Háspennulínur yrðu ógn við flugöryggi
Akureyrarflugvöllur. Mynd: Hörður Geirsson.
Franz Árnason fyrrverandi forstjóri Norðurorku sagði í viðtali við Vikudag á dögunum að flutningsmöguleikarnir í raforkukerfinu til Akureyrar væru fullnýttir og að nauðsynlegt sé að bæta þar úr. Franz sagði að efla þyrfti aðflutningslínur Landsnets til Eyjafjarðar og að það sé á döfinni. Hins vegar hafi orðið alls kyns tafir á því, vegna þess að menn megi ekki sjá rafmagnslínur í dag. Franz sagði menn heimtuðu allar lagnir í jörð en að það sé óraunhæft og allt of dýrt.
Í Vikudegi í gær er grein eftir Víði Gíslason, þar sem hann kemur inn á þetta mál. Hann segir að háspennulínur yrðu ógn við flugöryggi í Eyjafirði. Samkvæmt fyrirliggjandi tillögu Landsnets, myndu áhrif þeirra verða til þess að Akureyrarflugvöllur stæðist ekki alþjóðlegar kröfur sem gerðar eru til slíkra mannvirkja. Því metnaðarfulla starfi sem unnið hefur verið undanfarið, við endurbætur og markaðssetningu flugvallarins, gæti verið stefnt í voða. Einnig verður að geta þess, að núverandi háspennulínur við suðurenda flugbrautar, setja vissar takmarkanir á aðflug og gera það að verkum að flugvöllurinn uppfyllir ekki áðurnefndar kröfur, segir Víðir í grein sinni.
Hann segir að komið hafi fram hugmynd um að leggja jarðstreng frá tengivirki við Kífsá og austur á Vaðlaheiði, u.þ.b. 10 km vegalengd. Leiðin er kjörlendi fyrir lagningu strengs, mjúkur jarðvegur með góða hitaleiðni sem er mikilvæg fyrir vellíðan jarðstrengja. Ummerki eftir strenglögn væru óveruleg að framkvæmdatíma loknum. Sjónræn áhrif háspennulínu væru hins vegar veruleg, segir Víðir.
Grein hans má finna hér á vefnum undir: Aðsendar greinar.
Nýjast
-
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu.