Gæti þurft að loka Sundlauginni í Lundi
Sundlaugin í Lundi. Mynd/ Norðurþing
Komin er upp sú staða í Lundi í Öxarfirði að til greina kemur að sundlaugin á staðnum verði ekki opin almenningi í sumar; vegna þess að ekki hefur fengist starfsfólk við laugina. Búið er að auglýsa eftir starfsfólki í auglýsingamiðlum á svæði Norðurþings og á Eyjafjarðarsvæðinu en enn hefur engin umsókn skilað sér inn til sveitarfélagsins.
Æskulýðs- og menningarnefnd Norðurþings fjallaði um stöðuna á fundi sínum í gær, þriðjudag. Nefndin vísaði málinu til byggðaráðs og leggur til að kannað verði að leigja út rekstur laugarinnar.
„Nefndin er eiginlega komin á endastöð, það fæst ekki starfsfólk og þá nær málið ekki lengra,“ segir Kjartan Páll Þórarinsson, tómstunda- og æskulýðsfulltrúi hjá Norðurþingi en hann er jafnframt ábyrgðarmaður fyrir rekstri Sundlaugarinnar í Lundi. Hann segir að nauðsynlegt sé að fylga lögum og reglugerðum um sundstaði sem eru mjög strangar. Kjartan bendir m.a. á að vegna meðaltalsgestafjölda sundlaugarinnar sé skylda að hafa tvo starfsmenn á vakt hverju sinni. „Þetta er mjög leiðinleg staða sem komin er upp,“ segir Kjartan.
Varðandi hugmyndir um að leigja út reksturinn segir Kjartan að horft hafi verið til þess að það hafi áður verið gert í sveitarfélaginu þegar rekstur Sundlaugarinnar í Heiðarbæ var leigður út. „Það er í sjálfu sér verið að leita allra leiða til að halda sundlauginni opinni,“ segir hann.
Sumaropnun Sundlaugarinnar í Lundi er í raun hafin með skólasundi fyrir börn úr Lundaskóla. Ef allt væri eðlilegt myndi sundlaugin opna fyrir almenning í júní og vera opin út ágúst en það er sem sagt í uppnámi eins og staðan er í dag.
Bókun æskulýðs- og menningarnefndar:
Æskulýðs- og menningarnefnd harmar það að enginn skuli sýna störfum í sundlauginni áhuga.
Miðað við núverandi stöðu er því ekki hægt að hafa sundlaugina opna.
Æskulýðs- og menningarnefnd vísar málinu til Byggðarráðs og leggur til að kannað verði að leigja út rekstur laugarinnar líkt og fordæmi eru fyrir annarstaðar í sveitarfélaginu. Nefndin telur það mikilvægt að kannaðar verði allar mögulegar leiðir til að tryggja sumaropnun sundlaugarinnar í Lundi.
Nýjast
-
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu.