Frídagur hinnar deyjandi stéttar
Frídagur sjómanna var á sunnudag fyrir rúmri viku. Á Húsavík var lítið um hátíðarhöld og dagurinn leið eins og hver annar sunnudagur. Covid 19 faraldurinn hefur þar eflaust eitthvað að segja. Þó má ekki má líta fram hjá því að sjóssókn frá Húsavík er hvorki fugl né fiskur miðað við það sem áður var ef frá er talin útgerð hvalaskoðunarbáta. Smábátaútgerð er sáralítil og nýliðun í greininni er nánast engin, enda er hún ömöguleg án aflaheimilda. Ef ekki væri fyrir útgerð GPG væri nánast engin fiskiútgerð á Húsavík.
Fyrir skemmstu barst svar við erindi Norðurþings til sjávarútvegs- og landbúnaðarráðherra um byggðakvóta á Kópaskeri. Sveitarstjóri hafði óskað eftir reglugerðarbreytingu svo úthluta megi sértækum byggðakvóta til Kópaskers á grundvelli byggðaátaksverkefnisins Brothættar byggðir; Öxarfjörður í sókn. Við brotthvarf Vísis hf. frá Húsavík árið 2014 hurfu um 60% af aflaheimildum Húsavíkur án þess að ríkið gerði nokkuð í málinu í kjölfarið. Margir smærri aðilar seldu sinn kvóta í burtu á sama tíma, og allur byggðarkvóti hvarf frá Húsavík.
Nær engin byggðarkvóti er á Kópaskeri. Afli sem kæmi að landi á Kópaskeri yrði unnin á staðnum og því gríðarlegt hagsmunamál fyrir þessar brothættu byggðir.
Svar Kristjáns Þórs Júlíussonar, ráðherra sjávarútvegsmála var þunnt. Bent var á að ráðstöfun sértæks byggðakvóta sé alfarið á höndum Byggðastofnunar. Samkvæmt upplýsingum frá Byggðastofnun þá eru þær aflaheimildir sem ráðstafað er til sértæks byggðakvóta fullnýttar skv. þeim samningum sem Byggðastofnun hefur gert. Það er því ekki útlit fyrir að Kópasker fái úthlutað sértækum byggðakvóta á næstunni og þorpinu blæðir út á meðan.
Ágætur smábátasjómaður af svæðinu sagði mér fyrir skemmstu að þetta væri sagan endalausa. Ríkið og Byggðastofnun hefðu lengi leikið þann leik að benda á hvort annað og enginn tekur ákvarðanir sem geta hjálpað byggðunum. Sami sjómaður spurðist fyrir hjá byggðastofnun fyrir nokkru síðan af hverju sértækum byggðakvóta væri ekki úthlutað á Kópaskeri. Svarið var einfalt; það hafði aldrei verið beðið um hann.
Er það virkilega svo að sveitarstjórn hafi hreinlega ekki haft áhuga á að fá þessar aflaheimildir inn í brothættu byggðirnar? Snýst verkefnið um Brothættar byggðir eingöngu um frumkvöðlastarfsemi sem er hipp og kúl? Frumkvöðlastarfsemi er að sjálfsögðu af hinu góða og vonandi verður hún sem mest. En með því að eyða púðri í grunnatvinnuvegina sem þorpin hafa byggst á hljótum við að búa til lífvænlegra umhverfi fyrir hverskyns frumkvöðlastarfsemi til að þrífast í.
Pistillinn birtist fyrst í Vikublaðinu á fimmtudag
Egill P. Egilsson
Nýjast
-
Mikil aukning á hótunum og beitingu á ofbeldi gagnvart lögreglu á Norðurlandi eystra.
,,Það er ljóst að það að hér er um grafalvarlega stöðu að ræða. Svar dómsmálaráðherra við fyrirspurninni sýnir okkur að þróunin á starfssvæði lögreglustjórans á Norðurlandi eystra er með þeim hætti að það er nauðsynlegt að bregðast við. Það er mikilvægt að greina þessa stöðu. Hver er ástæðan fyrir þessari miklu fjölgun á brotum gegn lögreglumönnum og opinberum starfsmönnum á þessu landsvæði það er Norðurlandi eystra“ segir Njáll Trausti Friðbertsson þingmaður og oddviti Sjálfstæðisflokksins í Norðausturkjördæmi. -
Boðskapur frá forsetaframbjóðanda
Það hafa kannski margir klórað sér í hausnum yfir þátttöku minni í forsetakosningunum þar sem ég stíg nú eins og landkönnuður á nýjum slóðum og tek með mér ný og fersk sjónarhorn, smá húmor og djúpstæða trú á mátt hins ómögulega. Ég er eflaust ekki hinn hefðbundni frambjóðandi en ég er án efa ferskur blær inn í flokk frambjóðenda og það er einmitt það sem gerir þetta stóra verkefni svo skemmtilegt og hvetjandi. -
Líf að færast í Holtahverfi
Líf er að færast í nýtt Holtahverfi norður, svæði á milli Krossanesbrautar og smábátahafnar í Sandgerðisbót. Húsin rísa hvert á fætur öðru og fyrstu íbúarnir hafa komið sér fyrir í nýjum íbúðum. Enn er eitthvað eftir af lóðum og er Akureyrarbær um þessar mundir að auglýsa par- og raðhúsalóðir lausar til úthlutunar, en m.a. eru nokkrar lóðir lausar við Álfaholt, Hulduholt og Þursaholt. -
Frú Ragnheiður - Færri í nálaskiptaþjónustu en fleiri komu í bílinn
Fjöldi einstaklinga sem leitaði til Frú Ragnheiðar árið 2023 var 51 í 584 heimsóknum en árið 2022 voru einstaklingarnir 46 í 412 heimsóknum. Af þessum fjölda voru 10 viðbragðsaðilar og einstaklingar sem leituðu til verkefnisins til að fá Nyxoid nefúðann. Ekki er því um fjölgun skjólstæðinga í nálaskiptaþjónustu að ræða en þeim fækkaði um fimm milli ára, úr 46 í 41. -
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega.
Athugasemdir