Hef verið stuðningsmaður Vaðlaheiðarganga frá upphafi
Guðbjartur Hannesson velferðarráðherra hefur verið stuðningsmaður Vaðlaheiðarganga frá upphafi og hann vonast til að hægt verði að ráðast í framkvæmdir sem fyrst. Við höfum verið að berjast fyrir því að koma af stað framkvæmdum, til þess að fá hjól atvinnulífsins til þess að snúast hraðar og Vaðlaheiðargöng eru hluti af því. Varðandi þá neikvæðu umræðu sem hefur verið í gangi um framkvæmdina, sagði Guðbjartur að það sama hafi verið upp á teningnum varðandi Hvalfjarðargöng en að hlutirnir hafi farið á annan veg. Það kemur mér því á óvart hversu neikvæð umræða er um Vaðlaheiðargöng, þótt vissulega séu önnur verkefni brýn. Þó einhver halli yrði í lokin, þá tel ég þetta mjög hagkvæma framkvæmd og að það eigi að fara í hana sem fyrst. Ég hef verið talsmaður þess að við tökum upp veggjöld í landinu í heild og breytum úr þessum eldsneytisgjöldum yfir í almenn veggjöld. Ég var á móti því að það væri aðeins á einum stað í landinu sem verið væri að innheimta veggjöld, eftir fyrstu 10 árin í Hvalfjarðargöngum. Sú framkvæmd hefði þó aldrei farið í gang nema með veggjöldum og ég lít með svipuðum hætti á Vaðlaheiðargöng, sagði Guðbjartur.
Hagkvæm framkvæmd
Eiríkur Björn Björgvinsson bæjarstjóri á Akureyri sagðist alltaf hafa haft þá trú á ráðist yrði í verkefnið. Við vitum að framkvæmdin er hagkvæm og mikilvæg fyrir þetta svæði og við munum leggja okkar að mörkum til þess að hlutirnir geti gengið eftir. Málið er komið þetta langt og nú er bara sjá hvort Alþingi hefur kjark til að klára það. Við höfum alltaf fundið fyrir stuðningi við verkefnið, þótt einstaka þingmenn, sem hafa fengið ótrúlega athygli í fjölmiðlum, hafi reynt að tala verkefnið niður, sagði Eiríkur Björn.
Oddný G. Harðardóttir fjármálaráðherra hyggst leggja fram frumvarp um tveggja milljarða króna lán til Vaðlheiðarganga. Verði frumvarpið samþykkt á Alþingi, verður hægt að hefja framkvæmdir við Vaðlaheiðargöng. Fjármálaráðherra hefur sagt í fjölmiðlum að hún sé mjög spennt fyrir göngunum og að hún sé sannfærð um að ráðast eigi í þessa framkvæmd. Hún hefur jafnframt sagt að allar líkur séu á því að hægt verði að fjármagna framkvæmdina með veggjöldum. Ef dragi úr umferð komi tekjurnar seinna inn en að þá sé mögulegt að lengja í láninu.
Nýjast
-
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.