Hjálpræðisherinn og hjálparstarfið
Níels Erlingsson skrifar
Í tæp þrátíu ár hefur Hjálpræðisherinn á Akureyri staðið fyrir fata- og nytjamarkaði, fyrst kallað Flóamarkaður. Fyrstu árin voru aðstæður ekki góðar, salir starfseminnar voru tvo daga í mánuði lagðir undir markaðinn, sem útheimti mikla vinnu bæði við upphaf sölunnar og er þurfti að ganga frá eftir söludaga. En félagar og vinir Hersins voru ætíð tilbúnir að aðstoða og leggja á sig vinnu við þessa nýbreytni til fjáröflunar fyrir starfið. Ekki var það mikið fyrstu árin sem þessi tilraun til fjáröflunar gaf af sér. Starf þetta sýndi sig fljótt koma mörgum að góðum notum, viðskiptavinum fjölgaði ört og voru margir þakklátir fyrir að geta verslað ódýran fatnað. Seinna bötnuðu söluaðstæður, húsnæðið stækkaði og fleiri vöruflokkar bárust, svo sem húsgögn, ýmis tæki, bækur glervörur og annað, auk fatnaðar á börn og fullorðna. Þessi starfsemi varð vinsæl, að selja notaðan varning á verði sem var aðeins brot af verði sömu vöru í verslun.
Slíka starfsemi hefði ekki verið hægt að stunda ef ekki allt þetta góða fólk sem vinnur þessi störf ólaunað, hefði ekki verið fúst til vinnu. Þó svo að það liggi alveg ljóst fyrir að verðmætum er haldið til haga, hafa bæjaryfirvöld á Akureyri ekki séð ástæðu til að sýna þessu mikilvæga starfi til verðmætasköpunar athygli með fjárframlögum. Annað starf sem Hjálpræðisherinn á Akureyri hefur unnið frá upphafi hér á Akureyri í rúm eitthundrað ár, er að safna fé fyrir jól handa barnafjölskyldum og sjúklingum og veita þeim smá glaðning fyrir jól. Þetta hefur verið gert með því að halda úti svokölluðum Jólapotti í desember. Svo höfum við verið svo lánsöm í nokkur ár að hafa fengið fyrir jól fjárframlög frá klúbbum á Akureyri og erum við þeim þakklát fyrir. Þetta hefur gert okkur kleift að gleðja nokkra einstaklinga fyrir jól.
Nú er Hjálpræðisherinn á Akureyri búinn að koma sér upp aðstöðu í björtu og rúmgóðu húsnæði fyrir reksturinn Fata- og nytjamarkaður Hertex. Sem fyrr er starfsemin byggð á vinnuframlagi félaga og vina sem starfa ólaunað. Einnig erum við svo heppin að stór hópur fólks færir okkur fatnað og nytjavöru og þar sem við erum komin með sendibíl, hringir fólk og býður okkur að sækja húsgögn og stærri tæki heim til sín. Stefna og markmið Hjálpræðishersins með þessari markaðssölu er að hluti ágóðans renni aðallega í hjálparstarf í umdæmi Hjálpræðishersins á Akureyri. Hjálpin miðast við að aðstoða einstaklinga og fjölskyldur sem lenda í óhöppum, veikindum, eða öðru ófyrirséðu. Það er trú okkar og von að starfsemin og samstarfið við allt þetta góða fólk, viðskiptavini og gefendur markaðsvaranna, sýni hversu gott og nytsamlegt það er að standa saman um hluti sem horfa til betri vegar fyrir heildina.
Guð blessi ykkur.
Höfundur er stjórnarformaður Hertex.
Nýjast
-
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.