Hátt í fimm þúsund manns sóttu menningarviðburði um helgina
Það var fullt út úr dyrum í Menningarhúsinu Hofi, hjá Leikfélagi Akureyrar og á Græna hattinum um helgina og sóttu tæplega fimm þúsund manns viðburði af ýmsum toga á þessum stöðum um liðna helgi. Mikill fjöldi fólks mætti á tónleikana: "Í minningu Sissu" í Hofi á föstudagskvöld. Á laugardaginn hélt Dalvíkingurinn Friðrik Ómar upp á þrítugsafmælið sitt með stæl með þrennum tónleikum þar sem hátt í fimmtánhundruð gestir héldu upp á daginn með afmælisbarninu.
Á sunnudaginn fylltist húsið af börnum sem voru komin til að sjá og hlýða á söguna um tónelsku músina Maxímús sem var komin í heimsókn í Hof í fyrsta sinn. Það voru yfir sextíu nemendur úr Tónlistarskólanum á Akureyri ásamt hljóðfæraleikurum úr Sinfóníuhljómsveit Norðurlands sem gæddu söguna lífi. Uppselt var á tónleikana og komust færri að en vildu. Benedikt Kristjánsson tenór og Bjarni Frímann Bjarnason píanóleikari fluttu ljóðaflokkinn Die Schöne Müllerin eftir Schubert í Hömrum, minni sal Hofs, á sunnudagskvöldið og var gerður góður rómur að flutningi þeirra félaganna. Alla helgina stóð einnig yfir í Hofi árlegur fundur skólastjóra tónlistarskóla, en skólastjórar tólistarskóla hvaðanæva af landinu sóttu fundinn. Meðlimir hljómsveitarinnar Ný Danskrar heimsóttu Leikfélag Akureyrar um helgina og var húsfyllir á tveimur sýningum af Nýdönsk í nánd. Og á Græna hattinum var uppselt á tvenna tónleika hjá Helga Björns og reiðmönnum vindanna. Það er ljóst að fjölbreytnin í menningarlífinu á Akureyri er mikil og Norðlendingar duglegir að sækja viðburði.
Nýjast
-
Göngugatan lokuð frá og með morgundeginum
Bæjarstjórn samþykkti 18. mars sl. að sá hluti Hafnarstrætis sem gengur jafnan undir heitinu „göngugatan“ verði lokaður frá 1. maí til 30. september eða í fimm mánuði. Þetta er umtalsvert lengri lokun en var síðasta sumar en þá var lokað í þrjá mánuði frá 3. júní til ágústloka. -
Guðmundur Ármann opnar sýningu laugardaginn 3. til 31. maí í Bergi, menningarhúsi Dalvíkinga
Á sýningunni, sem ber yfirskriftina Yrkja II, verða um 19 málverk máluð á árunum 2021 til 2025. Einnig nokkrar teikningar. Þessi sýning er í beinu framhaldi af sýningu minni á Bergi 2022 um sama yrkisefni. -
Bernskuheimilið mitt eftir Ólöfu Sigurðardóttur frá Hlöðum
Flóra Menningarhús í Sigurhæðum á Akureyri hefur hafið söfnun á Karolina Fund fyrir útgáfu á bókinni Bernskuheimilið mitt eftir Ólöfu Sigurðardóttur frá Hlöðum (1857-1933). Árið 1906 fékk Ólöf birta grein í tímaritinu Eimreiðinni undir heitinu Bernskuheimilið mitt sem telst vera fyrsti sjálfsævisögulegi þáttur íslenskrar konu. Greinin vakti á sínum tíma mikla athygli. Það að kona fjalli opinberlega og opinskátt um líf sitt og fjölskyldu sinnar má kalla uppreisn á þessum tíma "þegar konur áttu að standa vörð um heiður fjölskyldunnar, meðal annars með þagmælsku um eigin hagi og með því að þegja alltaf um það sem fór úrskeiðis" (Raghneiður Richter, Íslenskar konur-ævisögur, s. 11). Verkið hefur aldrei verið gefið út á bók en nú verður bætt úr því. Hægt er að styðja verkefnið og kaupa bækur í forsölu hér: https://www.karolinafund.com/project/view/6459 -
Metfjölda notaðra snjalltækja skilað inn hjá Elko
Með tilliti til sjálfbærni var árið 2024 sögulegt fyrir ELKO – sérstaklega á Akureyri þar sem viðskiptavinir skiluðu inn og keyptu alls 400 notuð snjalltæki. Þetta gerir árið að metári í viðskiptum með notuð raftæki í versluninni þar í bæ. -
Kostuleg klassík með Sinfóníuhljómsveit Westmont-háskóla í Kaliforníu
Sinfóníuhljómsveit Westmont-háskóla í Kaliforníu er væntanleg til landsins á vormánuðum. Hún leikur á þrennum tónleikum í maí. Aðgangur er ókeypis á þá alla en sækja þarf miða á tix.is: -
Opið fyrir umsóknir í Slipptöku Driftar EA 2025
Drift EA hefur opnað fyrir umsóknir í Slipptökuna (e. Test Drive) 2025. Í Slipptökunni felast fjórar kraftmiklar vinnustofur fyrir frumkvöðla og teymi með hugmyndir sem eru tilbúnar á næsta stig. Slipptakan endar á formlegri kynningu verkefnanna þar sem valin verkefni komast áfram í Hlunninn. -
Þorsteinn Kári gefur út Skuggamynd
Lagið var hljóðritað að mestu leyti á Akureyri síðla árs 2023, en trommurnar voru hljóðritaðar í Berlín. Upptöku á Akureyri stjórnaði Þorsteinn Kári sjálfur, en tökum á trommum stjórnuðu Jón Haukur Unnarsson ásamt Nirmalya Banerjee. -
Fjármögnun lokið á nýrri landeldisstöð Samherja
Samherji fiskeldi ehf., dótturfélag Samherja hf., hefur lokið fjármögnun fyrsta áfanga Eldisgarðs, nýrrar landeldisstöðvar við Reykjanesvirkjun, með útgáfu nýs hlutafjár og sambankaláni. Fjármögnun fyrsta áfanga nemur 235 milljónum evra, jafnvirði 34 milljarða króna. Eitt hundrað ný störf verða til í stöðinni og annar eins fjöldi afleiddra starfa. Stefnt er að því að taka stöðina í notkun á fyrsta ársfjórðungi 2027. -
Ný bók frá Gunnari J. Straumland
Út er komin hjá bókaútgáfunni Sæmundi ný bók eftir Húsvíkinginn Gunnar J. Straumland.
