Fullkomið kvikmyndahljóðver í Hofi vígt í haust
Í Hofi verður fullbúið kvikmyndahljóðver. Mynd/Auðunn Níelsson
Upptökur á tónlist við eitt stærsta kvikmyndaverkefni Íslandssögunnar til þessa fer fram í Hofi á Akureyri í september í glænýju hljóðveri sem verður vígt við það tilefni. Um er að ræða tónlist eftir Atla Örvarsson tónskáld við myndina „Lói þú flýgur aldrei einn“, sem verður ein allra dýrasta íslenska myndin sem gerð hefur verið en framleiðslukostnaður myndarinnar nemur rúmum milljarði króna. Myndin er teiknimynd og er framleidd í samvinnu við belgíska myndbrellufyrirtækið Cyborn og hefur myndin þegar verið seld til 30 landa.
Þetta verður sjötta kvikmyndaverkefnið sem MAk kemur að. Þorvaldur Bjarni Þorvaldsson, tónlistarstjóri MAk, segir í samtali við Vikudag að hljóverið verði afar fullkomið.
„Þetta er mjög spennandi verkefni og verður gaman að nota í fyrsta sinn „brúnna í togaranum “, sem er kontrólherbergi, eða hljóðver sem Akureyrarbær hefur lagt okkur lið við að koma upp undanfarin ár í samvinnu við Atla Örvarsson og Tónlistarskálann á Akureyri,“ segir Þorvaldur Bjarni. „Hingað til hefur kontrólherbergið verið í einu af herbergjum tónlistarskólans en það hentar skólastarfsemi illa, því það verður þá að stöðva kennsluna á meðan upptökum stendur Tónlistarskólinn á Akureyrar hefur reyndar stutt þetta verkefni með ráð og dáð síðustu árin og kemur til með að njóta góðs af nærverunni við hljóðverið og starfsemina sem þar fer fram. Í september verður hér í Hofi fyrsta flokks aðstaða fyrir framleiðendur, leikstjóra og tónskáld hvaðan að úr heiminum sem vilja nýta sér svona þjónustu,“ segir Þorvaldur. „Þá verður allt orðið klárt og við getum auglýst aðstöðu á heimsmælikvarða, það skapar ákveðna möguleika.“
Þorvaldur segir MAk hafa hugsað stórt frá upphafi en þremur mánuðum eftir stofnun var fyrsta kvikmyndaverkefninu ýtt úr vör. „Þetta hefur gengið ljómandi vel og gengur vonandi enn betur með tilkomu betri hljóðvistar,“ segir Þorvaldur og bætir við að útsýnið úr hljóðverinu spilli ekki fyrir. „Fólk horfir yfir fallegan Eyjafjörðinn sem getur hæglega verið „innspírerandi“ fyrir þá sem þar vinna.“
Upptökuverkefnin á vegum MAk hafa verið undir merki ACO hingað til en verða nú undir nafninu SinfoniaNord. „Þannig tengjum við verkefnið betur við Sinfóníuhljómsveit Norðurlands,“ segir Þorvaldur.
Nýjast
-
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu.