Glæsimeyjar í aldarfjórðung
Glæsimeyjar hafa haldið saman í um það bil aldarfjórðung og verða aldrei leiðar hvor á annarri. Mynd/aðsend
Vikublaðið sló á þráðinn til Friðriku Baldvinsdóttur í byrjun vikunnar þar sem hún var stödd á Tenerefe ásamt fríðum hópi kvenna sem kenna sig við Glæsimeyjar. Hún segir að hópurinn hafi haldið saman frá lokum síðustu aldar og staðið fyrir óvissuferðum í öll þessi ár.
„Við erum staddar út á Tenerife, 10 konur sem komum frá Íslandi og hittum þá elleftu hér úti. Við erum Glæsimeyjar og erum búnar að vera það alveg síðan 1996 þegar við stofnuðum þennan hóp,“ segir Friðrika sem var að gera sig klára fyrir kvöldverð þegar blaðamaður heyrði í henni.
Friðrika segir jafnframt að stofnun hópsins hafi borið að með óvæntum hætti á sínum tíma og að minnstu hafi mátt muna að engin hafi mætt á stofnfundinn þar sem þær héldu að um hrekk væri að ræða.
„Sagan er sú að við vorum einar 16 konur sem fengum bréf einn daginn árið 1996 og í því voru leiðbeiningar um að við ættum að hittast á hótelinu á Húsavík á ákveðnum degi. Svo var gefið upp símanúmer sem náttúrlega engin okkar þorði að hringja í til að byrja með. Við vorum alveg vissar um að núna væri einhver að gera at í okkur,“ segir Friðrika hlæjandi og bætir við að ekki hafi alveg allar vogað sér að mæta af þeim sem fengu þetta dularfulla bréf.
„Ég held að við höfum endað 14 sem mættum upp á hótel. Þá var þetta þannig að þegar við hringdum loks í númerið sem upp var gefið þá var það á stöð 2. Það var nefnilega vinkona einnar úr hópnum okkar sem var í svona hópi í Reykjavík og vann á stöð 2. Þetta var nú byrjunin á þessu öllu saman og síðan höfum við verið alltaf með svona óvissuferðir,“ segir Friðrika og útskýrir enn frekar að síðustu helgina í nóvember hittist alltaf tvær úr hópnum í sérstakri nefnd og skipuleggja næstu óvissuferð.
„Svo höfum við bara verið að fá okkur gott að borða, gera eitthvað skemmtilegt og fá okkur vín í glas. Þetta er ekkert flókið og búið að endast í allan þennan tíma,“ útskýrir Friðrika að lokum áður en hún skundar í veislukvöldverð á Tene.
Nýjast
-
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega.
Athugasemdir