Góðgerðafélög á Akureyri njóta góðs af Reykjavíkurmaraþoni
Um þessar mundir eru fjölmargir hlauparar að undirbúa sig fyrir Reykjavíkurmaraþon Íslandsbanka sem fer fram þann 20. ágúst n.k.
Margir þátttakenda hlaupa til þess að safna fé fyrir góðgerðastarfssemi að eigin vali. Nú þegar þetta er ritað hafa safnast rúmlega 23. Milljónir króna alls.
Í hópi þeirra sem hafa safnað mest hingað til eru Akureyringarnir Baldvin Rúnarsson og Sigurbjörn Gunnarsson.
Sigurbjörn má segja að sé orðinn sameign þjóðarinnar eftir að hann heillaði fólk upp úr skónum með þátttöku sinni í þriðju seríu sjónvarpsþáttanna Biggest Loser Ísland þar sem hann gerði sér lítið fyrir og sigraði heimakeppnina svokölluðu, þ.e. hver léttist mest af þeim keppendum sem sendir eru heim. Sigurbjörn missti hér um bil helming líkamsþyngdar sinnar. Hann hefur heldur betur breytt um lífsstíl í kjölfar þáttanna og stundar ýmiskonar líkamsrækt og hreyfingu.
Sigurbjörn ætlar að hlaupa 10 km. Í Reykjavíkurmaraþoninu til styrktar Hollvinasamtökum Sjúkrahússins á Akureyri og stefnir á að safna einni milljón króna. Samtökin voru stofnuð í desember 2013 en markmið þeirra er að bæta tækjakost sjúkrahússins, vinnuaðstöðu starfsmanna og aðbúnað sjúklinga.
„Mér er annt um Sjúkrahúsið á Akureyri og vil leggja mitt af mörkum í að efla það og styrkja. Ég hef líka gaman af taka erfiðar áskoranir þannig ef 1.000.000 kr markmiðið næst þá mun ég hlaupa heilt maraþon á næsta ári,“ segir Sigurbjörn á styrktarsíðu sinni.
Sigurbjörn hefur þegar þetta er ritað safnað 243 þúsund krónum.
Sá sem safnað hefur mest hingað er Baldvin Rúnarsson, 22. ára. Hann ætlar að hlaupa 21 km til styrktar Krabbameinsfélagi Akureyrar og nágrennis. Tilgangur þess er að styðja í hvívetna baráttu gegn krabbameini. Aðaláherslan í starfseminni er að veita alhliða stuðning við fólk sem greinist með krabbamein og fjölskyldur þeirra, bæði maka og börn, vini og vinnufélaga. Auk þess að veita persónulega ráðgjöf stendur félagið fyrir námskeiðum, Opnu handverkshúsi, líkamlegri og andlegri endurhæfingu o.m.fl. Einnig aðstoðar félagið fólk við að greiða fyrir afnot af íbúðum Krabbameinsfélags Íslands í Reykjavík vegna t.d. geislameðferðar.
Baldvin setti sér það markmið að safna einni milljón króna fyrir félagið. Hann hefur á þessari stundu safnað 1.122 þúsund krónum og hefur því náð markmiði sínu og gott betur. „Fyrir þremur árum greindist ég með heilaæxli sem ég er enn að berjast við. Síðasta sumar þurfti ég að flytja suður til að hefja geisla- og lyfjameðferð og Krabbameinsfélag Akureyrar sá til þess að ég fengi íbúð til að vera í á meðan meðferðinni stóð. Þess vegna ætla ég að hlaupa hálfmaraþon og styrkja þetta frábæra félag í leiðinni,“ segir Baldvin á styrktarsíðu sinni.
Þeir sem vilja heita á Sigurbjörn geta gert það hér.
Þeir sem vilja heita á Baldvin geta gert það hér.
Nýjast
-
Jón Hafsteinn segir frá námi í iðnaðar- og orkutæknifræði
Þegar Jón Hafsteinn Einarsson frá Álftanesi fór að velta fyrir sér námi á sviði verkfræði var hann með margar hugmyndir í kollinum. Vélaverkfræði? Raforkuverkfræði? Ekkert virtist smella alveg – fyrr en hann rak augun í auglýsingu um iðnaðar- og orkutæknifræði. Námið fer fram í staðnámi við Háskólann á Akureyri í samvinnu við Háskólann í Reykjavík. Stúdentar í iðnaðar- og orkutæknifræði horfa á fyrirlestra í beinu streymi í HA á sama tíma og kennslan fer fram í HR. Aðstoðarkennari sér um dæmatíma í HA og stúdentar hafa góða aðstöðu til náms í HA og eru fullgildir HA-ingar sem tilheyra öflugu námssamfélagi háskólans -
Tónasmiðjan á Húsavík með stórsýningu í Heiðarbæ
Ljós í myrkri - Rokkað gegn krabbameini -
Góð viðbrögð komu skemmtilega á óvart
„Söfnun muna eftir Margréti Jónsdóttur gengur mjög vel og við erum hæstánægð með móttökurnar,“ segir Hlynur F. Þormóðsson kynningar- og viðburðastjóri Listasafnsins á Akureyri. -
N1 óskar eftir lóð til uppbyggingar við Baldursnes
Yrki eignir ehf hefur lagt fram fyrirspurn um úthlutun lóðar á horni Baldursness og Óðinsness á Akureyri, til uppbyggingar fyrir N1. -
Undirskrift í grunni hjúkrunarheimilisins á Húsavík
Inga Sæland, félags- og húsnæðismálaráðherra og Katrín Sigurjónsdóttir, sveitarstjóri Norðurþings skrifuðu undir samkomulag á milli Félags- og húsnæðismálaráðuneytisins og Norðurþings um breytt fyrirkomulag vegna byggingar hjúkrunarheimilis á Húsavík -
Minningarsigling horfina og látinna sjómanna með Húna ll
Ákveðið hefur verið að endurtaka minningarsiglingu um horfna og látinna sjómanna í tengslum við hátíðarhöld á Sjómannadaginn um aðra helgi. Bryddað var upp á þessari fallegu nýjung á Sjómannadaginn í fyrra og var mjög góður rómur gerður að. -
Listasafnið á Akureyri: Leiðsagnir um helgina
Laugardaginn 24. maí, kl. 15 verður boðið upp á almenna leiðsögn um sýningar Þóru Sigurðardóttur, Tími – Rými – Efni, og Heimis Hlöðverssonar, Samlífi, sem opnaðar voru um síðustu helgi. Jafnframt verður fjölskylduleiðsögn um sýningarnar í boði daginn eftir, sunnudaginn 25. maí kl. 11-12. -
Loksins fær þyrlan heimili fyrir norðan
Því ber að fagna að ríkisstjórn Íslands hafi borið gæfa til að setja fjármuni í fasta starfsstöð Landhelgisgæslunnar á Akureyri, eitthvað sem ég hef barist fyrir sem þingmaður Norðausturkjördæmis undanfarin ár. Nú síðast lagði ég fram þingsályktunartillögu þess efnis í mars sl. -
Akureyrarhlaup í sókn – UFA og atNorth gera með sér þriggja ára samstarfssamning
Ungmennafélag Akureyrar (UFA) gerði á dögunum samstarfssamninga við nokkur öflug fyrirtæki vegna Akureyrarhlaupsins. Gerður var samstarfssamningur við atNorth til næstu þriggja ára. Að auki var samið við Altis sem selur meðal annars Mizuno íþróttafatnað og T-plús sem veitir verðlaunafé fyrir brautarmet í Akureyrarhlaupinu líkt og fyrri ár.