Hagkvæmast að loka leikskólum í júlí þegar minnsta nýtingin er
Fræðslu- og lýðheilsuráð getur ekki orðið við beiðni sem barst fá mannauðsstjóra Sjúkrahússins á Akureyri um endurskoðun á lokun leikskóla bæjarins yfir sumarmánuðina. „Minnsta nýting er á leikskólaplássum í júlí og er það hagkvæmast fyrir rekstur og þjónustu leikskólanna að loka í kringum þann tíma,“ segir í bókun fræðslu- og lýðheilsuráðs við erindinu.
Flestir vilja sumarleyfi þegar leikskólar loka
Fram kemur í bréfi Erlu Björnsdóttur mannauðsstjóra SAk að leikskólar virðist allir loka í júlí og sitt hvort vikan í júní og ágúst fylgi á stundum með í sumum skólum. „Þetta hefur undanfarin ár valdið töluverðum vandræðum á Sjúkrahúsinu á Akureyri þar sem þeir foreldrar er eiga börn á leikskóla óska eðlilega eftir sumarleyfi á þeim tíma sem leikskólar eru lokaðir. Við það skapast erfiðleikar við mönnun á Sjúkrahúsinu á Akureyri því erfitt er að mæta orlofsóskum og þörfum svo margra á sama tíma,“ segir í erindi Erlu til ráðsins. Hún bætir við að sumarafleysingafólki hafi einnig sömu óskir, enda eigi það einnig í mörgum tilvikum börn á leikskólum.
Að færa börn tímabundið á milli leikskóla, sem er í boði sé vart valkostur því það skapi rót og vandamál fyrir börnin sem foreldrar vilji ekki.
„Við þurfum að nýta allt okkar sumarleyfistímabil frá 15. maí til 15. september í okkar starfsemi og hentugast væri fyrir okkur ef sumarlokun næði yfir lengra tímabil,“ segir hún og nefnir frá miðjum júní fram í miðjan ágúst. „Það er auðvitað mikilvægt að börnin fái samfellt frí en það gæti verið auðveldra með þessum breytingum.“
Nýjast
-
Nýta jarðvarma til framleiðslu á ofurfæðu úr smáþörungum
Mýsköpun er framsækið nýsköpunarfyrirtæki -
Hætt við að hætta við
Bæjarráð Akureyrar hefur fallið frá tillögu sem fram kom um að halda ekki Listasumar á Akureyri að þessu sumri. Tillagan snérist um að í tilraunaskyni yrði ekki Listasumar í ár en fjárveiting sem ætluð væri til hátíðarinnar rynni þess í stað til Akureyrarvöku. -
Akureyri - Nauðsynlegt að fjölga í lögreglunni
„Þrátt fyrir fjölgun íbúa og gríðarlega fjölgun ferðamanna hefur verið bent á að jafn margir lögreglumenn sinni útkalli á Akureyri og nágrenni og var árið 1980, við því sé nauðsynlegt að bregðast og fjölga lögreglumönnum,“ segir í bókun bæjarstjórnar Akureyrar -
Bergið Headspace, ráðgjafasetur fyrir ungt fólk á Akureyri
„Starfsemin fer vel af stað hjá okkur og ljóst að þörf er fyrir þessa þjónustu,“ segir Erla Lind Friðriksdóttir ráðgjafi Bergsins á Akureyri, en Bergið Headspace er ráðgjafasetur fyrir ungt fólk á aldrinum 12 til 25 ára. Bergið var stofnað árið 2019 og hefur verið starfandi síðan á höfuðborgarsvæðinu. Starfsemin hófst á Akureyri í byrjun þessa mánaðar og er staðsett í Íþróttahöllinni á Akureyri, í sama húsnæði og Virkið. -
Fór að hekla á meðan hann var fótbrotinn
„Þetta var skemmtilegt verkefni og veitt mér mikla gleði,“ segir Kormákur Rögnvaldsson hársnyrtinemi sem dundaði sér við það að hekla heilmikið dúlluteppi, með 187 dúllum, 10X10 að stærð hver. Ástæða þess að hann hóf að hekla teppið var sú að hann fótbrotnaði og þegar fóturinn þarf hvíld er best að nýta hendurnar til að gera eitthvað uppbyggilegt á meðan brotið grær. -
Hreyfiglöð handboltakempa og lektor í lífeðlisfræði
Vísindafólkið okkar er mánaðarleg kynning á vísindafólkinu okkar. Vísindamanneskjan í apríl er Nanna Ýr Arnardóttir, lektor í lífeðlisfræði við Hjúkrunarfræðideild. Nanna Ýr hefur ofurtrú á hreyfingu sem forvörn hverskonar og hefur með það að leiðarljósi aflað sér yfirgripsmikillar þekkingar á því sviði. -
Rekstur Norðurorku skilaði 629 milljón króna hagnaði
Rekstur Norðurorku gekk vel á liðnu ári. Ársvelta samstæðunnar var 5 milljarðar króna. Hagnaður ársins var 629 milljónir króna eftir skatta, eigið fé er 10 milljarðar króna. Á aðalfundi félagsins fyrr í vikunni var ákveðið að ekki verði greiddur arður af hlutafé. Samstæðureikningur samanstendur af rekstri Norðurorku og dótturfélagsins Fallorku ehf. auk áhrifa frá hlutdeildarfélögunum Tengir hf. og NORAK ehf. -
Árangursrík sýning í Barcelona:
Sýningin tókst frábærlega. Það var stríður straumur gesta í básinn til okkar alla sýningardagana og mikill áhugi á okkar þjónustu og tæknilausnum," segir Hilmar Guðmundsson, sölu- og markaðsstjóri Slippsins Akureyri, um þátttöku fyrirtækisins í sjávarútvegssýningunni Seafood Expo Global í Barcelona á Spáni. Sýningin stóð í þrjá daga og lauk síðdegis í gær. -
Skemmdarverk unnin á rútum.
Hún var ekki skemmtileg aðkoma sem blasti við Jónasi Þór Karlssyni eigenda Sýsla Travel þegar hann kom, síðdegis í gær, til að líta til með bílakosti fyrirtækis hans sem staðsettar eru á nýju bílastæði við Laufásgötu 4 á Akureyri. Einhverjir lítt vandaðir höfðu farið um og brotið glugga í rútum Jónasar. Gluggar í svona bílum er sterkir svo nokkur fyrirhöfn hefur verið við að vinna þessi óskiljanlegu skemmdarverk.
Athugasemdir