Gamla Linda Steikhús býður auðvitað Lindubuff!
Það er Veisluþjónustan ehf sem á og mun reka þennan nýjasta veitingastað í bænum, en á bak við það félag standa Júlía Skarphéðinsdóttir kokkur, og Erlingur Örn Óðinsson þjónn. Þau hafa rekið fyrirtækið til fjölda ára og eru gjörkunnug í bransanum. Júlía segir að á veitingastaðnum verði rými fyrir um það bil 70 gesti í sætum, en að auki munu þau hafa yfir að ráða tveimur sölum á annarri hæð hússins, þar sem Tónlistaskólinn á Akureyri var áður með sína starfsemi. Annar þeirra tekur 30 til 40 manns í sæti og hinn allt að 120 manns. Salirnir verða leigðir út til veisluhalda af ýmsu tagi, til funda og ráðstefna, en eins er fyrirhugað að vera með jólahlaðborð þar þegar tími þeirra rennur upp.
„Við munum leggja áherslu á norðlensk matvæli, en matseðillinn er í vinnslu þessa dagana ásamt ýmsu öðru sem gera þarf áður en opnað er," segir hún en getur þess að þegar sé komið nafn á einni af glæsilegri steikunum sem í boði verður, „við verðum að sjálfsögðu með Lindubuff," segir hún. Júlía segir að vissulega sé mikil samkeppni á markaðnum á Akureyri og fyrir sé fjöldi veitingahúsa, en það sé af hinum góða og fólk vilji ávallt hafa val. „Það er gaman að því hversu duglegt fólk er að lyfta sér upp, Akureyringar fara í auknum mæli út að borða og í bænum er ævinlega mikill fjöldi ferðamanna, þannig við erum bara bjartsýn á að þetta muni ganga vel," segir Júlía.
Nýjast
-
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar. -
Heitaloftsþurrkun fiskafurða á Laugum Starfsleyfi framlengt til 15. nóvember
Starfsleyfi Samherja fyrir heitaloftsþurrkun fiskafurða á Laugum í Reykjadal verður framlengt um 6 mánuði og gildir til 15. nóvember næstkomandi. Heilbrigðisnefnd Norðurlands hefur samþykkt framlengt starfsleyfi. -
Grófin fær styrk
Grófin Geðrækt á Akureyri hefur fengið styrk frá Rafiðnaðarsambandi Íslands upp á 500 þúsund krónur. -
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing.
