Gilfélagið hvetur til endurnýtingar og flokkunar á rusli með skemmtilegum hætti
Listagilið á Akureyri
Stjórn Akureyrarstofu samþykkti nýverið að veita styrk að upphæð kr. 100.000 til Gilfélagsins fyrir verkefni sem kallast „Selfie recycling“ og einhverskonar samfélagslegt verkefni og myndlistarsýning fyrir alla aldurshópa. Dagskrain.is spurði Thoru Karlsdottur formann Gilfélagsins nánar út á hvað verkefnið gengi;
„Þessi sýning verður eina helgi. Sýningargestir taka þátt í sýningunni með því að búa til sýnar eigin sjálfsmyndir úr hinu og þessu. Settar verða upp vinnustöðvar þar sem fólk getur klippt til og raðað saman plasti, pappa, og þvílíku og sett saman úr því myndverkið. Það verða 5 myndlistarmenn sem opna sýninguna, sýna sínar sjálfsmyndir og þeir velja síðan skemmtilegustu myndina sem fær endurvinnslusett fyrir flokkun á heimilinu. Þetta er mjög skemmtileg hugmynd þar sem allir geta tekið þátt og tekið síðan selfie á símann sinn, sent á Facebook/Instagram og síðan verður valin skemmtilegasta myndin eins og áður sagði. Með þessari sýningu vill Gilfélagið hvetja til flokkunar á rusli og jafnframt til endurnýtingar. Og að lokum gefa öllum sem koma á sýninguna tækifæri til að taka þátt og minna á að allir geta búið til myndlist úr því sem til fellur,“ segir Thora.
Stefnt er á að sýningin og vinnustofan fari fram um Verslunarmannahelgina./EPE
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.