Hafa áhyggjur af vatnsverndarsvæðum í kringum Hlíðarfjall
Rúv greinir frá því að ekki verði hægt að stækka skíðasvæðið í Hlíðarfjalli til suðurs eða norðurs, jafnvel þó reksturinn verði boðinn út til einkaaðila eins og hugmyndir hafa verið um. Baldur Dýrfjörð, lögfræðingur og staðgengill forstjóra sendi bæjarráði erindi 28. September sl. Fyrir hönd Norðurorku þar vakin er athygli á því að vatnsverndarsvæði eru allt í kringum fjallið, sem takmarkar möguleika til stækkunar.
Bæjarráð tók erindið fyrir á fundi á fimmtudag. Í erindinu lýsir Baldur áhyggjum forsvarsmanna fyrirtækisins vegna fyrirætlana um að bjóða út reksturinn á skíðasvæðinu. Í bréfinu lýsir lögfræðingur fyrirtækisins, Baldur Dýrfjörð, áhyggjum forsvarsmanna þess af áætlunum um útboð á einkarekstri fjallsins.
Vara við starfsemi inn á vatnsverndarsvæði
Þá er sérstaklega vísað til þess að gert sé ráð fyrir að skíðalyftur verði reistar inn á vatnsverndarsvæði, þar sem engin starfsemi sé í dag. „Með hagsmuni vatnsverndarsvæðanna og þar með bæjarbúa og atvinnurekstrar á svæðinu er ekki hægt að fallast á neina frekari starfsemi innan vatnsverndarsvæðanna og mikilvægt að möguleg stækkun skíðasvæðisins fari fram á öðrum svæðum en vatnsverndarsvæðunum. Einnig er mikilvægt að möguleg aukning í starfsemi og eða stækkun svæðisins ýti ekki undir hættuna á umferð um eða við vatnsverndarsvæðin heldur þvert á móti að fullt tillit sé tekið til vatnsverndarinnar í öllu skipulagi svæðisins,“ segir í erindinu frá Norðurorku.
„Það þýðir náttúrulega, ef þar á að setja lyftur og væntanlega skíðabrekkur að þá kemur umferð snjótroðara og mögulega snjósleða og fleira. Það er það sem við erum að minna á og vara við,“ segir Baldur Dýrfjörð í samtali við RÚV.
Baldur segir jafnframt að Norðurorka geti ekki fallist á frekari starfsemi á vatnsverndarsvæðinu og bendir á að Norðurorka hafi áður í samráði við heilbrigðiseftirlitið lagst gegn því að haldnir séu sérstakir viðburðir inn á því svæði.
Frétt RÚV má lesa hér
Nýjast
-
Guðmundur Ármann opnar sýningu laugardaginn 3. til 31. maí í Bergi, menningarhúsi Dalvíkinga
Á sýningunni, sem ber yfirskriftina Yrkja II, verða um 19 málverk máluð á árunum 2021 til 2025. Einnig nokkrar teikningar. Þessi sýning er í beinu framhaldi af sýningu minni á Bergi 2022 um sama yrkisefni. -
Bernskuheimilið mitt eftir Ólöfu Sigurðardóttur frá Hlöðum
Flóra Menningarhús í Sigurhæðum á Akureyri hefur hafið söfnun á Karolina Fund fyrir útgáfu á bókinni Bernskuheimilið mitt eftir Ólöfu Sigurðardóttur frá Hlöðum (1857-1933). Árið 1906 fékk Ólöf birta grein í tímaritinu Eimreiðinni undir heitinu Bernskuheimilið mitt sem telst vera fyrsti sjálfsævisögulegi þáttur íslenskrar konu. Greinin vakti á sínum tíma mikla athygli. Það að kona fjalli opinberlega og opinskátt um líf sitt og fjölskyldu sinnar má kalla uppreisn á þessum tíma "þegar konur áttu að standa vörð um heiður fjölskyldunnar, meðal annars með þagmælsku um eigin hagi og með því að þegja alltaf um það sem fór úrskeiðis" (Raghneiður Richter, Íslenskar konur-ævisögur, s. 11). Verkið hefur aldrei verið gefið út á bók en nú verður bætt úr því. Hægt er að styðja verkefnið og kaupa bækur í forsölu hér: https://www.karolinafund.com/project/view/6459 -
Metfjölda notaðra snjalltækja skilað inn hjá Elko
Með tilliti til sjálfbærni var árið 2024 sögulegt fyrir ELKO – sérstaklega á Akureyri þar sem viðskiptavinir skiluðu inn og keyptu alls 400 notuð snjalltæki. Þetta gerir árið að metári í viðskiptum með notuð raftæki í versluninni þar í bæ. -
Kostuleg klassík með Sinfóníuhljómsveit Westmont-háskóla í Kaliforníu
Sinfóníuhljómsveit Westmont-háskóla í Kaliforníu er væntanleg til landsins á vormánuðum. Hún leikur á þrennum tónleikum í maí. Aðgangur er ókeypis á þá alla en sækja þarf miða á tix.is: -
Opið fyrir umsóknir í Slipptöku Driftar EA 2025
Drift EA hefur opnað fyrir umsóknir í Slipptökuna (e. Test Drive) 2025. Í Slipptökunni felast fjórar kraftmiklar vinnustofur fyrir frumkvöðla og teymi með hugmyndir sem eru tilbúnar á næsta stig. Slipptakan endar á formlegri kynningu verkefnanna þar sem valin verkefni komast áfram í Hlunninn. -
Þorsteinn Kári gefur út Skuggamynd
Lagið var hljóðritað að mestu leyti á Akureyri síðla árs 2023, en trommurnar voru hljóðritaðar í Berlín. Upptöku á Akureyri stjórnaði Þorsteinn Kári sjálfur, en tökum á trommum stjórnuðu Jón Haukur Unnarsson ásamt Nirmalya Banerjee. -
Fjármögnun lokið á nýrri landeldisstöð Samherja
Samherji fiskeldi ehf., dótturfélag Samherja hf., hefur lokið fjármögnun fyrsta áfanga Eldisgarðs, nýrrar landeldisstöðvar við Reykjanesvirkjun, með útgáfu nýs hlutafjár og sambankaláni. Fjármögnun fyrsta áfanga nemur 235 milljónum evra, jafnvirði 34 milljarða króna. Eitt hundrað ný störf verða til í stöðinni og annar eins fjöldi afleiddra starfa. Stefnt er að því að taka stöðina í notkun á fyrsta ársfjórðungi 2027. -
Ný bók frá Gunnari J. Straumland
Út er komin hjá bókaútgáfunni Sæmundi ný bók eftir Húsvíkinginn Gunnar J. Straumland. -
Hvatningarverðlaun BSE vegna ársins 2024
Fátt er mikilvægara fyrir íslenskan landbúnað en hafa baráttufólk sem berst með oddi og egg fyrir framtíð og starfsskilyrðum greinarinnar.
