Haukar höfðu betur á Ásvöllum
Haukar lögðu Akureyringa að velli með eins marks mun, 23-22, í spennuþrungnum leik á Ásvöllum í kvöld í N1-deild karla. Haukar höfðu frumkvæðið allan leikinn en Akureyringar gáfust aldrei upp og lokamínúturnar voru rafmagnaðar af spennu. Heimir Óli Heimisson var hetja Hauka en hann skoraði sigurmarkið um 40 sekúndum fyrir leikslok.
Með sigrinum fara Haukar upp í sex stig og tylla sér upp að hlið Fram á toppnum, sem leikur þessa stundina gegn Val á Hlíðarenda. Akureyri er hins vegar aðeins með tvö stig í sjötta sæti og þriðji tapleikurinn í röð hjá þeim staðreynd.
Heimamenn byrjuðu leikinn vel í kvöld og höfðu frumkvæðið framan af. Haukar komust í 3-1 og svo 8-5 um miðjan síðari hálfleik. Sá munur hélst fram undir lok fyrri hálfleiks en Haukar léku manni færri síðustu tvær mínútur hálfleiksins og það nýttu gestirnir sér og minnkuðu muninn í eitt mark fyrir hlé, 14-13.
Haukar voru fljótir að auka muninn í þrjú mörk á ný í seinni hálfleik og breyttu stöðunni í 16-13 og komust svo fjórum mörkum yfir, 18-14, er sjö mínútur voru liðnar af seinni hálfleik. Norðanmenn voru lengi í gang í seinni hálfleik en þeir voru ekki af baki dottnir og minnkuðu muninn í 18-17 um miðjan síðari hálfleik. Skömmu síðar gat Akureyri jafnað metin en Bergvin Gíslason lét Birki Ívar Guðmundsson verja frá sér. Þess í stað juku Haukar muninn í tvö mörk, 19-17. Næstu mínútur var jafnt í tölum og spennan í hámarki á Ásvöllum.
Akureyri tókst að jafna metin í 20-20 er tíu mínútur voru til leiksloka og þegar sex mínútur lifðu leiks var staðan 21-21 og allt í járnum. Bjarni Fritzson fékk tækfæri á að koma norðanmönnum yfir skömmu síðar í fyrsta skipti í leiknum en Birkir Ívar var Akureyringum erfiður og varði í markinu. Þegar þrjár mínútur voru til leiksloka var enn jafnt í tölum, 22-22, og ómögulegt að spá hvorum megin sigurinn myndi detta. Þegar ein mínúta var eftir tóku Haukar leikhlé og staðan enn 22-22.
Heimir Óli Heimisson kom Haukum í 23-22 með marki þegar 45 sekúndur voru eftir og norðanmenn héldu í sókn. Bjarni Fritzson fór út úr horninu en þar beið hans Birkir nokkur Ívar sem varði og tryggði Haukum sigurinn. Lokatölur 23-22.
Heimir Óli Heimisson var markahæstur Haukamanna með 7 mörk og Birkir Ívar Guðmundsson varði 16 skot í markinu. Hjá Akureyri var Bjarni Fritzson markahæstur með 8 mörk og Oddur Gretarsson skoraði 5. Sveinbjörn Pétursson varði 13 skot í marki gestanna.
Nýjast
-
Guðmundur Ármann opnar sýningu laugardaginn 3. til 31. maí í Bergi, menningarhúsi Dalvíkinga
Á sýningunni, sem ber yfirskriftina Yrkja II, verða um 19 málverk máluð á árunum 2021 til 2025. Einnig nokkrar teikningar. Þessi sýning er í beinu framhaldi af sýningu minni á Bergi 2022 um sama yrkisefni. -
Bernskuheimilið mitt eftir Ólöfu Sigurðardóttur frá Hlöðum
Flóra Menningarhús í Sigurhæðum á Akureyri hefur hafið söfnun á Karolina Fund fyrir útgáfu á bókinni Bernskuheimilið mitt eftir Ólöfu Sigurðardóttur frá Hlöðum (1857-1933). Árið 1906 fékk Ólöf birta grein í tímaritinu Eimreiðinni undir heitinu Bernskuheimilið mitt sem telst vera fyrsti sjálfsævisögulegi þáttur íslenskrar konu. Greinin vakti á sínum tíma mikla athygli. Það að kona fjalli opinberlega og opinskátt um líf sitt og fjölskyldu sinnar má kalla uppreisn á þessum tíma "þegar konur áttu að standa vörð um heiður fjölskyldunnar, meðal annars með þagmælsku um eigin hagi og með því að þegja alltaf um það sem fór úrskeiðis" (Raghneiður Richter, Íslenskar konur-ævisögur, s. 11). Verkið hefur aldrei verið gefið út á bók en nú verður bætt úr því. Hægt er að styðja verkefnið og kaupa bækur í forsölu hér: https://www.karolinafund.com/project/view/6459 -
Metfjölda notaðra snjalltækja skilað inn hjá Elko
Með tilliti til sjálfbærni var árið 2024 sögulegt fyrir ELKO – sérstaklega á Akureyri þar sem viðskiptavinir skiluðu inn og keyptu alls 400 notuð snjalltæki. Þetta gerir árið að metári í viðskiptum með notuð raftæki í versluninni þar í bæ. -
Kostuleg klassík með Sinfóníuhljómsveit Westmont-háskóla í Kaliforníu
Sinfóníuhljómsveit Westmont-háskóla í Kaliforníu er væntanleg til landsins á vormánuðum. Hún leikur á þrennum tónleikum í maí. Aðgangur er ókeypis á þá alla en sækja þarf miða á tix.is: -
Opið fyrir umsóknir í Slipptöku Driftar EA 2025
Drift EA hefur opnað fyrir umsóknir í Slipptökuna (e. Test Drive) 2025. Í Slipptökunni felast fjórar kraftmiklar vinnustofur fyrir frumkvöðla og teymi með hugmyndir sem eru tilbúnar á næsta stig. Slipptakan endar á formlegri kynningu verkefnanna þar sem valin verkefni komast áfram í Hlunninn. -
Þorsteinn Kári gefur út Skuggamynd
Lagið var hljóðritað að mestu leyti á Akureyri síðla árs 2023, en trommurnar voru hljóðritaðar í Berlín. Upptöku á Akureyri stjórnaði Þorsteinn Kári sjálfur, en tökum á trommum stjórnuðu Jón Haukur Unnarsson ásamt Nirmalya Banerjee. -
Fjármögnun lokið á nýrri landeldisstöð Samherja
Samherji fiskeldi ehf., dótturfélag Samherja hf., hefur lokið fjármögnun fyrsta áfanga Eldisgarðs, nýrrar landeldisstöðvar við Reykjanesvirkjun, með útgáfu nýs hlutafjár og sambankaláni. Fjármögnun fyrsta áfanga nemur 235 milljónum evra, jafnvirði 34 milljarða króna. Eitt hundrað ný störf verða til í stöðinni og annar eins fjöldi afleiddra starfa. Stefnt er að því að taka stöðina í notkun á fyrsta ársfjórðungi 2027. -
Ný bók frá Gunnari J. Straumland
Út er komin hjá bókaútgáfunni Sæmundi ný bók eftir Húsvíkinginn Gunnar J. Straumland. -
Hvatningarverðlaun BSE vegna ársins 2024
Fátt er mikilvægara fyrir íslenskan landbúnað en hafa baráttufólk sem berst með oddi og egg fyrir framtíð og starfsskilyrðum greinarinnar.
