Hjúkrunarráð FSA mótmælir boðuðum niðurskurði
Hjúkrunarráð Sjúkrahússins á Akureyri, FSA, sem haldinn var í gær, mótmælir þeim niðurskurði sem boðaður hefur verið og segir að lengra verði ekki gengið í hagræðingu. Lengra verður ekki gengið í hagræðingu og samkvæmt niðurskurðartillögum sem kynntar voru í fyrradag verður dregið enn frekar úr þjónustu við sjúklinga á Norðurlandi. Til viðbótar má vænta að niðurskurðakröfur til annarra heilbrigðisstofnana á Norðurlandi auki enn álag á Sjúkrahúsið á Akureyri.
FSA er annað sérgreinasjúkrahús landsins og samkvæmt lögum varasjúkrahús Landspítala og því mikilvægt að hæft starfsfólk haldist í vinnu hér og tækjakostur og þekking sé áfram til staðar. Fyrir nokkru svaraði velferðarráðherra, fyrirspurn á Alþingi, um þróun stöðugilda lækna og hjúkrunarfræðinga á heilbrigðisstofnunum árin 2007 - 2011. Í fjölmiðlum var því slegið upp að stöðugildum hjúkrunarfræðinga hefði fjölgað um rúmt 1% á landinu.
Á FSA, hefur stöðugildum hins vegar fækkað um 7,8 frá því um efnahagshrun. Þessar upplýsingar eiga því auðsjáanlega ekki við FSA. Vegna niðurskurðarkröfu fyrir næsta ár er fyrirsjáanlegt að enn fleiri hjúkrunarfræðingar missi vinnu sína á FSA og aðrir munu þurfa að minnka við sig vinnu til að komast hjá uppsögnum starfsfélaga. Óhjákvæmilegt er að þjónusta við sjúklinga minnki, aukið álag verður á þá fáu starfsmenn sem eftir eru sem ógnar þar með öryggi sjúklinga.
Engar líkur eru á að færri landsmenn veikist á næsta ári og minnkuð starfsemi á FSA eykur líkur á sjúkraflugi milli Norðurlands og Landsspítala, eykur þar með álag á Landsspítala sem síður en svo leiðir til sparnaðar í útgjöldum ríkisins. Því skorar aðalfundur hjúkrunarráðs FSA á velferðarráðherra og ríkisstjórnina að endurskoða afstöðu sína í niðurskurðarkröfu á FSA og gefa út framtíðarstefnu í heilbrigðismálum landsbyggðarinnar," segir í ályktun fundarins. Þetta kemur fram á mbl.is.
Nýjast
-
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu. -
Aðalfundur Framsýnar karlmenn 62% félagsmanna
Karlmönnum hefur fjölgað í Framsýn, stéttarfélagi undanfarin ár. Þar hefur líkast til mest áhrif að meirihluti starfsfólks PCC á Bakka eru karlmenn. Verksmiðjan hóf starfsemi árið 2018. -
Rúm milljón til Krafts frá MA-ingum
Ár hvert heldur skólafélagið Huginn góðgerðaviku í þeim tilgangi að styrkja gott málefni. Að þessu sinni var valið að styrkja Kraft, stuðningsfélag fyrir ungt fólk sem greinst hefur með krabbamein og aðstandendur og söfnuðust alls 1.086.000 kr. -
April metmánuður í farþegaflutningum á Akureyrarflugvelli
Frá þvi segir á Facebook vegg Akureyrarflugvallar að nýliðinn mánuður hafi verið sá metmánuður í farþegaflutningum um völlinn. -
Harmonikudagurinn í Hofi á sunnudagur
„Harmonikan er heillandi hljóðfæri. Það má segja að draumur okkar um að heiðra hljóðfærið rætist og því verður gert hátt undir höfði á Harmonikudeginum sem haldinn verður næsta sunnudag, 4. maí með glæsilegum tónleikum í Menningarhúsinu Hofi á Akureyri,“ segir Hrund Hlöðversdóttir sem ásamt Agnesi Hörpu Jósavinsdóttur hefur unnið að undirbúningi viðburðarins. -
Stöður skólameistara við VMA og Framhaldsskólans á Húsavík auglýstar
Mennta- og barnamálaráðuneytið auglýsti í dag lausar til umsóknar stöður skólameistara við Verkmenntaskólann á Akureyri (VMA) og Framhaldsskólann á Húsavík. Umsóknarfrestur er til og með 14. maí n.k. -
Þrjú verkefni í Þingeyjarsveit hlutu styrk úr Framkvæmdasjóði ferðamannastaða
Hanna Katrín Friðriksdóttir atvinnuvegaráðherra úthlutaði styrkjum úr Framkvæmdasjóði ferðamannastaða 30 april s.l. -
Vilja klára byggingu Standgötu 1
Á fundi skipulagsráðs Akureyrarbæjar á dögunum var lagt fram erindi Kristjáns Þórs Júlíussonar fyrir hönd eigenda Strandgötu 1 ehf dagsett 31. mars 2025 vegna áforma eigenda um stækkun núverandi húss að Strandgötu 1.
