Fyrsta bókin um fálka hér á landi
„Ég myndaði fyrst fálka við hreiður í Mývatnssveit sumarið 2000 og varð þá gjörsamlega heillaður af þessum fugli ásamt því stórbrotna landslagi sem hann lifir í á Norðurlandi. Ég myndaði síðan fálka af og til næstu árin en það var ekki fyrr en árið 2009 að sú hugmynd að gera bók kviknaði,“ segir Daníel Bergmann ljósmyndari og höfundur bókarinnar Fálkinn, en hún er nýkomin út. Daníel býður áhugasömum upp á fyrirlestur í Safnaðarheimili Akureyrarkirkju í dag, fimmtudaginn 17. nóvember og hefst hann kl. 20.
Í fyrirlestrinum sýnir hann myndir úr bókinni og fjallar um tilurð þeirra. Hann segir sögur nokkurra fugla sem við sögu koma og fjalla einnig um sögu fálkaljósmyndunar fyrir sinn tíma. Áhugasamir geta orðið sér úti um áritað eintak af bókinni.
Daníel segir að til að gera fálkanum skil í ljósmyndum sé ekki nægilegt að mynda við hreiður hans að sumarlagi. Veturinn sé stór þáttur í lífshlaupi staðfugla á Íslandi. „Ég fór norður í Mývatnssveit þar sem ég þekkti til á fálkaóðali, og dvaldi þar í nokkrar vikur frá miðjum mars og fram í apríl. Ég endurtók þetta nokkur ár í röð og smám saman varð til safn mynda sem sýndu þá ólíku þætti sem ég var að leita eftir. Fuglana í vetrarríkinu, ýmiss konar atferli þeirra og nærmyndir af fálkum á snævi þöktum setstöðum,“ segir Daníel.
Það var ekki fyrr en á árinu 2021 sem hann var orðinn sáttur við myndefnið og hófst handa við að setja bókin saman. Auk ljósmynda af fálkum, sem bera bókina uppi, er töluverður texti um líf- og vistfræði fálkans ásamt ýmsum reynslusögum, bæði eigin sögum og annarra. Einstöku sambandi fálkans og rjúpunnar, sem er hans meginbráð eru einnig gerð skil í bókinni. Alls eru í bókinni ljósmyndir sem spanna nær 23 ára tímabil, frá því fyrsta fálkamyndin var tekin og þar til verkið var klárt til prentunar. Parið í Mývatnssveit leikur stór hlutverk en það koma fleiri við sögu enda eru í henni ljósmyndir af 30 mismunandi fálkum og nokkrum ungum að auki.
Langir dagar í felutjaldi
Daníel hefur aðallega tekið fálkamyndir sínar á Norðurlandi, mest í Bárðardal og austur í Kelduhverfi. Óvíða er meira af rjúpu en á þessu landsvæði og því er þar einnig mest af fálkum. „Til að taka myndir af ránfuglum líkt og fálkum, sem kæra sig lítið um nærveru fólks, þá er ekki nóg að notast við öflugar aðdráttarlinsur heldur þarf oftast að fela sig á einhvern hátt. Ég hef mikið notað lítil felutjöld sem fljótlegt er að skella upp og í slíkum tjöldum hef ég margoft setið langa daga og beðið eftir að fálki komi og setjist á ákveðinn stað. Mér tókst einnig að vinna traust fálkaparsins sem ég myndaði mest með því að koma á óðalið þeirra ár eftir ár, alltaf eins klæddur og bar mig eins að. Ég er viss um að þau voru með tímanum farin að þekkja mig og ég gat athafnað mig í nærveru þeirra án þess að valda þeim styggð. Önnur leið til að fela sig er að mynda út um bílgluggann en fuglar hafa oftast meira þol fyrir bíl en gangandi manneskju. Þannig hef ég geta komist að fálkum sem ég hef séð nálægt bílvegum. En lykilinn að bók sem þessari er tíminn því það tekur einfaldlega langan tíma að safna jafn fjölbreyttu myndefni og í henni er að finna,“ segir Daníel sem fljótt tók þá stefnu að birta sem minnst af fálkamyndum sínum þannig að þær kæmu fyrst fyrir sjónir almennings í bókinni.
Fuglaskoðarar streyma til landsins í von um að sjá fálka
Hann segir að ekki hafi áður verið gefin út bók um fálkann, þó svo hann sé nokkurs konar ókrýndur þjóðarfugl Íslendinga. „Fálkinn er stærsti fulltrúi fálkaættarinnar og sá fálka sem lifir nyrst á jörðinni. Hann byggir löndin allt umhverfis Norðurpólinn. Hér eru á milli 300-400 pör af fálkum og það er líklega ekki nema um 5% af heildarstofninum. En það er eflaust hvergi jafn líklegt að sjá fálka eins og á norðanverðu Íslandi og aðgengi til þess betra en annars staðar. Fuglaskoðarar streyma af þeirri ástæðu til landsins á hverju sumri í þeirri von að fá þann draum sinn uppfylltan að sjá fálka.“
Nýjast
-
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja. -
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára.
Athugasemdir