Heimabær allra, Húsavík: Tökum er lokið
Tökum lauk á ellefta tímanum í gærkvöld með flugeldum. Innfeld mynd: Ásta Magnúsdóttir.
Tökum er nú lokið á myndbandi við lagið Husavik – My Home Town úr myndinni Eurovision Song Contest: The Story of Fire Saga sem tilnefnt til Óskarsverðlauna. Atriðið var tekið upp á Húsavíkurhöfn. Myndbandið verður flutt á Óskarsverðlaunahátíðinni sem fram fer í Hollywood 26. apríl og verður sjónvarpað um allan heim.
Gríðarleg stemning hefur verið á Húsavík alla helgin og áhugi almenning hefur verið með svipuðum hætti og þegar Eurovision kvikmynd Netflix var tekin upp í bænum.
SJÁ EINNIG: HÚSAVÍK Í SVIÐSLJÓSINU Á NÝ: HEIMABÆR ALLRA Í HEIMI
Tökur hófust á laugardag og var áætlað að þeim myndi ljúka með kvöldinu. Rigning og grámi settu strik í reikninginn og var ákveðið að halda áfram daginn eftir. Örlygur Hnefill Örlygsson sem áhætt er að titla sem aðalhvatamann þess að af verkefninu varð enda búinn að hafa veg og vanda að „Óskarinn heim“ herferðinni sem vakið hefur athygli um allan heim; var á bryggjunni á laugardagskvöld þegar blaðamaður Vikublaðsins kannaði aðstæður. Örlygur var að vonum ánægður með daginn og sagði að ótrúlega vel hafi tekist til við að láta þetta verða að veruleika, þá undurbúningstími hafi verið lygilega stuttur. „Þð er með hreinum ólíkindum á þessum stutta tíma að allt hefur gengið eftir eins og lagt var upp með í smáatriðum; nema veðrið,“ sagði hann og benti til skýjanna. Þá var rigning og grámi yfir tökustað. Aðstæður voru því ekki eins og best var á kosið og tökum frestað fram á morgun.
Á sunnudag var fallegt veður fram á kvöld þrátt fyrir talsverðan vind og gengu tökur vel. 17 stúlkur úr 5. bekk Borgarhólsskóla sungu með Molly Sandén í atriðinu og voru við tökur fram á kvöld báða dagana. Ásta Magnúsdóttir, kórstóri var í skýjunum eftir að tökum lauk á ellefta tímanum í gærkvöld og sagði að stelpurnar hafi staðið sig ótrúlega vel þó verkefnið hafi verið krefjandi.
Samkvæmt Örlygi var stjarna atriðisins, Molly Sandén hæst ánægð með heimsókn sína til „heimabæjarins“ Húsavíkur. Hún hafi lært dans af kórstelpunum sínum og m.a. heimsótt Húsavíkurkirkju og hitt sjálfan Óskar Óskarsson, stjörnu „Óskarinn heim“ herferðarinnar. „Molly þakkar Húsvíkingum fyrir að taka svo vel á móti sér og sagði okkur að hana langaði helst af öllu til að setjast hér að,“ ritaði Örlygur á Facebook síðu sína.
Kristján Þór Magnússon, bæjarstjóri Húsavíkur ritaði tilkynningu á veg Norðurþings þar sem íbúar voru hvattir til að sýna skilning og tillitssemi vegna lokana í á hafnarsvæðinu vegna þessa. Með tilkynnigunni var birt þakkarkort til Molly og lagahöfunda fyrir að hafa gert Húsavík að heimabæ allra. Kortið teiknaði listamaðurinn Röðull Reyr Kárason, sem starfar í stjórnsýsluhúsi Norðurþings.
Þótt tökum á atriðinu sé nú lokið er Óskarsævintýri Húsavíkinga hvergi nærri lokið enda má búast við gríðarlegri Óskarsstemningu alla vikuna og fram yfir Óskarsverðlaunahátíðin að minnast kosti.
SJÁ EINNIG: RAUÐI DREGILLINN KOMINN Á MALBIKIÐ
Nýjast
-
Skemmdarverk unnin á rútum.
Hún var ekki skemmtileg aðkoma sem blasti við Jónasi Þór Karlssyni eigenda Sýsla Travel þegar hann kom, síðdegis í gær, til að líta til með bílakosti fyrirtækis hans sem staðsettar eru á nýju bílastæði við Laufásgötu 4 á Akureyri. Einhverjir lítt vandaðir höfðu farið um og brotið glugga í rútum Jónasar. Gluggar í svona bílum er sterkir svo nokkur fyrirhöfn hefur verið við að vinna þessi óskiljanlegu skemmdarverk. -
Ársfundur SSNE Skorar á stjórnvöld að tryggja nægt fé til löggæslu
„Lögreglan á Norðurlandi þarf að hafa þann styrk sem nauðsynlegur er ef upp koma alvarlegri mál í því skyni að geta sinnt hlutverki sínu og tryggt öryggi borgaranna,“ segir í ályktun sem samþykkt var á ársþingi SSNE sem haldið var í Þingeyjarsveit nýverið. Skorað var á stjórnvöld að tryggja nú þegar nauðsynleg fjárframlög til málaflokksins. -
Akureyri - Framkvæmdir við Torfunef
Framkvæmdir við stækkun Torfunefsbryggju ganga ágætlega um þessar mundir. Lóðir verða boðnar út á næstu vikum og gangi allt að óskum verður hafist handa við að reisa hús á svæðinu á næsta ári. -
Stöðugur straumur á bás Samherja og Ice Fresh Seafood í Barcelona - Aðsóknarmet slegið -
Alþjóðlegu sjávarútvegssýningunni Seafood Expo Global í Barcelona lauk í gær , fimmtudag. Samherji og Ice Fresh Seafood voru með veglegan bás á þessari stærstu sjávarútvegssýningu heims á sviði veiða, vinnslu og sölu sjávarafurða. 2.244 fyrirtæki taka þátt í sýningunni frá 87 þjóðlöndum. -
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun
Athugasemdir