Hlaupa um með fötur og handklæði á Hlíð vegna leka
Dvalarheimilið Hlíð á Akureyri.
Ingi Þór Ágústsson forstöðumaður á Dvalarheimilinu Hlíð á Akureyri segir algjört úrræðaleysi vera í öldrunarmálum bæjarins og starfsfólk Öldrunarheimila Akureyrar (ÖA) sé í mikilli óvissu um sína framtíð og framtíð málaflokksins í bænum.
Þetta kemur fram í grein sem Ingi Þór ritaði í Vikudegi í síðustu viku.
Ingi Þór segir í samtali við Vikudag að húsnæðismálin á Hlíð séu ekki íbúum bjóðandi. Hann bendir á í greininni að Hlíð haldi hvorki vatni né vindi, starfsfólk þurfi að hlaupa um með fötur og handklæði þegar rignir og reyni að halda raka og kulda frá íbúum.
„Húsið sem ég stýri er gamalt og lekur,“ segir Ingi Þór. „Gluggarnir leka, það er raki í veggjum og komin mygla í glugga vegna viðhaldsleysis undanfarinna ára og það er vandamál sem hefur verið vitað um í töluverðan tíma. Þetta hefur þó ekkert með viðhaldsdeild bæjarins að gera, hún hefur staðið sig vel í þeim málum sem að deildinni snýr. Vandamálið er fyrst og fremst að það fjármagn sem er veitt til endurbóta og viðhalds á húsnæðinu er allt of lítið,“ segir Ingi Þór.
Segir vanta alla stefnu í öldrunarmálin
Formaður bæjarráðs Akureyrar, Guðmundur Baldvin Guðmundsson, benti á það í frétt í Vikudegi fyrir tveimur vikum að fjárhagsáætlun Akureyrarbæjar geri ráð fyrir því að 350 milljónum verði ráðstafað til ÖA á árunum 2019 og 2020 og áhersla verði á endurbætur á Hlíð.
„En við lestur áætlunarinnar og framkvæmdaryfirlit Akureyrarbæjar fyrir árin 2018-2021 er ekki einu orði minnst á fyrirhugaðar endurbætur á Hlíð né neinni gerð af fyrirhuguðum byggingum á rýmum né endurbótum,“ segir Ingi Þór og bætir við: „Það er búið að gera tvær skýrslur á vegum Akureyrarbæjar um stöðu og framtíð í öldrunarmálum bæjarins. Og hver er niðurstaðan? Hún er engin. Það er engin stefna hjá bænum í þessum málaflokki. Bæjaryfirvöld hafa hvorki tjáð íbúum öldrunarheimilina né þeim hátt í 300 starfsmönnum sem starfa í öldrunarmálum í bænum hver stefnan er.“
Starfsfólk að kikna undan álagi
Ingi Þór segir starfsfólk ÖA sé að kikna undan álagi og langir biðlistar séu eftir plássi á Hlíð. „Það eru tugir einstaklinga sem eru að bíða eftir að komast inn, fólk fær mismunandi þjónustu heim til sín og staðan er sú að ég fæ daglega aðstandendur eldra fólks til mín sem er að þrotum komið og hefur engin hús að venda. Einnig er ég að missa starfsfólk í veikindafrí vegna álags. Úrræðaleysið er það algjört að fólk brotnar niður og veit ekki hvernig það á að takast á við þetta,“ segir Ingi Þór.
Nýjast
-
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug.