Framsókn gæti styrkt meirihlutann
Birgir Guðmundsson, dósent og stjórnmálafræðingur við Háskólann á Akureyri.
Birgir Guðmundsson, stjórnmálafræðingur við Háskólann á Akureyri var í viðtali á Morgunvaktinni á Rás 1 í morgun og fjallað er um á vef RÚV. Þar segir hann að stjórnarsáttmáli nýrrar ríkisstjórnar sé afar opinn fyrir túlkunum og ráðherrarnir hafi því ekki skýran leiðarvísi í störfum sínum.
„Þetta á líklega eftir að einkenna samstarfið, því nú þarf stjórnin og stjórnarflokkarnir að diskútera út og koma sér saman um alls kyns mál,” segir hann.
Birgir segir jafnframt að aflandsskýrslumál Bjarna Benediktssonar sé afar klaufalegt og komi á slæmum tíma. En eins og kunnugt er skilaði Bjarni ekki inn skýrslu um aflandseignir Íslendinga til kynningar fyrr en þremur mánuðum eftir að hún var kynnt honum og tæpum fjórum mánuðum eftir að henni var skilað inn til ráðuneytis hans. Bjarni hefur þurft að sitja undir mikilli gagnrýni vegna þessa og bent hefur verið á að hefði skýrslan verið lögð fyrir þingið fyrir kosningar hefðu úrslit kosninganna mögulega getað orðið önnur.
Framsókn fjórði flokkur?
Birgir heldur því fram í viðtalinu að möguleikinn á því að taka Framsóknarflokkinn inn í ríkisstjórn sem fjórða flokk síðar á kjörtímabilinu sé raunhæfur kostur. „Það er alveg þekkt að slíkt gerist þegar þú ert með knappan meirihluta. Það gerði Steingrímur Hermannsson til dæmis þegar hann tók Borgaraflokkinn inn. Ég held að það sé að mörgu leyti kostur í þessari stöðu,“ segir hann og bendir á að stjórnarandstöðuflokkarnir hafi verið að brýna gagnrýnisraddir sínar undanfarið á meðan að Framsóknarflokkurinn hafi talað á jákvæðari nótum um nýja stjórnarsamstarfið.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.