Götuhornið - Formaður LEHÓ skrifar
Ég og strákarnir erum búnir að vera að lesa Götuhornið en það var reyndar lesið það fyrir mig af því að ég er dislexískur og svoleiðis en ég er samt ekkert heimskur sko. En það eru bara einhverjir að skrifa um Akureyri og eitthvað þannig svona sveitasjitt. Þú veist - við erum líka fólk sko. Við megum vera líka með og ég bara - þú veist - ef þetta kemur ekki í Götuhorninu þá.... Ókey - allavega þá vitum við hvar þú átt heima.
Þegar það var kosið mig af strákunum sem formaður Landssamtaka endurkomumanna á Hólmsheiði (LEHÓ) vildi ég bara gera mitt. Skila mínu til samfélagsins. Maður er ekkert bara eitthvað rusl. Við erum menn og samfélagið skuldar okkur alveg. Það vita bara ekki allir að því og ég þarf bara að koma til dyranna eins og ég er fæddur.
Ég hef alveg komið til Akureyrar sko og það var geggjað. Ég var í vinnuferð af því að það var sagt mér og vinum mínum að klippa putta af gaur þarna og þú veist, við vönduðum okkur eins og við gátum en þú veist - ég er ekkert fullkominn. Það er ekkert hægt að drekka kál úr ausunni þó það sé komið og það fór allt í fjandaskolun af því að gaurinn sagði okkur aldrei að hann væri ekki hann. En allavega var geggjað að vera á Akureyri. Allir að fá sér popp og kók og sami gaurinn á allt kók í bænum og lögguna líka. Hann er bara hundgamall og er boss alveg frá því í gamla daga. Samt aldrei komið á Hraunið eða neitt. Og geggjað næs Akureyringarnir. Þeir eru bara alveg til í að lána manni bílinn sinn til að komast í bæinn aftur. Það þarf ekki einu sinni að tala við þá. Labba bara að næsta húsi og annaðhvort eru lyklarnir í eða maður sækir þá inn í húsið. Svona fólk er malt jarðar og bara - takk fyrir mig. En taxagaurarnir eru fýlupokar og það var logið því í síðasta Götuhorni að þeir væru eitthvað næs.
Félagið er alveg líka að hugsa um aðra. Hjálparsveitagaurana til dæmis. Þeir eru alveg búnir á því. Búnir að passa Grindavík alveg mikið og fá ekki einu sinni að hirða draslið sem var skilið eftir. Gaurarnir frá RÚV eru þeir einu sem hafa fengið að prófa. Þeir kunna bara ekki á dyrabjöllur með myndavélunum og þyrftu að fara einn hring í Hólmsheiðinni. Er ekki einhver endurmenntunarsjóður eða eitthvað að styrkja námskeið og þannig? Ég gæti alveg tekið smá búnt og kennt þeim. En semsagt - hjálparsveitarmennirnir eru þreyttir og það er búið að segja dómstólunum að passa Grindavík í staðinn. Þeir eru alveg núna bissí í að einhver Jón Steinar er að reyna að hjálpa einhverjum gaur að fá að fara heim til sín. Skrítið að það þurfi dómara til að segja að maður fái að fara heim til sín. Þegar ég hugsa um það þarf löggan reyndar alltaf dómara til að hún megi fara heim til mín. Kannski er það svoleiðis. Svo er fréttamenn með eitthvað svona félag eins og LEHÓ sem vill fá að gá hvort það sé hægt að komast eitthvað inn í húsin. Þá brjálumst við sko. Við förum í Samkeppniseftirlitið. Það er ekki sanngjarnt að einn eins og RÚV fái frítt spil en við í LEHÓ séum útundan. Það er bara eins og Fellaskóli aftur og einelti. Er ekki til einhver jafnteflisregla? Það er alltaf verið að jaðarsækja okkur. Lífið okkar er ekkert neinar dansandi rósir. Við megum líka komast að kjötfjöllunum.
Það var sagt mér að það væri hætt að setja íslenska fánann á Alþingishúsið og búið að skipta yfir í palestínska fánann. Einhver varð brjálaður og þá var bara sagt honum að hann væri vondur og allt vitlaust af því að hann vildi ekki sækja eitthvað fólk. Það er ekkert alltaf sótt fólk. Það var ekki einu sinni sótt mömmu þegar ég var í fangelsinu í Tælandi útaf engu sem ég hafið ekki einu sinni aldrei verið saklaus af. En ef það er ekki hægt að sækja fólk af því að það er enginn tími þá má löggan alveg hætta að sækja mig. Það er ekkert alltaf sem ég vil láta sækja mig. Og þá er það svolítið eins og að sækja vatnið út á túnið finnst mér.
