Glæsilegur sigur Akureyrar á Val
Síðari hálfleikur var æsispennandi allan tímann, mikið var um brottrekstra enda spiluðu bæð lið harðar varnir með markverði sína í bana stuði fyrir aftan. Þegar 15 mín voru til leiksloka hafði Akureyri yfir 18-17.
Næstu mínútur voru hreint ótrúlegar og fullyrðir blaðamaður að ef gefa á út kennslumyndband í varnarleik þá nægi að fyrir menn að horfa á þessar mínútur hjá Akureyri í vörninni sem og reyndar megin part leiksins. Valsmenn skoruðu ekki nema þrjú mörk gegn sex frá Akureyri á næstu 14 mínútum og kom eitt þeirra úr víti. Akureyri var því með unnin leik í höndunum þegar 1 mínúta var til leiksloka og staðan 24-20. Þeir slökuðu aðeins á síðustu mínútuna og Valsarar skoruðu tvö mörk en það var langt frá því að duga til að setja spennu í leikinn, Akureyringar fögnuðu gríðarlega góðum sigri að leikslokum með áhorfendum sínum sem voru 800 talsins og frábærir í kvöld. Lokatölur 24-22.
Varnarleikur Akureyrar í leiknum var hreint út sagt ótrúlegur og þar fyrir aftan var markvörðuinn Hafþór Einarsson í heimsklassaformi með 27 varin skot og þar af tvö víti. Sóknarlega spilaði liðið skynsamlega en að öðrum ólöstuðum var hinn ungi og bráðefnilegi Oddur Gretarsson manna bestur þar og skoraði hann 7 mörk.
„Við spiluðum stórkostlega vörn og þegar maður hefur svona vörn þá fylgir markvarslan alltaf með sagði Hafþór Einarsson, hógvær eftir leikinn. Hann sagðist ekki muna hvort þessi leikur sé hans besti á ferlinum ,,uss það er svo langt síðan fyrri hluti ferilsins var, þú mátt ekki spyrja svona!“ sagði Hafþór og hló. Hann sagði svo að lokum; „leikgleðin hjá okkur og þessi frábæri stuðningur og meðbyr sem við fáum frá öllum Akureyringum er með ólíkindum og það skilar sér.“
Línumaðurinn þrautreyndi, Þorvaldur Þorvaldsson þakkar andanum í liðinu og áhorfendum velgengni liðsins í síðustu leikjum. „Stemmningin í liðinu er að skila okkur þessu, það eru allir að berjast fyrir alla og einhver klikkar er hann bara peppaður upp. Með svona áhorfendur og svona stemmningu er ekki hægt annað en að hrífast með og berjast,“ sagði Þorvaldur.
Er þessi hópur og stemmningin í kringum hann með því betra sem þú hefur séð á 20 ára ferli? „Þessi hópur er einstakur, stemmningin er frábær. En auðvitað eru árin með Alfreð Gíslasyni líka einstök í minningunni. Núna eru hins vegar allir í liðinu frá Akureyri nema Jesper (markvörður) og þarna eru strákar sem voru enn á leiksskóla eða ekki fæddir þegar ég byrjaði að spila en það er eins og við séum allir á sama reiki svo frábær er liðsandinn“ sagði Þorvaldur kampakátur í leikslok.
Mörk Akureyrar: Oddur Gretarsson 7, Árni Þór Sigtryggsson 6, Andri Snær Stefánsson 5, Hörður Fannar Sigþórsson 2, Rúnar Sigtryggsson 1, Gústaf Línberg Kristjánsson 1 og Þorvaldur Þorvaldsson.
Hafþór Einarsson varði 27 skot og þar af tvö víti.
Akureyri er eftir leikinn í efsta sæti deildarinnar með 8 stig eftir 6 leiki.
Nýjast
-
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug. -
Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt
„Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna. -
Málefni verksmiðju PCC á Bakka - Óskað eftir fundi í atvinnuveganefnd Alþingis
,,Ég óskaði eftir því fyrir helgi við formann atvinnuveganefndar að forsvarsmenn sveitarfélagsins Norðurþings, PCC á Bakka og Samtökum iðnaðarins færu yfir stöðuna með okkur í atvinnuveganefnd þingsins sem allra fyrst."