Gunnar Konráðsson tilnefndur til Emmy verðlauna
Emmy verðlaunin eru ein þau virtustu í kvikmyndabransanum og verða afhent í byrjun september í Bandaríkjunum. Til marks um hve góður árangur þetta er hjá þeim félögum má nefna að bandaríski fréttaskýringaþátturinn 60 mínútur er tilnefndur í sama flokki, en einungis fimm verk eru tilnefnd í hverjum flokki fyrir sig. Í samtali við Vikudag segir Gunnar þetta mikinn heiður. „Þetta kom mjög skemmtilega á óvart og ég myndi halda að þetta væri einn mesti heiður sem hægt er að hlotnast. Þetta voru mjög skemmtilegar fréttir og nú bíðum við bara spenntir og sjáum til hvernig þetta fer," segir Gunnar. Hann segist þó ekki vera farinn að huga að þakkaræðunni ennþá. „Okkur finnst nú alveg nóg að vera bara tilnefndir og það yrði algjör bónus að vinna. Þetta eru allt virkilega flottar og vel gerðar heimildarmyndir þannig að hópurinn er sterkur. En maður veit aldrei," segir Gunnar.
Gerir heimildarmynd um bræðurna Halldór og Eirík
Gunnar er 28 ára gamall og lærði kvikmyndagerð í Madrid á Spáni. Hann hefur getið sér gott orð hérlendis sem erlendis en þættir sem hann framleiddi og myndaði sjálfur, Delicious Iceland, hafa verið sýndir um allan heim auk þess sem hann á ljósmyndir í tveimur íslenskum bókum sem eru að koma út um þessar mundir. Einnig sendi hann nýlega frá sér heimildarmyndina Amma auk þess sem hann framleiðir þættina Grillað sem nú eru sýndir á RÚV. Næsta heimildarmynd Gunnars verður um snjóbrettabræðurna frá Akureyri, þá Eirík og Halldór Helgasyni, en þar ætlar Gunnar að fylgja þeim bræðrum eftir í heilt ár víða um heim. „Ég ætla að elta þessa stráka og gera meiri heimildarmynd en þessar venjulegu snjóbrettamyndir, sem búið er að gera mikið af. Þetta verður eflaust mjög skemmtilegt verfkefni," segir hann.
Kvikmynd á döfinni
Þó að Gunnar hafi að mestu fengist við heimildarmyndagerð til þessa stefnir hann á að gera kvikmynd í fullri lengd þegar fram líða stundir. „Ég er nokkuð viss um að það gerist en ég er alls ekkert að flýta mér. Það er leikstjóri frá Kanada sem ég gerði tónlistarmyndband með sem er að vinna að handriti sem hann vill endilega kvikmynda með mér hér á landi. Hvort það verður næsta sumar veit ég ekki en hann stefnir á það. Þetta er ekkert komið neitt á veg ennþá en við sjáum til hvað verður," segir Gunnar.
Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
