Gunnlaugur: Verðskuldaður sigur
Gunnlaugur Jónsson þjálfari KA var sáttur við sína menn í kvöld, eftir sannfærandi 3:0 sigur KA-manna gegn ÍR í 1. deild karla í knattspyrnu í Boganum. „Ég er bara gríðarlega ánægður með þetta. Við höldum markinu hreinu annan leikinn í röð og skorum þrjú mörk. Ég hefði kannski viljað að við myndum skora fleiri mörk miðað við færin sem við fengum en ég get ekki verið annað en sáttur og við verðskulduðum sannarlega þessi þrjú stig í kvöld,” sagði Gunnlaugur.
ÍR vann sterkan útisigur gegn BÍ/Bolungarvík í fyrstu umferðinni og Gunnlaugur segist hafa átt von á þeim sterkari.
„Ég verð að viðurkenna að ég bjóst við meiru frá þeim. Þetta er hins vegar flott start á mótinu hjá okkur og við vorum nokkuð ánægðir með síðasta leik þó að við höfum ekki náð að skora. Ég er líka mjög ánægður með hvað við náum að skapa mörg færi í kvöld,” sagði Gunnlaugur.
Guðlaugur Baldursson þjálfari ÍR bar sig vel eftir tapið og reyndi lítið að afsaka frammistöðu sinna manna.
„Við vorum lakara liðið og KA átti sigurinn skilið. Við náum ekki að fylgja sigri okkar eftir frá síðasta leik og þurfum að fara yfir um hverju það er að kenna. Við komumst aldrei í takt við leikinn í kvöld og náðum ekki uppi flæði í spilinu. KA-menn voru líka bara baráttaglaðari og þetta er gott lið. Við gerðum okkur alveg grein fyrir því hvað þeir myndu gera í kvöld, en þeir gerðu það bara það vel að við náðum ekki að verjast því,” sagði Guðlaugur.
„Þetta var frábær leikur hjá okkur,” sagði Haukur Heiðar Hauksson fyrirliði KA eftir leik. „Gulli (Gunnlaugur Jónsson) lagði upp með að byrja af krafti, þar sem þeir væru örugglega þreyttir eftir ferðalagið. Það gekk eftir og við náðum marki snemma. Við dettum aðeins niður í lok fyrri hálfleiks og þeir byrja aðeins að pressa. Við komum svo aðeins sterkari í seinni hálfleikinn. Við áttum bara frábæran leik í kvöld og það skilaði sigrinum,” sagði Haukur Heiðar.
Nýjast
-
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu.