Gríðarlegur uppgangur hjá Kælismiðjunni Frost síðustu ár
Starfsmenn Kælismiðjunnar Frosts eru að ljúka niðursetningu á nýju frystikerfi í togarann Normu Mary.
Kælismiðjan Frost ehf. á Akureyri og Skaginn hf. á Akranesi hafa skrifað undir samninga um sölu á stórri verksmiðju til vinnslu á uppsjávarfiski til fyrirtækis í Færeyjum. Frost mun einnig sjá um uppsetningu á frystikerfi í nýja 20.000 m3 frystigeymslu. Fjöldi fyrirtækja kemur að verkefninu en útflutningsverðmæti samningsins er hátt í þrír milljarðar króna. Gríðarlegur uppgangur hefur verið hjá Frost síðustu ár og auk verkefnisins í Færeyjum, eru fleiri stór verk í gangi, eða að fara í gang og því þarf að fjölga um tugi starfsmanna næstu mánuði. Veltan hefur aukist jafnt og þétt síðustu ár, m.a. um einn milljarð frá árinu 2005. Guðmundur Hannesson, sölu- og markaðsstjóri segir að velta Kælismiðjunnar hafi verið 1.350 milljónir króna í fyrra og árið það besta í sögu fyrirtækisins, bæði hvað varðar veltu og árangur. Ég átti ekki von á að sá árangur yrði toppaður en við erum nú þegar komnir upp í nánast sömu veltu, þessa fyrstu mánuði ársins.
Fyrir utan þetta stóra verk í Færeyjum, er Frost að setja frystikerfi í kanadískt skip í Póllandi og er að fara í svipað verknefni í Örfirisey, togara HB Granda í Reykjavík. Þá eru starfsmenn fyrirtækisins að ljúka niðursetningu á nýju frystikerfi í togarann Normu Mary, sem er í eigu dótturfélags Samherja í Bretlandi. Sú vinna hófst í Póllandi en er að ljúka á Akureyri. Eftir páska verður svo hafist handa við stórar breytingar á sjávarfrystikerfi fyrir Ísfélagið í Vestmannaeyjum.
Guðmundur segir að þetta sé líka heilmikil búbót fyrir Rafeyri á Akureyri, sem fylgir Kælismiðjunni í þessi verkefni. Þá hafa Frost, Rafeyri og Slippurinn unnið mikið saman og fengið stór verkefni í erlendum skipum til Akureyrar. Guðmundur segir það sérstaklega ánægjulegt hversu vel íslensk fyrirtæki standast samkeppnina á þessum opna evrópska markaði, þar sem eru margir um hituna. Lykillinn að þessu öllu er starfsfólkið. Það er auðvelt fyrir mig að selja þessi verkefni, þegar maður hefur svona mannskap á bak við sig, segir Guðmundur.
Nýjast
-
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands