stríður straumur gesta í básinn til okkar alla sýningardagana og mikill áhugi á okkar þjónustu og tæknilausnum," segir Hilmar Guðmundsson, sölu- og markaðsstjóri Slippsins Akureyri, um þátttöku fyrirtækisins í sjávarútvegssýningunni Seafood Expo Global í Barcelona á Spáni. Sýningin stóð í þrjá daga og lauk síðdegis í gær. -
Skemmdarverk unnin á rútum.
Hún var ekki skemmtileg aðkoma sem blasti við Jónasi Þór Karlssyni eigenda Sýsla Travel þegar hann kom, síðdegis í gær, til að líta til með bílakosti fyrirtækis hans sem staðsettar eru á nýju bílastæði við Laufásgötu 4 á Akureyri. Einhverjir lítt vandaðir höfðu farið um og brotið glugga í rútum Jónasar. Gluggar í svona bílum er sterkir svo nokkur fyrirhöfn hefur verið við að vinna þessi óskiljanlegu skemmdarverk. -
Ársfundur SSNE Skorar á stjórnvöld að tryggja nægt fé til löggæslu
„Lögreglan á Norðurlandi þarf að hafa þann styrk sem nauðsynlegur er ef upp koma alvarlegri mál í því skyni að geta sinnt hlutverki sínu og tryggt öryggi borgaranna,“ segir í ályktun sem samþykkt var á ársþingi SSNE sem haldið var í Þingeyjarsveit nýverið. Skorað var á stjórnvöld að tryggja nú þegar nauðsynleg fjárframlög til málaflokksins. -
Akureyri - Framkvæmdir við Torfunef
Framkvæmdir við stækkun Torfunefsbryggju ganga ágætlega um þessar mundir. Lóðir verða boðnar út á næstu vikum og gangi allt að óskum verður hafist handa við að reisa hús á svæðinu á næsta ári. -
Stöðugur straumur á bás Samherja og Ice Fresh Seafood í Barcelona - Aðsóknarmet slegið -
Alþjóðlegu sjávarútvegssýningunni Seafood Expo Global í Barcelona lauk í gær , fimmtudag. Samherji og Ice Fresh Seafood voru með veglegan bás á þessari stærstu sjávarútvegssýningu heims á sviði veiða, vinnslu og sölu sjávarafurða. 2.244 fyrirtæki taka þátt í sýningunni frá 87 þjóðlöndum. -
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund.
Athugasemdir