Fresta breytingum á bílaumferð í Göngugötunni
Mikil andstaða hefur verið meðal atvinnurekenda í miðbæ Akureyrar við aðgerðir er snúa að því að takmarka bílaumferð í Göngugötunni. Aðgerðunum sem taka áttu gildi 1. júní, hefur nú verið frestað vegna þessa.
Skipaður var vinnuhópur fólks á síðasta ári til að móta tillögur um lokun Göngugötunnar fyrir bílaumferð. Hópurinn samanstóð af fólki víða að úr samfélaginu á Akureyri. Engar reglur hafa hingað til verið settar, heldur hafa lokanir verið háð mati í hvert sinn. Veður og komur skemmtiferðaskipa hafa verið algeng viðmið. Vinnuhópnum var ætlað að móta skýrari viðmið til að fara eftir við lokanir.
Vinnuhópurinn komst að þeirri niðurstöðu að loka ætti götunni fyrir bílaumferð allar helgar í júní og ágúst, milli kl. 11 og 17, og á sama tíma alla daga í júlí. Lokununum var ætlað að bæta ásýnd miðbæjarins með því að fjölga gangandi vegfarendum. Gerð var könnun sem sýndi fram á að lokun hefði engin áhrif á almennt umferðarflæði. Einnig hefur það sýnt sig að meirihluti Akureyringa er hlynntur frekari takmörkun á bílaumferð. Bæjarstjórn fékk tillögur vinnuhópsins inn á borð til sín og áttu að taka gildi um næstu mánaðamót.
Verslunar- og veitingamenn mótmæltu
Þessu mótmæltu margir verslunar- og veitingahúsaeigendur í Göngugötunni. Þeir hafa lengi barist gegn því að takmarka þar bílaumferð. Þeir hafa m.a. sett af stað undirskriftasöfnun máli sínu til stuðnings. þeir eru ósáttir við að ekki hafi verið haft meira samráð við atvinnurekendur í miðbænum, þrátt fyrir að miðbæjarsamtökin á Akureyri hafi átt fulltrúa í vinnuhópnum.
Þessum mótmælum hefur verið komið til bæjarstjórnar. Gildistöku breytinganna verði því frestað svo atvinnurekendur í miðbænum fái tækifæri til að ræða þær betur. Stefnt er á að málið verði tekið upp í bæjarstjórn á ný 7. júní. Rúv sagði fyrst frá þessu. /epe.
Nýjast
-
April metmánuður í farþegaflutningum á Akureyrarflugvelli
Frá þvi segir á Facebook vegg Akureyrarflugvallar að nýliðinn mánuður hafi verið sá metmánuður í farþegaflutningum um völlinn. -
Harmonikudagurinn í Hofi á sunnudagur
„Harmonikan er heillandi hljóðfæri. Það má segja að draumur okkar um að heiðra hljóðfærið rætist og því verður gert hátt undir höfði á Harmonikudeginum sem haldinn verður næsta sunnudag, 4. maí með glæsilegum tónleikum í Menningarhúsinu Hofi á Akureyri,“ segir Hrund Hlöðversdóttir sem ásamt Agnesi Hörpu Jósavinsdóttur hefur unnið að undirbúningi viðburðarins. -
Stöður skólameistara við VMA og Framhaldsskólans á Húsavík auglýstar
Mennta- og barnamálaráðuneytið auglýsti í dag lausar til umsóknar stöður skólameistara við Verkmenntaskólann á Akureyri (VMA) og Framhaldsskólann á Húsavík. Umsóknarfrestur er til og með 14. maí n.k. -
Þrjú verkefni í Þingeyjarsveit hlutu styrk úr Framkvæmdasjóði ferðamannastaða
Hanna Katrín Friðriksdóttir atvinnuvegaráðherra úthlutaði styrkjum úr Framkvæmdasjóði ferðamannastaða 30 april s.l. -
Vilja klára byggingu Standgötu 1
Á fundi skipulagsráðs Akureyrarbæjar á dögunum var lagt fram erindi Kristjáns Þórs Júlíussonar fyrir hönd eigenda Strandgötu 1 ehf dagsett 31. mars 2025 vegna áforma eigenda um stækkun núverandi húss að Strandgötu 1. -
Akureyri - Mjög góð þátttaka í 1. maí hátíðarhöldum
Fjölmenni safnaðist saman á Akureyri fyrr í dag í góðu veðri til að taka þátt í kröfugöngu sem stéttarfélögin á Akureyri stóðu fyrir í tilefni af 1. maí, á alþjóðlegum baráttudegi verkafólks. Einnig var góð mæting í kaffiveislu á skrifstofu stéttarfélaganna í Fjallabyggð, þar sem Ína Sif Stefánsdóttir, starfsmaður Einingar-Iðju, flutti ávarp. -
Skólalóðin farin að láta á sjá
Foreldrafélag Giljaskóla, Réttindaráð Giljaskóla og Skólaráð Giljaskóla hafa óskað eftir samtali við Fræðslu- og lýðheilsuráð sem og Umhverfis og mannvirkjasvið um skólalóð Giljaskóla. -
Fjölmenni á hátíðarhöldum vegna 1 mai á Húsavík
Fjölmenni er á hátíðarhöldum verkalýðsfélagana á Húsavík en eins og venja er 1.mai er boðið í veglegt kaffisamsæti ásamt vönduðum tónlistarflutningi og kröftugum ræðum. -
Hljómsveitin Klaufar spilar á Norðurlandi
Hljómsveitin Klaufar sem spilar vandað kántrýpopp heldur í Norðurlands-túr 1. til 3. maí. Hljómsveitin spilar í fyrsta skipti á þeim magnaða tónleikastað Græna hattinum á Akureyri föstudaginn 2. maí.
