Gosið sem varla varð
Inga Dagný Eydal.
Náttúran á það sannarlega til að gefa okkur mannfólkinu langt nef og minna okkur á að vísindin vita ekki alla hluti. Þannig opnaðist sprunga í jörðina á Reykjanesi sama dag og seinheppinn jarðeðlisfræðingur lýsti því yfir að líklega yrði bara ekkert gos. Nananana búbú. Þetta, að því er virðist, minnsta gos á sögulegum tímum kemur þó á ákaflega heppilegum tíma.
Fréttamenn voru eiginlega komnir í þrot með Covid spurningar en fá nú ný tækifæri til að spyrja vísindamenn og fagmenn sömu spurninganna aftur og aftur og aftur....til þess eins að fá sömu svörin aftur og aftur og aftur. Ef fréttamönnum fer að leiðast þófið geta þeir gert heiðarlega tilraun til að skemmta alþjóð með því t.d. að slíta eitthvað af ummælunum úr samhengi og búa til æsilegar fyrirsagnir. Sívinsælt stönt. Nú svo eru auðvitað viðtöl við lögreglumenn og björgunarsveitarmenn.
Í þeim viðtölum gefast tækifæri á að spyrja sömu spurninganna jafn oft og áður og þreytulegir viðmælendurnir draga andann djúpt, telja líklega í huganum upp að tíu og svara af ítrustu kurteisi,- aftur og aftur og aftur. Ef að fréttatíminn er ekki þegar orðinn fullur þá er hægt að rúnta hringinn í nálægum bæjarfélögum og ræða við mann og annan, bensínsölumanninn, konu með barnavagn og fyrrverandi barnakennara. Oftast kemur þá í ljós að íbúarnir sem eru orðnir langþreyttir og vansvefta af hristingi eru bara hálffegnir því að ólgan í jarðarvömbinni sé nú loksins að skila sér í þessu pena gosi og alls ekki hræddir við neitt nema atganginn í fréttamönnum.
Okkur hinum gefst svo öllum gullið tækifæri til að fara okkur að voða með því að fara í skemmtiferð með fjölskylduna gangandi á hvítum strigaskónum upp að gosinu. Ís með dýfu á eftir.
En við skulum spyrja að leikslokum, þessi orð eru skrifuð á laugardagskvöldi en aldrei að vita hvað gerist til fimmtudags. Kannski eitthvað risastórt. Stóra spurningin er þá hvort að RÚV getur hugsanlega rofið dagskrá á minna en einum og hálfum tíma eða hvort að Bogi verður aftur í óhnepptum jakkanum?
Nýjast
-
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega.
Athugasemdir