Grunnskólakennarar á Húsavík fylltu stjórnsýsluhúsið
Grunnskólakennarar úr Borgarhólsskóla á Húsavík gengu fylgtu liði inn í stjórnsýsluhús Norðurþings um miðjan daginn í gær. Þar afhentu kennarar kröfugerð sem undirituð var á þremur dögum af yfir þrjú þúsund grunnskólakennurum alls staðar af landinu. Það er tæplega sjötíu prósent allra grunnskólakennara á landinu.
Kennarar mótmæla harðlega kjarastefnu sveitarfélaganna gagnvart grunnskólakennurum. Það var Jón Höskuldsson fræðslufulltrúi Norðurþings sem veitti áskorun kennaranna viðtöku fyrir hönd sveitarfélagsins.
„Mánuðum saman hafa sveitarfélögin haft tíma og tækifæri til að bregðast við bráðum vanda. Ekkert bólar á viðbrögðum og samninganefnd sveitarfélaga virðist enn ekki hafa umboð til neins nema að endurtaka leikinn frá því í sumar og bjóða áfram óboðleg kjör. Margir fulltrúar sveitarfélaga hafa gengist við því á síðustu árum að laun kennara séu allt of lág. Hin lágu laun hafa verið réttlætt með því að sveitarfélögin hafi ekki efni á betri kjörum. Með því er í raun verið að segja að sveitarfélögin séu ófær um að reka þá grunnþjónustu sem þau hafa tekið að sér fyrir íbúa þeirra. Slíkt gengur auðvitað ekki til lengdar. Við aðstæður sem þessar mun grunnþjónustan bíða skaða eða eyðileggjast með öllu,“ segir m.a. í kröfugerðinni.
Kolbrún Ada Gunnarsdóttir trúnaðarmaður kennara afhenti kröfugerðina eftir að hafa lesið hana upp. Þá tók Hjálmar Bogi Hafliðason, grunnskólakennari til máls og sagði meðal annars að grunnskólakerfið sjálft væri komið að ögurstundu.
Kristján Þór Magnússon sveitarstjóri Norðurþings kvað sér einnig hljóðs. Hann viðurkenndi að staðan væri ekki eins og best væri á kosið en sagði þó að sú grunnskólaþjónusta sem veitt væri á Húsavík væri mjög góð og að kennarar fengju allt of sjaldan það klapp á bakið sem þeir ættu skilið.
Deilunni vísað til ríkissáttasemjara
Félag grunnskólakennara fundaði í gær með Sambandi sveitarfélaga en ekkert þokaðist í viðræðunum og hefur deilunni verið vísað til ríkissáttasemjara. „Félag grunnskólakennara hefur í þessum viðræðum lagt áherslu á að ná fram meiri launahækkunum en voru í felldum samningum ásamt breytingu á vinnuumhverfi. Því miður náðist ekki samkomulag um nýjan kjarasamning og er það mat samninganefndar að of mikið beri í milli aðila til að samningar hefðu tekist á næstunni,“ segir í bréfi sem samninganefnd FG sendi félagsmönnum sínum í gærkvöld.
Grunnskólakennarar hafa fellt tvo síðustu samninga sem nefndin hefur lagt fram. Það er því ekki ofsögum sagt að mikil óánægja sé innan stéttarinnar.
- Nánar verður fjallað um málið í Skarpi sem kemur út á fimmtudag.
Nýjast
-
Hátíðarhöldin 1. maí á Húsavík
Stéttarfélögin standa fyrir hátíðarhöldum 1. maí á Fosshótel Húsavík. Hátíðin hefst kl. 14:00. Boðið verður upp á veglegt kaffihlaðborð, hátíðarræður, auk þess sem heimamenn í bland við góða gesti munu sjá um að skemmta gestum með hreint út sagt mögnuðum tónlistaratriðum. -
Annars konar upplifun í Bandaríkjunum en átti von á
„Mín upplifun varð önnur en ég gerði fyrir fram ráð fyrir. Þetta var dálítið einkennileg upplifun,“ segir Rachael Lorna Johnstone lagaprófessor við Háskólann á Akureyri. Hún flytur erindi í stofu M-101 í Háskólanum á Akureyri föstudaginn 2. maí þar sem hún segir frá dvöl sinni í Bandaríkjunum undanfarna mánuði. -
Tæplega 63 þúsund manns renndu sér á skíðum eða bretti í Hlíðarfjalli í vetur.
Skíðavertíðinni í Hlíðarfjalli lauk um liðna helgi og eins og vant er voru það keppendur á Andrésar Andar leikunum sem slógu loka tóninn. -
1 mai dagskrá á Akureyri og Fjallabyggð
Alþjóðlegur baráttudagur launafólks verður haldinn hátíðlegur með dagskrá á Akureyri og í Fjallabyggð fimmtudaginn 1. maí. -
Göngugatan lokuð frá og með morgundeginum
Bæjarstjórn samþykkti 18. mars sl. að sá hluti Hafnarstrætis sem gengur jafnan undir heitinu „göngugatan“ verði lokaður frá 1. maí til 30. september eða í fimm mánuði. Þetta er umtalsvert lengri lokun en var síðasta sumar en þá var lokað í þrjá mánuði frá 3. júní til ágústloka. -
Guðmundur Ármann opnar sýningu laugardaginn 3. til 31. maí í Bergi, menningarhúsi Dalvíkinga
Á sýningunni, sem ber yfirskriftina Yrkja II, verða um 19 málverk máluð á árunum 2021 til 2025. Einnig nokkrar teikningar. Þessi sýning er í beinu framhaldi af sýningu minni á Bergi 2022 um sama yrkisefni. -
Bernskuheimilið mitt eftir Ólöfu Sigurðardóttur frá Hlöðum
Flóra Menningarhús í Sigurhæðum á Akureyri hefur hafið söfnun á Karolina Fund fyrir útgáfu á bókinni Bernskuheimilið mitt eftir Ólöfu Sigurðardóttur frá Hlöðum (1857-1933). Árið 1906 fékk Ólöf birta grein í tímaritinu Eimreiðinni undir heitinu Bernskuheimilið mitt sem telst vera fyrsti sjálfsævisögulegi þáttur íslenskrar konu. Greinin vakti á sínum tíma mikla athygli. Það að kona fjalli opinberlega og opinskátt um líf sitt og fjölskyldu sinnar má kalla uppreisn á þessum tíma "þegar konur áttu að standa vörð um heiður fjölskyldunnar, meðal annars með þagmælsku um eigin hagi og með því að þegja alltaf um það sem fór úrskeiðis" (Raghneiður Richter, Íslenskar konur-ævisögur, s. 11). Verkið hefur aldrei verið gefið út á bók en nú verður bætt úr því. Hægt er að styðja verkefnið og kaupa bækur í forsölu hér: https://www.karolinafund.com/project/view/6459 -
Metfjölda notaðra snjalltækja skilað inn hjá Elko
Með tilliti til sjálfbærni var árið 2024 sögulegt fyrir ELKO – sérstaklega á Akureyri þar sem viðskiptavinir skiluðu inn og keyptu alls 400 notuð snjalltæki. Þetta gerir árið að metári í viðskiptum með notuð raftæki í versluninni þar í bæ. -
Kostuleg klassík með Sinfóníuhljómsveit Westmont-háskóla í Kaliforníu
Sinfóníuhljómsveit Westmont-háskóla í Kaliforníu er væntanleg til landsins á vormánuðum. Hún leikur á þrennum tónleikum í maí. Aðgangur er ókeypis á þá alla en sækja þarf miða á tix.is:
