Heimsendur matur á Akureyri sá fjórði dýrasti.
Heimsendur matur á Akureyri er sá fjórði dýrasti samkvæmt könnun sem gerð var af aldur er bara tala Mynd aldur er bara tala
Á vefsíðunni www.aldurerbaratala.is er birt könnun á verði á heimsendum mat í 13 fjölmennustu sveitarfélögum landsins. Í könnuninni voru ekki metin gæði og magn matarskammta á milli sveitarfélaga, hvort eftirréttur fylgir aðalrétti eða hvort um er að ræða heitan eða kaldan útsendan mat. Samkvæmt þessari könnum er Akureyri í fjórða sæti yfir dýrustu máltíðir sem seldar eru.
Frétt og færslu af vefnum aldruerbaratala.is má sjá hér fyrir neðan.
,,Heimsendur matur til eldri borgara er í boði hjá flestum sveitarfélögum landsins samkvæmt lögum um félagsþjónustu sveitarfélaga nr. 40/1991, er oft niðurgreiddur og því á hagstæðu verði. Í lögunum segir að sveitarstjórn skuli sjá um að félagsþjónusta aldraða sé fyrir hendi í sveitarfélaginu eftir þörfum. Þar er átt við m.a heimaþjónustu, félagsráðgjöf og heimsendingu matar. Mikilvægi þess að fá næringarríka og staðgóða máltíð á hverjum degi er óumdeilt.
Heimsendur matur er í flestum sveitarfélögum veittur á þeim forsendum að viðkomandi geti ekki annast matseld sjálfir vegna skertrar getu og séu metnir í þörf fyrir þjónustu samkvæmt mati sem starfsmaður félagsþjónustu hvers svæðis fyrir sig gerir.
Aldur er bara tala gerði könnun á verði á heimsendum mat í 13 af stærstu sveitarfélögum landsins sem sjá má í töflu hér að neðan. Það vekur athygli að mikill verðmunur er á matarskammtinum á milli sveitarfélaga og munar til dæmis 44 % á milli verðs á skammti þar sem hann er dýrastur á Seltjarnarnesi og þar sem hann er ódýrastur í Vestmannaeyjum. Í Vestmannaeyjum er maturinn niðurgreiddur af sveitarfélaginu en ekki á Seltjarnarnesi.
Í könnuninni voru ekki metin gæði og magn matarskammta á milli sveitarfélaga, hvort eftirréttur fylgir aðalrétti eða hvort um er að ræða heitan eða kaldan útsendan mat. Í sumum sveitarfélögum er settur fram aðskilinn kostnaður við matarskammtinn og útkeyrsluna en í töflunni hér að neðan er þessi kostnaður settur saman í eina tölu til að gera samanburðinn auðveldari.
Verð á heimsendum matarskammti fyrir eldri borgara eftir sveitarfélögum
| Seltjarnarnesbær | 1700 |
| Reykjanesbær | 1611 |
| Garðabær | 1600 |
| Akureyrarbær | 1424 |
| Akranesbær | 1342 |
| Kópavogur | 1330 |
| Mosfellsbær | 1227 |
| Fjarðarbyggð | 1250 |
| Hafnarfjörður | 1174 |
| Múlaþing | 1167 |
| Árborg | 1100 |
| Reykjavíkurborg | 1055 |
| Vestmannaeyjabær | 955 |
Það má nærri liggja að niðurgreiðsla sveitarfélaga sé á mörgum stöðum umtalsverð því hráefnisverð og benzínkostnaður hefur hækkað mikið á síðustu misserum.
Því ber þó að fagna að sveitarfélögin vilji og geti gert vel við sína elstu og hrumustu íbúa og stutt þá til sjálfstæðrar búsetu sem lengst".
Segir í frétt á vefnum.
Nýjast
-
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára. -
Syngjandi sumarsveifla í Laugarborg
Að kvöldi síðasta vetrardags býður Kirkjukór Grundarsóknar í Eyjafjarðasveit til tónlistarveislu í Laugarborg þar sem sannarlega verður syngjandi sumarsveifla í aðalhlutverki. -
Ef ég væri sími.
Líklega er áhugi fólks á tækjum og tækni mismikill. Flestir eru þó duglegir í að passa uppá símana sína, tileinka sér tækninýjungar og uppfæra þá. Þetta litla tæki sem fylgir okkur mörgum í daglegu lífi. Síminn er gjarnan skammt undan, uppi á borði, í töskunni eða vasanum. Góður sími getur veitt okkur sítengingu við alheiminn, vini og vandamenn, afþreyingu, vinnuna og bara allt mögulegt. -
Mörg þúsund manns árlega á faraldsfæti suður til lækninga
Þjónusta Sjúkrahússins á Akureyri hefur dregist saman undanfarin misseri. Því fer fjarri að SAK nái að uppfylla það hlutverk sem skilgreint er í lögum um heilbrigðisþjónustu, þar sem m.a. segir að sjúkrahúsið eigi að veita þjónustu í nær öllum sérgreinum lækninga og vera varasjúkrahús Landspítala -
Lögreglan á Norðurlandi eystra rannsakar andlát
Eftirfarandi tilkynningu sendi lögreglan á Norðurlandi eysta frá sér nú rétt í þessu. Klukkan 04:30 aðfaranótt mánudags var lögreglan á Norðurlandi eystra kölluð að fjölbýlishúsi á Akureyri. Fyrstu lögreglumönnum sem komu á vettvang var vísað á meðvitundarlausa konu í íbúðinni og hófust endurlífgunartilraunir þegar í stað. Læknir og sjúkraflutningamenn komu einnig á vettvang en tilraunir til endurlífgunar báru ekki árangur og var konan úrskurðuð látin á vettvangi. -
Svona er síminn hannaður til að stela athygli okkar
Af hverju er svona erfitt að leggja frá sér símann? Er efnið sem þar er að finna alltaf svo mikilvægt og áríðandi að það gengur fyrir þau samskipti sem við erum að eiga við fólkið í kringum okkur? Förum við í símann þegar að við erum undir stýri? (Já það telst líka með að gera það á rauðu ljósi). Lengjum við klósettferðirnar okkar til að vera lengur í símanum? Leggjum við símann alltaf á borðið á fundum, í kaffitímanum eða við matarboðið og leyfum þannig tilkynningunum á skjánum að stela athygli okkar? Setjum við börnin okkar fyrir framan skjá til þess að kaupa okkur sjálfum skjátíma? Leitum við í símann alltaf þegar að okkur leiðist? Erum við hrædd við að vera vandræðaleg á almannafæri og förum í símann til að þykjast vera að sinna einhverju mikilvægu frekar en að líta upp og leyfa huganum að reika? Dettum við út í samtölum við annað fólk því við ætluðum að fletta einhverju eldsnöggt upp en rákumst svo á eitthvað annað sem greip athygli okkar? Getum við átt gæðastundir með fjölskyldunni án þess að láta símann trufla okkur? -
Lokaorðið - Forgangslistinn
Eftir því sem ég eldist verð ég sífellt þakklátari fyrir að fá að ganga lífsins veg með fólkinu mínu. Við erum fámenn þjóð og höfum í gegnum tíðina staðið þétt saman. Við höfum lyft grettistaki í forvörnum vegna slysa á sjó og landi.
Athugasemdir