Hinn eini sanni Völsungur!
Hér er hinn eini sanni Völsungur og hann er með aðsetur í Fuglasafni Sigurgeirs í Mývatnssveit. Mynd: JS
Íþróttafélagið Völsungur á Húsavík átti 89 ára afmæli s.l. þriðjudag 12. apríl. Undirritaður hefur á undanförnum árum skrifað um og myndað fjölda Völsunga á öllum aldri sem hafa verið að keppa í hinum ýmsu greinum íþrótta. En það var ekki fyrr en á dögunum sem mér tókst að mynda sérstaklega hinn eina sanna Völsungs, sem er Völsungur að eðli og upplagi – og getur ekki annað!
Sá er með aðsetur í hinu magnaða Fuglasafni Sigurgeirs í Mývatnssveit uppi og heldur þar afar kyrru fyrir, miðað við Völsunga yfirhöfuð, enda fugl og það uppstoppaður. Sem sé ránfuglinn Völsungur, sem nefnist á hinu alþjóðlega fuglamáli Latínu, Elanus Caeruleus (kærulaus??) og á ensku Black winged kite. Fuglinn er kirfilega merktur þessum þremur nöfnum og raunar fleirum, eins og allir aðrir fuglar á þessu glæsilega safni.
Einn gesta sem var að skoða Völsunginn, spurði hvort hann væri nokkuð fótbrotinn, því staða vinstri fótar virtist nokkuð óeðlileg. Viðstaddir voru sammála um að ef svo væri, þá væri það örugglega dæmi um enn einn Völsunginn sem hefði orði fyrir barðinu á ruddalegum leikmanni Þórs! JS
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.