Gamla fréttin: Hvalaskoðun vinsæl á heimsvísu
Gamla fréttin að þessu sinni er úr Morgunblaðinu og birtist fimmtudaginn 20. júní 1996. Fréttin segir frá tveimur Þjóðverjum, blaðamanni og ferðaskrifstofueiganda sem komu til Húsavíkur og fóru í Hvalaskoðun í árdaga þeirrar greinar á Íslandi. Þeir spá því að greinin geti dafnað vel. /epe
„HVALASKOÐUN getur orðið íslandi meira virði í peningum en hvalveiðar," segir Ralf Kiefner, sem er þýskur blaðamaður og ljósmyndari, en hann hefur verið með nokkrum Þjóðverjum að kanna aðstæður á Íslandi til hvalaskoðunar.
Kiefner hefur sérhæft sig í ljósmyndum dýra og ferðast af því tilefni víða um heiminn, einkum hefur hann myndað og skrifað um hvali. Hann segir að 4,6 milljónir manna hafi farið í hvalaskoðun árið 1994 í heiminum, og hefur hann sjálfur heimsótt staði sem undanfarin ár hafa verið í mikilli uppsveiflu vegna áhuga ferðamanna á að skoða hvali í sjónum.
„Mér líst mjög vel á aðstæður hér til að skoða hvali," segir hann, „þær eru ekki ósvipaðar og á stöðum sem hafa gert það gott í hvalaskoðun."
Hann segir að í Buenos Aires í Argentiu hafi 34 þúsund farið í hvalaskoðun árið 1993, og nefnir staði sem hafa tvöfaldað fjölda ferðamanna í hvalaskoðun á einu til tveimur árum.
Með honum í för var þýskur ferðaskrifstofueigandi, Frank Wirth, sem hefur selt ferðir í hvalaskoðun á fjölmarga staði í heiminum og er nú að skoða aðstæður hér. Eins og Kiefner líst honum mjög vel á ísland sem góðan hvalaskoðunarstað.
Páll Þór Jónsson hótelstjóri á Húsavík hefur aðstoðað þá og segir hvalaskoðun nýjan möguleika í að laða erlenda ferðamenn til landsins, sem ætti að vera raunhæfur. Hann á til dæmis von á tveimur hópum frá Bretlandi sem koma hingað gagngert til að skoða hvali.
Byrjað var að fara í hvalaskoðun frá Húsavík á síðasta ári og keyptu 1.500 sér far til þess. Núna stefnir í miklu hærri tölu.
Nýjast
-
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu. -
Aðalfundur Framsýnar karlmenn 62% félagsmanna
Karlmönnum hefur fjölgað í Framsýn, stéttarfélagi undanfarin ár. Þar hefur líkast til mest áhrif að meirihluti starfsfólks PCC á Bakka eru karlmenn. Verksmiðjan hóf starfsemi árið 2018. -
Rúm milljón til Krafts frá MA-ingum
Ár hvert heldur skólafélagið Huginn góðgerðaviku í þeim tilgangi að styrkja gott málefni. Að þessu sinni var valið að styrkja Kraft, stuðningsfélag fyrir ungt fólk sem greinst hefur með krabbamein og aðstandendur og söfnuðust alls 1.086.000 kr. -
April metmánuður í farþegaflutningum á Akureyrarflugvelli
Frá þvi segir á Facebook vegg Akureyrarflugvallar að nýliðinn mánuður hafi verið sá metmánuður í farþegaflutningum um völlinn. -
Harmonikudagurinn í Hofi á sunnudagur
„Harmonikan er heillandi hljóðfæri. Það má segja að draumur okkar um að heiðra hljóðfærið rætist og því verður gert hátt undir höfði á Harmonikudeginum sem haldinn verður næsta sunnudag, 4. maí með glæsilegum tónleikum í Menningarhúsinu Hofi á Akureyri,“ segir Hrund Hlöðversdóttir sem ásamt Agnesi Hörpu Jósavinsdóttur hefur unnið að undirbúningi viðburðarins. -
Stöður skólameistara við VMA og Framhaldsskólans á Húsavík auglýstar
Mennta- og barnamálaráðuneytið auglýsti í dag lausar til umsóknar stöður skólameistara við Verkmenntaskólann á Akureyri (VMA) og Framhaldsskólann á Húsavík. Umsóknarfrestur er til og með 14. maí n.k. -
Þrjú verkefni í Þingeyjarsveit hlutu styrk úr Framkvæmdasjóði ferðamannastaða
Hanna Katrín Friðriksdóttir atvinnuvegaráðherra úthlutaði styrkjum úr Framkvæmdasjóði ferðamannastaða 30 april s.l. -
Vilja klára byggingu Standgötu 1
Á fundi skipulagsráðs Akureyrarbæjar á dögunum var lagt fram erindi Kristjáns Þórs Júlíussonar fyrir hönd eigenda Strandgötu 1 ehf dagsett 31. mars 2025 vegna áforma eigenda um stækkun núverandi húss að Strandgötu 1.
