Girnilegir silungsréttir og vanilluskyrkaka
Listakonan Linda Björk Óladóttir tók áskorun Óðins Valssonar og hún er hér mætt með girnilegar uppskriftir í matarkrók vikunnar. Ég elska uppskriftir sem eru auðveldari en þær líta út fyrir að vera. Í sumar hef ég verið svo heppin að fá silung á tvo mismuandi vegu sem mig langar að deila með ykkur. Að öllu jöfnu er ég ekki mikil silungsmanneskja, en þessir voru bara algjört sælgæti og ekki spillti fyrir að uppskriftirnar voru eins auðveldar og hugsast getur, segir Linda.
Sweet chili silungur
800-1000 g af silungsflökum, beinhreinsuðum
1 dl Sweet chili sósa (eða eftir smekk)
Sjálvarsalt
Smellið silungsflökunum á álbakka, berið Sweet chili sósuna á silungsflökin og saltið smá. Setjið álbakkann grillið í ca. 10 mínútur eða þar til silungurinn er eldaður í gegn.
Gerist varla auðveldara og kemur virkilega á óvart!
Mango Chutney silungur
800-1000 g af silungsflökum, beinhreinsuðum
Salt og pipar
2 dl af mangó chutney
Safi úr einni lime
2-3 msk. af söxuðum pistasiuhnetum
Ferskt saxað kóriander (má sleppa)
Takið skelina af pistasíuhnetunum og saxið. Setjið silungsflökin á álbakka, saltið, piprið og kreistið safa úr einni lime yfir fiskinn. Setjið svo mangóchutney-ið yfir, þá kóríander og pistasíuhneturnar. Setið álbakkann á grillið í 10-15 mín. Algjörlega æðislegt :D
Svo get ég nú ekki verið þekkt fyrir annað en að setja inn einn desert :D Þessa uppskrift fékk ég hjá ömmu minni sem er líka mjög hrifin af öllu sem að "gerir sig svona sjálft". Ég gerði þessa í matarboði í síðustu viku og sá mér leik á borði að þá næði ég mynd af henni. Það fór nú ekki betur en svo að kakan var hálfétin þegar ég mundi eftir að taka myndina. Já hún er SVONA góð.
Vanilluskyrkaka með kirsuberjasósu
1 pakki póló kex
50 g smjör (má sleppa)
1 lítil dós vanilluskyr
1/4 l rjómi
1 krukka kirsuberja sósa
Áður en þú opnar póló kexpakkann myldu kexið með því að hnoða og kreista pakkann. Opnaðu svo pakkann og heltu mulda kexinu í eldfast mót eða víða skál. Ef þú gerir kökuna daginn áður er alveg óþarfi að nota smjörið, en ef þú ert á síðustu stundu þá mæli ég með að þú notir ca. 50 g bráðið smjör og hellir yfir kexið, til að kakan verði ekki þurr. Þeytið rjómann og blandið saman við skyrið. Smyrjið ofan á kexið. Geymið kökuna í kæli og hellið kirsuberjasósunni yfir rétt áður en kakan er borin fram. Einnig má bera sósuna fram sér og setja jafnvel ávexti yfir kökuna.
Ég skora á Olgu Ásrúnu Stefánsdóttur, iðjuþjálfa og forstoðukonu félagsmiðstöðva eldri borgara á Akureyri. Hún verður ekki í vandræðum með að draga fram eitthvað af sínum gómsætu uppskriftum.
