Fyrsta skóflustungan að Konnasafni í Hörgársveit tekin í dag
Valgerður Sigurbergsdóttir matráðskona hjá verktakafyrirtækinu Skútabergi á Akureyri, tók í dag fyrstu skóflustunguna að Vinnuvélasafni Konráðs Vilhjálmssonar, að viðstöddu fjölmenni. Safnið verður reist til minningar um eiginmann Valgerðar og mun rísa á Moldhaugnahálsi norðan Akureyrar, í landi Skúta. Valgerður, sem jafnframt fagnar 70 ára afmæli sínu í dag, naut aðstoðar Guðmundar Sigvaldasonar sveitarstjóra í Hörgársveit við skólfustunguna.
Guðmundur sveitarstjóri lýsti yfir ánægju með þetta framtak og sagðist jafnframt vona að uppbygging þessi gengi bæði hratt og vel. Konnasafn er reist til minningar um Konráð Vilhjálmsson, sem lést í febrúar sl. Safnið er reist af fyrirtækinu Skútabergi, sem er í eigu fjölskyldunnar. Þór Konráðssonar, sonur þeirra Valgerðar og Konráðs, segir að í fyrsta áfanga verði reist um 60 fermetra gestamóttaka. Safnið sjálft verður gríðarlega stórt, um 275 metrar að lengd í suðaustur og 100 metrar til viðbótar í vestur. Þór segir að hugmyndin sé að nota golfbíla í safninu, þannig að t.d. eldra fólk geti ekið um það. Hann segir að það taki 4-5 ár að reisa safnið en varðandi kostnað segir Þór að menn hugsi sem minnst um hann.
Þór segir að faðir þeirra hafi byrjað að safna vinnuvélum fyrir mörgum árum og að safnið hafi stækkað jafnt og þétt. Hann segir að í nokkur ár hafi verið í aðal- og deiliskipulagi um 5.000 fermetra húsnæði ásamt gestamóttöku á þessum stað. "Við fengum samþykkt deiliskipulag fyrir þetta hús en faðir okkar féll frá í febrúar og við erum að fylgja eftir því sem hann var búinn að móta. Við fengum byggingarleyfið í gær og því var ekki um annað að ræða en að koma hlutunum af stað. Mamma er sjötug í dag og það hefur líka sitt að segja með þessa dagsetningu," sagði Þór.
Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
