„Hlakka til norðlenskra jóla“
Páley Borgþórsdóttir.
Páley Borgþórsdóttir er nýr lögreglustjóri á Norðurlandi eystra. Páley er 45 ára gömul, maður hennar er Akureyringurinn Arnsteinn Ingi Jóhannesson og þau eiga saman þrjú börn, Borgþór, Andreu Dögg og Emblu Sigrúnu. Páley er frá Vestmannaeyjum og var áður lögreglustjóri þar en hún er fædd og uppalin í Eyjum.
Hún segir þó að Akureyri hafi í raun alltaf verið hennar heimili númer tvö, enda stundaði hún nám sem unglingur í Menntaskólanum á Akureyri og Arnsteinn og hún hafi fylgst að í lífinu frá þeim tíma. Mikill og góður samgangur hafi ætíð verið á milli hennar og tengdafjölskyldunnar og heimsóknir á Norðurlandið því tíðar.
Mikið jólabarn
Páley er mikið jólabarn og við ræddum við hana um jólahátíðina, en fjölskyldan heldur sín eigin fyrstu norðlensku jól í ár. „Já, þetta verða okkar fyrstu jól í okkar eigin húsnæði á Akureyri. Það verður örugglega mjög notalegt en ég býst við meiri kulda og snjó en við erum alla jafna vön í Vestmannaeyjum,“ segir Páley sem hlakkar til að geta farið á skíði með fjölskyldunni um jólin en viðurkennir að hún sé ef til vill ekki sú liprasta í brekkunni. „Þá munum við fjölskyldan að sjálfsögðu heimsækja Jólahúsið reglulega í desember og finna þann sanna jólaanda sem þar er.“
Fjölskylduhefðir varðandi jólahátíðina eru nokkrar hjá fjölskyldunni. Til að mynda er alltaf aðventukaffi hjá tengdamömmu Páleyjar þann 1. desember, þar sem öll stórfjölskyldan mætir. „Við búumst reyndar við því að það verði með breyttu sniði í ár. Þá er alltaf jólagrautur í hádeginu á aðfangadag hjá okkur og við erum alltaf með lifandi tré. Jólaundirbúningurinn snýst um fjölskyldustundir og það er alltaf mikið um föndur á mínu heimili í desember. Auk þess á eldri dóttir mín afmæli á annan í jólum, þannig að þá reynum við að hafa smá afmælisveislu.“
Erfitt að verða vitni að þungum málum
Páley segir jólin alltaf sérstakan tíma hjá lögreglunni. Nóg sé af verkefnum eins og allan ársins hring og að það breytist ekki þó að tími jólanna gangi í garð. „Það er alltaf erfitt að verða vitni að þungum málum, líkt og ofbeldismálum eða málum sem varða börn með einhverjum hætti. Lögreglan vinnur markvisst í því að beita sér gegn ofbeldi og sérstök áhersla hefur verið á heimilisofbeldi undanfarin ár. Það er vágestur sem við verðum að hjálpast að við að uppræta,“ segir Páley og segist að sjálfsögðu óska þess að sem flestir eigi sem ánægjulegust jól í öruggu umhverfi með ástvinum.
Kúrenukökur að hætti ömmu
Við báðum Páleyju að lokum um að deila með lesendum uppskrift að uppáhaldssmákökunum sínum. Uppskriftin er að kúrenukökum, sem er gömul uppskrift sem hefur lengi verið í fjölskyldunni og er frá föðurömmu Páleyjar. Hún segir það vera kókosmjölið sem geri þær ómótstæðilegar.
Kúrenukökur
375 g hveiti
375 g sykur
250 g smjör
250 g kókosmjöl, gróft
2 stk. egg
125 g kúrenur (ef þær eru ekki til í búðum má nota rúsínur og saxa þær niður)
¼ tsk. hjartarsalt
Öllu hnoðað saman, rúllað í lengjur, kælt (fyrir þolinmóða), skorið í sneiðar og bakað í örfáar mínútur við 180°C eða þar til kúrenurnar verða gulbrúnar.
