Heiti potturinn fékk góðar viðtökur á Skjaldborg
Heiti potturinn er ný stuttheimildamynd eftir Hörpu Fönn Sigurjónsdóttur frá Kaldbak. Mynd/ María Kjartansdóttir.
Heiti Potturinn stuttheimildamynd eftir Hörpu Fönn Sigurjónsdóttur var frumsýnd á Skjaldbogarhátíðinni á Patriksfirði á laugardaginn. Harpa hélt einnig tónleika á hátíðinni, en hún semur tónlistina í myndinni ásamt því að tónverk eftir Hinn íslenska Þursaflokk, KiraKira og dj. flugvél og geimskip hljóðskreyta myndina. Myndin er einnig myndskreytt að hluta til af Láru Garðarsdóttur, myndskreyti.
Dagskrain.is tók Hörpu tali og spurði út í viðtökurnar: „Rosalega góðar viðtökur, það var hlegið eiginlega út alla myndina sem kom skemmtilega á óvart,“ sagði hún. 
Harpa ætlar sér stóra hluti með myndina: „Hún verður sýnd í Bíó Paradís, ekki reyndar fyrr en í Haust. Við erum ennþá að klára pínulitla tæknilega hluti. Svo verður hún sýnd á Rúv í vetur svo allir geti séð hana,“ segir Harpa Fönn sem er nú þegar byrjuð að undirbúa að koma myndinni inn á erlendar kvikmyndahátíðir.
Heiti potturinn er framleidd af Askja films, sem er í eigu Evu Sigurðardóttur og hlaut styrk hjá Kvikmyndamiðstöð Íslands, Harpa Fönn er sjálf meðframleiðandi myndarinnar.
Myndin er stutt heimildamynd sem fangar einstaka og heillandi menningu Íslendinga – umræðurnar og persónurnar í heita pottinum. Myndin færir áhorfandann inn í heim heita pottsins og fléttar saman myndskreytingum og hljóðmynd við klassíska heimildagerð. Umfangsefnið er Húnahópurinn sem mætir stundvíslega kl. 06:30 á hverjum morgni i í Vestubæjarlauginni og ræðir allt milli himins og jarðar. Áhorfandinn fær að fylgjast með samræðum og upplifa það að vera með í heita pottinum og hluti af Húnahópnum sem mætir sama hvernig viðrar. Harpa gekk til liðs við hópinn og fylgdi honum eftir í hálft ár en hópurinn kaus hana sem nýliða ársins á árlegri uppskeruhátíð.
Harpa Fönn er væntanleg til Húsavíkur í næstu viku til að undirbúa og setja í gang listahátíðina Skjálfanda, en það er listavika sem tekur við af Jónsviku sem Harpa hefur staðið fyrir árlega í Kaldbak við Húsavík um nokkurra ára skeið.
Dagskrain.is mun fjalla nánar um listavikuna síðar og þá verður einnig birt ítarlegt viðtal við Hörpu Fönn um Heita pottinn, tónlistina og lífið. /epe
Hér að neðan má sjá stiklu úr Heita pottinum:
Nýjast
-
Jón Hafsteinn segir frá námi í iðnaðar- og orkutæknifræði
Þegar Jón Hafsteinn Einarsson frá Álftanesi fór að velta fyrir sér námi á sviði verkfræði var hann með margar hugmyndir í kollinum. Vélaverkfræði? Raforkuverkfræði? Ekkert virtist smella alveg – fyrr en hann rak augun í auglýsingu um iðnaðar- og orkutæknifræði. Námið fer fram í staðnámi við Háskólann á Akureyri í samvinnu við Háskólann í Reykjavík. Stúdentar í iðnaðar- og orkutæknifræði horfa á fyrirlestra í beinu streymi í HA á sama tíma og kennslan fer fram í HR. Aðstoðarkennari sér um dæmatíma í HA og stúdentar hafa góða aðstöðu til náms í HA og eru fullgildir HA-ingar sem tilheyra öflugu námssamfélagi háskólans -
Tónasmiðjan á Húsavík með stórsýningu í Heiðarbæ
Ljós í myrkri - Rokkað gegn krabbameini -
Góð viðbrögð komu skemmtilega á óvart
„Söfnun muna eftir Margréti Jónsdóttur gengur mjög vel og við erum hæstánægð með móttökurnar,“ segir Hlynur F. Þormóðsson kynningar- og viðburðastjóri Listasafnsins á Akureyri. -
N1 óskar eftir lóð til uppbyggingar við Baldursnes
Yrki eignir ehf hefur lagt fram fyrirspurn um úthlutun lóðar á horni Baldursness og Óðinsness á Akureyri, til uppbyggingar fyrir N1. -
Undirskrift í grunni hjúkrunarheimilisins á Húsavík
Inga Sæland, félags- og húsnæðismálaráðherra og Katrín Sigurjónsdóttir, sveitarstjóri Norðurþings skrifuðu undir samkomulag á milli Félags- og húsnæðismálaráðuneytisins og Norðurþings um breytt fyrirkomulag vegna byggingar hjúkrunarheimilis á Húsavík -
Minningarsigling horfina og látinna sjómanna með Húna ll
Ákveðið hefur verið að endurtaka minningarsiglingu um horfna og látinna sjómanna í tengslum við hátíðarhöld á Sjómannadaginn um aðra helgi. Bryddað var upp á þessari fallegu nýjung á Sjómannadaginn í fyrra og var mjög góður rómur gerður að. -
Listasafnið á Akureyri: Leiðsagnir um helgina
Laugardaginn 24. maí, kl. 15 verður boðið upp á almenna leiðsögn um sýningar Þóru Sigurðardóttur, Tími – Rými – Efni, og Heimis Hlöðverssonar, Samlífi, sem opnaðar voru um síðustu helgi. Jafnframt verður fjölskylduleiðsögn um sýningarnar í boði daginn eftir, sunnudaginn 25. maí kl. 11-12. -
Loksins fær þyrlan heimili fyrir norðan
Því ber að fagna að ríkisstjórn Íslands hafi borið gæfa til að setja fjármuni í fasta starfsstöð Landhelgisgæslunnar á Akureyri, eitthvað sem ég hef barist fyrir sem þingmaður Norðausturkjördæmis undanfarin ár. Nú síðast lagði ég fram þingsályktunartillögu þess efnis í mars sl. -
Akureyrarhlaup í sókn – UFA og atNorth gera með sér þriggja ára samstarfssamning
Ungmennafélag Akureyrar (UFA) gerði á dögunum samstarfssamninga við nokkur öflug fyrirtæki vegna Akureyrarhlaupsins. Gerður var samstarfssamningur við atNorth til næstu þriggja ára. Að auki var samið við Altis sem selur meðal annars Mizuno íþróttafatnað og T-plús sem veitir verðlaunafé fyrir brautarmet í Akureyrarhlaupinu líkt og fyrri ár.