Hafnaði í öðru sæti á Air and Style
Guðlaugur Guðmundsson er að gera góða hluti sem atvinnumaður á snjóbretti.
Akureyringurinn Guðlaugur Guðmundsson, eða Gulli eins og er þekktur í snjóbrettaheiminum, hafnaði í öðru sæti í keppni í rail á Air and Style snjóbrettamótinu sem haldið var í Austurríki sl. helgi. Um afar sterkt mót er að ræða en þetta er einn af stærstu viðburðum hvers árs í snjóbrettaheiminum. Alls voru tuttugu keppendur á mótinu víðsvegar úr heiminum. Fimm af þeim fengu boðsmiða beint inn á mótið, þar á meðal Gulli. Það er alltaf gaman að vinna til verðlauna. Ég vann þetta mót reyndar fyrir þremur árum síðan þannig að ég kann ágætlega við mig á þessu móti, sagði Gulli í samtali við Vikudag. Hann er einn af þremur Íslendingum sem er atvinnumaður á snjóbretti en hinir tveir eru bræðurnir Halldór og Eiríkur Helgasynir, sem einnig eru frá Eyjafirði. Gulli, sem er 25 ára, hefur verið atvinnumaður í fimm ár og er núna á samningi hjá erlendu fyrirtæki að nafni Bataleon Snowboard.
Hans helsta atvinna er þó ekki að keppa á mótum, heldur að búa til videoupptökur um allan heim fyrir bandaríska fyrirtækið Standard films, en fyrirtækið er að sögn Gulla eitt það virtasta í þessum bransa. Þetta virkar þannig að ég fer út um allan heim með upptökumenn með mér sem mynda það sem ég geri. Svo tekur maður eitt og eitt mót inn á milli og ég er þegar búinn að keppa á þremur mótum í vetur, segir hann, en Gulli var einmitt staddur í upptökum í Osló í Noregi þegar blaðamaður heyrði í honum hljóðið.
Nýjast
-
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.