Greinin birtist fyrst í Jólablaði Vikublaðsins sem unnið var af nemendum í fjölmiðlafræði við Háskólann á Akureyri
Nýjast
-
Mörg þúsund manns árlega á faraldsfæti suður til lækninga
Þjónusta Sjúkrahússins á Akureyri hefur dregist saman undanfarin misseri. Því fer fjarri að SAK nái að uppfylla það hlutverk sem skilgreint er í lögum um heilbrigðisþjónustu, þar sem m.a. segir að sjúkrahúsið eigi að veita þjónustu í nær öllum sérgreinum lækninga og vera varasjúkrahús Landspítala -
Lögreglan á Norðurlandi eystra rannsakar andlát
Eftirfarandi tilkynningu sendi lögreglan á Norðurlandi eysta frá sér nú rétt í þessu. Klukkan 04:30 aðfaranótt mánudags var lögreglan á Norðurlandi eystra kölluð að fjölbýlishúsi á Akureyri. Fyrstu lögreglumönnum sem komu á vettvang var vísað á meðvitundarlausa konu í íbúðinni og hófust endurlífgunartilraunir þegar í stað. Læknir og sjúkraflutningamenn komu einnig á vettvang en tilraunir til endurlífgunar báru ekki árangur og var konan úrskurðuð látin á vettvangi. -
Svona er síminn hannaður til að stela athygli okkar
Af hverju er svona erfitt að leggja frá sér símann? Er efnið sem þar er að finna alltaf svo mikilvægt og áríðandi að það gengur fyrir þau samskipti sem við erum að eiga við fólkið í kringum okkur? Förum við í símann þegar að við erum undir stýri? (Já það telst líka með að gera það á rauðu ljósi). Lengjum við klósettferðirnar okkar til að vera lengur í símanum? Leggjum við símann alltaf á borðið á fundum, í kaffitímanum eða við matarboðið og leyfum þannig tilkynningunum á skjánum að stela athygli okkar? Setjum við börnin okkar fyrir framan skjá til þess að kaupa okkur sjálfum skjátíma? Leitum við í símann alltaf þegar að okkur leiðist? Erum við hrædd við að vera vandræðaleg á almannafæri og förum í símann til að þykjast vera að sinna einhverju mikilvægu frekar en að líta upp og leyfa huganum að reika? Dettum við út í samtölum við annað fólk því við ætluðum að fletta einhverju eldsnöggt upp en rákumst svo á eitthvað annað sem greip athygli okkar? Getum við átt gæðastundir með fjölskyldunni án þess að láta símann trufla okkur? -
Lokaorðið - Forgangslistinn
Eftir því sem ég eldist verð ég sífellt þakklátari fyrir að fá að ganga lífsins veg með fólkinu mínu. Við erum fámenn þjóð og höfum í gegnum tíðina staðið þétt saman. Við höfum lyft grettistaki í forvörnum vegna slysa á sjó og landi. -
Hörður Óskarsson styrkir Krabbameinsfélagið
Hörður Óskarsson færði Krabbameinsfélagi Akureyrar og nágrennis ríflega hálfa milljón króna sem er andvirði af sölu á skarti úr gamalli mynt sem hann selur undir nafninu Mynthringir og alls konar. -
Háskólinn á Akureyri Endurskoðun jafnréttisáætlunar í fullum gangi
Um þessar mundir stendur yfir endurskoðun á áætlun háskólans um jafna stöðu kynjanna sem gildir frá 2021 til 2024 og jafnréttisráð Háskólans á Akureyri stendur að þeirri vinnu. Jafnréttisráð HA er öflugt og virkt ráð sem heldur reglulega fundi og tekur fyrir og fylgir eftir erindum starfsfólks og stúdenta. Þá er boðið upp á fræðslu innan skólans ásamt þátttöku í skipulagi Jafnréttisdaga sem haldnir eru árlega. Ráðið hefur starfskraft á sínum snærum, Sæunni Gísladóttur, sérfræðing hjá Rannsóknamiðstöð Háskóla Akureyrar. -
Andrésar andarleikarnir haldnir í 48 sinn
Andrésar andarleikarnir í skíðaíþróttum verða haldnir í Hlíðarfjalli í næstu viku, dagana 24.-27. apríl. Skíðafélag Akureyrar heldur leikana og er þetta í 48. sinn sem efnt er til þeirra. -
Stöðug aukning í blóð- og krabbameinsmeðferðum hjá SAk
Krabbameinsfélag Akureyrar og nágrennis afhenti formlega á dögunum almennu göngudeildinni á SAk þrjá meðferðarstóla og þrjú hliðarborð. Mikil aukning hefur orðið í blóð- og krabbameinsmeðferðum undanfarin ár og stefnir í að svo verði áfram. -
Formannaskipti í Sjálfsbjörg, félagi fatlaðara á Akureyri og nágrenni
Formannaskipti urðu í Sjálfsbjörg, félagið fatlaðra á Akureyri og nágrenni á aðalfundi nýverið. Herdís Ingvadóttir lét af formennsku eftir 24 ár. Hún getur að sögn gengið stolt frá borði eftir farsæla setu í stól formanns. Hún hafði um 6 ára skeið þar á undan setið í stjórn félagsins eða í allt í þrjá áratugi.
Athugasemdir