Framkvæmdastjóri Norðlenska segir nauðsynlegt að skera upp landbúnaðarkerfið
Hann segir að gagnsætt kerfi sé lykillinn að trúverðugleika. "Kerfinu hefur verið breytt verulega á undanförnum árum, en í umræðunni megum við ekki gleyma því að allar aðrar vestrænar þjóðir styrkja sinn landbúnað verulega. Við getum ekki talað eins og allir eigi að lifa af verðbréfum og aðrar þjóðir færi okkur matvæli á silfurfati. Veruleikinn er ekki þannig."
Sigmundur segir að gangi Ísland í Evrópusambandið verði gríðarlegar breytingar á landbúnaði og hann telur að aðild komi landsbyggðinni ekki til góða þegar á heildina sé litið. "Ég held að það sé ekki ríkt í Íslendingum að lifa nánast eingöngu á styrkjum. Vonandi standa stjórnmálamenn við gefin loforð um að almenningur fái að kjósa um hugsanlega aðild og ég hef enga trú á því að landinn kjósi sambandið yfir sig."
Norðlenska er eitt stærsta og öflugasta framleiðslufyrirtæki landsins á sviði kjötvöru og með starfsemi á Akureyri, Húsavík, Höfn í Hornafirði og í Reykjavík. Starfsmenn eru að jafnaði um 200 talsins. Sigmundur segir að gert sé ráð fyrir hagnaði á þessu ári og að veltan verði hátt í 5 milljarðar króna.
„Rekstrarumhverfið í greininni hefur síður en svo verið hagfellt. Hjá sauðfjárbændum hafa nánast öll aðföng hækkað gríðarlega, nærtækast er að nefna olíuna. Flutningskostnaðurinn hefur sömuleiðis hækkað mikið og gengisskráning íslensku krónunnar hefur bitnað hart á bændum. Vaxtastigið var mjög hátt sem kom auðvitað mjög við rekstur allra og síðast en ekki síst nefni ég að hér ríkir fákeppni á smásölumarkaði. Þrjár verslanakeðjur ráða yfir 90 % af markaðnum, sem auðvitað er mikið óhagræði fyrir greinina í heild sinni."
Sigmundur segir að afurðastöðvum og kjötvinnslum eigi örugglega eftir að fækka eitthvað í framtíðinni. "Þótt Norðlenska sé eitt stærsta fyrirtæki sinnar tegundar á Íslandi, teljumst við vera örfyrtæki í Evrópu. Við erum til dæmis að framleiða um 700 vörunúmer, ef við værum hins vegar í öðru Evrópulandi væru vörunúmerin líklega sjö. Hérna verðum við að nýta allt hráefni sem til fellur, sérhæfing okkar felst í því. Það er mjög svo kostnaðarsamt að uppfylla kröfurnar sem markaðurinn og hið opinbera gera til starfsemi slíkra fyrirtækja. Við hjá Norðlenska teljum okkur vera nokkuð vel sett hvað varðar evrópska staðla," segir Sigmundur.
Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