Nýjast
-
Guðmundur Ármann opnar sýningu laugardaginn 3. til 31. maí í Bergi, menningarhúsi Dalvíkinga
Á sýningunni, sem ber yfirskriftina Yrkja II, verða um 19 málverk máluð á árunum 2021 til 2025. Einnig nokkrar teikningar. Þessi sýning er í beinu framhaldi af sýningu minni á Bergi 2022 um sama yrkisefni. -
Bernskuheimilið mitt eftir Ólöfu Sigurðardóttur frá Hlöðum
Flóra Menningarhús í Sigurhæðum á Akureyri hefur hafið söfnun á Karolina Fund fyrir útgáfu á bókinni Bernskuheimilið mitt eftir Ólöfu Sigurðardóttur frá Hlöðum (1857-1933). Árið 1906 fékk Ólöf birta grein í tímaritinu Eimreiðinni undir heitinu Bernskuheimilið mitt sem telst vera fyrsti sjálfsævisögulegi þáttur íslenskrar konu. Greinin vakti á sínum tíma mikla athygli. Það að kona fjalli opinberlega og opinskátt um líf sitt og fjölskyldu sinnar má kalla uppreisn á þessum tíma "þegar konur áttu að standa vörð um heiður fjölskyldunnar, meðal annars með þagmælsku um eigin hagi og með því að þegja alltaf um það sem fór úrskeiðis" (Raghneiður Richter, Íslenskar konur-ævisögur, s. 11). Verkið hefur aldrei verið gefið út á bók en nú verður bætt úr því. Hægt er að styðja verkefnið og kaupa bækur í forsölu hér: https://www.karolinafund.com/project/view/6459 -
Metfjölda notaðra snjalltækja skilað inn hjá Elko
Með tilliti til sjálfbærni var árið 2024 sögulegt fyrir ELKO – sérstaklega á Akureyri þar sem viðskiptavinir skiluðu inn og keyptu alls 400 notuð snjalltæki. Þetta gerir árið að metári í viðskiptum með notuð raftæki í versluninni þar í bæ. -
Kostuleg klassík með Sinfóníuhljómsveit Westmont-háskóla í Kaliforníu
Sinfóníuhljómsveit Westmont-háskóla í Kaliforníu er væntanleg til landsins á vormánuðum. Hún leikur á þrennum tónleikum í maí. Aðgangur er ókeypis á þá alla en sækja þarf miða á tix.is: -
Opið fyrir umsóknir í Slipptöku Driftar EA 2025
Drift EA hefur opnað fyrir umsóknir í Slipptökuna (e. Test Drive) 2025. Í Slipptökunni felast fjórar kraftmiklar vinnustofur fyrir frumkvöðla og teymi með hugmyndir sem eru tilbúnar á næsta stig. Slipptakan endar á formlegri kynningu verkefnanna þar sem valin verkefni komast áfram í Hlunninn. -
Þorsteinn Kári gefur út Skuggamynd
Lagið var hljóðritað að mestu leyti á Akureyri síðla árs 2023, en trommurnar voru hljóðritaðar í Berlín. Upptöku á Akureyri stjórnaði Þorsteinn Kári sjálfur, en tökum á trommum stjórnuðu Jón Haukur Unnarsson ásamt Nirmalya Banerjee. -
Fjármögnun lokið á nýrri landeldisstöð Samherja
Samherji fiskeldi ehf., dótturfélag Samherja hf., hefur lokið fjármögnun fyrsta áfanga Eldisgarðs, nýrrar landeldisstöðvar við Reykjanesvirkjun, með útgáfu nýs hlutafjár og sambankaláni. Fjármögnun fyrsta áfanga nemur 235 milljónum evra, jafnvirði 34 milljarða króna. Eitt hundrað ný störf verða til í stöðinni og annar eins fjöldi afleiddra starfa. Stefnt er að því að taka stöðina í notkun á fyrsta ársfjórðungi 2027. -
Ný bók frá Gunnari J. Straumland
Út er komin hjá bókaútgáfunni Sæmundi ný bók eftir Húsvíkinginn Gunnar J. Straumland. -
Hvatningarverðlaun BSE vegna ársins 2024
Fátt er mikilvægara fyrir íslenskan landbúnað en hafa baráttufólk sem berst með oddi og egg fyrir framtíð og starfsskilyrðum greinarinnar.
