FSA boðar til borgarafundar
Þorvaldur Ingvarsson fer fyrir þessari stefnumótunarvinnu en hann kynnti hana m.a. á ársfundi spítalans fyrir skömmu.: “Eftir að hafa horft örstutt um öxl er kominn tími til að horfa fram á við,” sagði Þorvaldur í ræðu sinni á ársfundinum. “Hér á spítalanum höfum við mikinn mannauð sem við ætlum að virkja til að vinna með okkur í mótun nýrrar framtíðarsýnar og stefnu fyrir FSA. Við viljum tileinka okkur ný vinnubrögð þar sem við erum opin fyrir breytingum og viljum tryggja öryggi sjúklinga og starfsumhverfi okkar. Við þurfum að vinna betur saman til þess að nýta betur verðmæti og fjármuni í þágu samfélagsins. Aukið samstarf við heilbrigðisstofnanir á Norður og Austurlandi svo og við Landspítalann er lykilatriði.”
Hann sagði að í nýrri framtíðarsýn kæmu örugglega fram nýjar áherslur. “Fagrýni getur leitt til þeirrar niðurstöðu að við getum ekki haldið úti öllum sérgreinum eða þurfum að taka upp nýja þjónustu. Víðtæks samráðs er þörf. Meginatriði er að tryggja þjónustu við sjúklinga á landsbyggðinni.”
Þorvaldur sagði að í vinnu við nýja framtíðarsýn verði leitað upplýsinga og hlustað á raddir sem flestra hagsmunaaðila svo sem sjúklingasamtaka, starfsfólks og stjórnvalda og er borgarafundurinn annað kvöld liður í því samráði. Forstjóri hefur átt fundi með starfsmönnum og stefnt er að því að allir geti komið sínum sjónarmiðum á framfæri.
Nýjast
-
Húsfriðunarsjóður Akureyrar Aðalstræti 54 og 54a fá viðurkenningu
Húsin við Aðalstræti 54 og 54a, og eigendur þeirra, hlutu viðurkenningu Húsverndarsjóðs Akureyrar árið 2025 fyrir viðgerðir á síðustu árum sem gerðar hafa verið í góðu samræmi við aldur og gerð húsanna. -
Bærinn getur ekki aðstoðað
Bæjarráð Akureyrar getur ekki orðið við erindi frá gönguhópnum Club 1010. Hópurinn skoraði á Akureyrarbæ að aðstoða Félag eldri borgara á Akureyri um kaup á húsnæði við Hólabraut þar sem áður var ÁTVR fyrir starfsemi félagsins. Húsnæðið er við Hólabraut. Starfsemi Vínbúðarinnar var flutt á Norðurtorg en til stendur að selja húsið við Hólabraut. -
Hagnaður af rekstri Sparisjóðs Þingeyinga 179 milljónir króna
Aðalfundur Sparisjóðs Þingeyinga var haldinn 28. apríl s.l. á Fosshótel Húsavík. Rekstur Sparisjóðsins gekk vel á síðasta ári, hagnaður af starfseminni var 226 milljónir króna fyrir skatta og hagnaður eftir skatta var 179 milljónir króna. Um síðustu áramót voru heildareignir sparisjóðsins 14,7 milljarðar króna og hafa aukist um 1.553 milljónir á milli ára. Innlán voru á sama tíma um 12,8 milljarðar. Eigið fé sparisjóðsins var 1,5 milljarður í árslok og lausafjárstaða er sterk. -
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar. -
Heitaloftsþurrkun fiskafurða á Laugum Starfsleyfi framlengt til 15. nóvember
Starfsleyfi Samherja fyrir heitaloftsþurrkun fiskafurða á Laugum í Reykjadal verður framlengt um 6 mánuði og gildir til 15. nóvember næstkomandi. Heilbrigðisnefnd Norðurlands hefur samþykkt framlengt starfsleyfi. -
Grófin fær styrk
Grófin Geðrækt á Akureyri hefur fengið styrk frá Rafiðnaðarsambandi Íslands upp á 500 þúsund krónur. -
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag.