En ég forkenni Grindvíkingum. Ég ætla að láta strákana ákveða á næsta fundi að við förum allir í fjáröflunarferð til Akureyrar. Það er víst einhver svaka ríkur kalla þar. Við erum kannski glæpamenn en við erum samt ekki vondir.
Nýjast
-
,,Þetta snýst þá bara um að fara rútuferð á fimmtudaginn”
Það var sannkölluð háspenna sem boðið var upp á í leik Þórs og Fjölnis í Íþróttahöllinni í kvöld. Tækist Þór að sigra væri sæti í Olis deild karla næsta keppnistímabil í höfn, færi Fjölnir með sigur þyrfti oddaleik n.k fimmtudag í Reykjavík. -
Rannsókn á andláti- Gæsluvarðhald framlengt um viku
Gæsluvarðhald yfir manni sem er grunaður um að hafa orðið sambýliskonu sinni að bana í fjölbýlishúsi á Akureyri hefur verið framlengt um eina viku, eða til 6. maí -
Þjónusta þjóðkirkju við landsbyggðina
Eitt aðaleinkenni þjóðkirkjunnar, kirkju þjóðarinnar er hún að hún hefur þá grunnskyldu að veita kirkjulega þjónustu um allt land. Henni ber að þjóna fólki í sveit og borg, í þorpum og bæjum, þeim sem búa afskekkt og þeim sem búa þétt. Þetta er ekki einfalt hlutverk því þegar upp er staðið er það fjárhagurinn sem stýrir því hversu breið og öflug sú þjónusta er. Sóknargjöldin sem ríkið innheimtir fyrir þjóðkirkjuna hafa verið skert af hálfu ríkisins frá því í hruninu og jafnvel eitthvað fyrr. Þetta hefur gert það að verkum að erfiðara er að halda úti þjónustu safnaða og halda við kirkjubyggingum sem margar hver eru menningarleg þjóðarverðmæti. Þá hefur vígð þjónusta verið skert þar sem kirkjan hefur þurft að fara í sparnaðaraðgerðir auk þess sem fólksflutningar hafa orðið á ákveðnum svæðum. -
„Slippurinn Akureyri, Vinnslustöðin í Vestmannaeyjum og Skipasýn gera með sér hönnunarsamning“
Slippurinn Akureyri sem framleiðir vinnslubúnað undir merkjum DNG by Slippurinn hefur gert hönnunarsamning við Vinnslustöðina í Vestmannaeyjum og verkfræðistofuna Skipasýn. -
Sviðslistahópurinn Hnoðri í norðri sýnir íslenska öróperu í grunnskólum
„Það er alveg ótrúlega gaman og gefandi að fara á milli skóla og sýna, kynnast nýjum stöðum og stemningunni og andanum í mismunandi skólum,“ segir Erla Dóra Vogler, ein úr sviðslistahópnum Hoðri í Norðri. Hópurinn hefur sýnt nýja íslenska öróperu - Skoffín og skringilmenni í grunnskólum á Norðurlandi eystra. Sýningar urðu 17 talsins í 21 skóla og sáu hátt í 1.200 börn í 5. til 7. bekk þessa sýningu. -
Stórleikur í Höllinni í dag!
Í dag nánar tiltekið kl 18.30 verður blásið til leiks hja Þór og Fjölni í einvígi þessara félaga um sæti i efstu deild í handbolta keppnistímabilið 2024-2025.Þór hefur tvö vinninga en Fjölnir einn. Alls þarf þrjá vinninga til að tryggja sér sæti í efstu deild svo segja má að staða Þórsara sé afar vænleg fyrir leikinn en staðan ein og sér gerir ekkert, það þarf að klára málið. -
Ísland í 80 ár! Málþing um stöðu og þróun lýðveldis og lýðræðis á Íslandi
Hömrum, Menningarhúsinu Hofi, Akureyri, laugardag 4. maí 2024, kl. 14:00-17:00. AkureyrarAkademían stendur fyrir opnu málþingi í tilefni af því að á þessu ári eru 80 ár frá því að lýðveldi var stofnað á Íslandi þann 17. júní 1944. Málþinginu er ætlað að vera vettvangur fyrir samræður og skoðanaskipti fræðimanna og almennings um lýðveldisstofnunina, stöðu og þróun lýðveldis og lýðræðis á Íslandi. Hvernig hefur tekist til? Hvaða lærdóma má draga? -
Steiktur fiskur sem alltaf hittir í mark
„Það eru auðvitað mikil forréttindi að hafa gott aðgengi að fyrsta flokks hráefni, auk þess sem fiskur er alltaf vinsæll hérna í mötuneytinu,“ segir Theodór Haraldsson matreiðslumeistari í mötuneyti ÚA. Hann gefur lesendum heimasíðunnar uppskrift að steiktum fiski sem reglulega er á boðstólum í mötuneytinu. Áhersla á fisk „Þetta er stór vinnustaður og eðli málsins samkvæmt er smekkur fólks misjafn en þessi fiskréttur fær alltaf góða dóma hjá starfsfólkinu. Við getum sagt auppskriftin sé klassísk og hún er alls ekki flókin. Með fiskinum höfum við remúlaði og brúnaðan lauk. Okkur finnst sjálfsagt að leggja áherslu á fiskinn, enda topp hráefni á allan hátt og hollt. Þetta er sem sagt réttur sem hittir alltaf í mark,“ segir Theodór. Hægt að leika sér með þorsk „Hérna í ÚA er verið að vinna afurðir fyrir kröfuharða viðskiptavini, meðal annars helstu verslunarkeðjur Evrópu. Það er stór kostur að geta farið niður í vinnsluna og náð í brakandi ferskt hráefni, enda er hérna fiskur á boðstólum tvisvar til þrisvar sinnum í viku. Oftast verður þorskur fyrir valinu, enda er hægt að leika sér með þorskinn á svo margvíslegan hátt. Það þarf að passa sérstaklega að ofelda ekki fiskinn, þá verður hann heldur þurr. Og ef fólk er að elda fisk í ofni er gott ráð að lækka hitann og kynda ofninn svo vel skömmu áður en safaríkur fiskurinn er borðinn á borð. Ég er ekki frá því að algengustu mistökin felist einmitt í að ofelda fiskinn, reyndar getur línan í þessum efnum verið nokkuð fín,“ segir Theodór Haraldsson matreiðslumeistari. Hérna er uppskriftin góða: Fiskur í raspi fyrir fjóra til sex: 1,5 kg Þorskur 6 stk egg 500 gr rasp 500 gr hveiti 50 gr salt 50 gr hvítur pipar 2 msk sítrónupipar 1 msk paprikukrydd 1 msk karrí 1 msk laukduft Aðferð: Þorskurinn er skorinn niður í hæfilega bita. Eggin eru pískuð saman í skál ásamt kryddum. Síðan er fiskinum velt upp úr hveiti, síðan velt upp úr eggjunum og svo í lokin upp úr raspinu. Fiskurinn er svo steiktur á pönnu upp úr smá olíu og klípu af smjöri. Remúlaði 50 gr mæjónes 50 gr súrmjólk 1 stk laukur fínt saxaður 3 msk dijon sinnep 1 msk sætt sinnep 75 gr súrar gúrkur 2 msk capers saxaður Aðferð: Þessu er öllu blandað saman og smakkað til. Brúnaður laukur 2 stk laukur 1 msk steinselja þurrkuð Olía til steikingar Smá klípa smjör Aðferð: Laukurinn er sneiddur niður og steiktur á pönnu þangað til hann verður fallega brúnn á litinn. Þá er smá smjöri bætt við á pönnuna og laukurinn látinn malla í nokkrar mínútur til viðbótar. Fiskurinn borinn fram ásamt remúlaðinu, soðnum kartöflum, brúnuðum lauk og sítrónusneið. Gangi ykkur vel og verði ykkur að góðu ! Þessa fínu hugmynd að kvöldmatnum var fyrst að finna á www.samherji.is -
Fjórir norðanmenn unnu brons á Íslandsmótinu í bridge.
Akureyringarnir, Frímann Stefánsson, Pétur Guðjónsson og Reynir Helgason gerðu góða ferð suður til Reykjavíkur un helgina með Mývetningnum Birni Þorláks þar sem verkefnið var að etja kappi við sterkustu lið landsins í úrslitum Íslandsmótsins í sveitakeppni. Sveitin keppti undir merki Kjöríss.
Athugasemdir