Frábært að sjá afrakstur margra ára vinnu skila sér
„Það er frábært að sjá afrakstur af vinnu margra síðustu ára skila sér í auknum umsvifum í ferðaþjónustu á Norðurlandi yfir veturinn.,“ segir Hjalti Páll Þórarinsson verkefnastjóri Flugklasans Air 66N. Beint millilandaflug til Akureyrar er nú í gangi frá, London, Zurich í Sviss og Amsterdam í Holllandi.
„Flug easyJet frá London, ásamt leiguflugum Voigt Travel frá Hollandi og Kontiki frá Sviss, styrkja norðlenska vetrarferðaþjónustu verulega og eru hvatning til áframhaldandi uppbyggingar og þróunar. Norðurland er frábær vetraráfangastaður og þessi beinu flug eru grundvöllur þess að hægt sé að nýta framtíðar tækifæri í ferðaþjónustu að vetrarlagi," segir hann.
Flug easyJet til London hefur gengið vel í vetur, en boðið er upp á flug milli Akureyrar og London tvisvar í vikur, á þriðjudögum og laugardögum. Sætanýting hefur verið góð samkvæmt upplýsingum frá Markaðsstofu Norðurlands og hefur easyJet þegar ákveðið að halda áfram sömu áætlun næsta vetur. EasyJet mun fljúga á milli þessara áfangastaða þar til 30. mars, og hefja flug á ný 29. október.
Helmingur seldra sæta keypt af heimafólki
Íslendingar hafa verið duglegir að nota flug easyJet og u.þ.b. helmingur seldra flugsæta hafa verið keypt af heimafólki. Hin sætin fylla breskir ferðamenn og er áhrifa heimsókna þeirra þegar farið að gæta hjá ferðaþjónustuaðilum. Verkefnið Okkar auðlind er að finna á vefsíðu MN og þar lýsa aðilar í ferðaþjónustu jákvæðum áhrifum af beinu millilandaflugi til Akureyrar, en ferðalangar fara víða um Norðurland á meðan á dvöld stendur, nýta sér m.a. baðlón, skíðasvæði og sækja veitingastaði.
Auk þess sem easyJet er á ferðinni nú í vetur flytur flugfélagið Edelweiss farþega fyrir ferðaskrifstofuna Kontiki sem er í Sviss, en flogið er beint frá Zurich. Flogið er vikulega á sunnudögum frá 4. febrúar til 10. mars en tvær fyrstu ferðirnar hafa tekist vel. Þetta er í fyrsta sinn sem boðið er upp á vetrarferðir frá þessari stærstu borg Sviss.
Góð viðbót
„Flugferðir Kontiki eru góð viðbót við auknar flugferðir beint til Akureyrar að vetrarlagi,“ segir Hjalti. Um er að ræða leiguflug sem eru með svipuðu sniði og flug á vegum hollensku ferðaskrifstofunnar Voigt Travel sem hófust sumarið 2019. Síðan þá hefur Voigt Travel staðið fyrir leiguflugum beint til Akureyrar, bæði að sumri og vetri, og er því brautryðjandi á því sviði líkt og breska ferðaskrifstofan Super Break var einnig á sínum tíma. „Umsvif Voigt Travel á Norðurlandi hafa bæði aukið eftirspurn í ferðaþjónustu á svæðinu og jafnframt ýtt undir vöruþróun og aukið vöruframboð. Aukin flugumferð um Akureyrarflugvöll frá fleiri áfangastöðum skapar grundvöll til að halda þessari þróun áfram.“
Nýjast
-
Norðurorka - Leit að leka í hitaveitu með drónum
Dagana 7.-11. maí munu starfsmenn frá umhverfisverkfræðistofunni ReSource International gera lekaleit á hitaveitu fyrir hönd Norðurorku. Að þessu sinni yfir Eikar- og Daggarlundi á Akureyri, í Eyjafjarðarsveit (Hrafnagilshverfi, Kristnes og austan frá Kaupangi fram að Stóra Hamri) og á Svalbarðseyri. -
Ferðafélag Akureyrar og Stóri-plokkdagurinn - Félagsmenn tóku til hendinni að venju
„Okkur finnst minna um rusl núna en undanfarin tvö ár, sem ef til vill er vegna þess að svæðið er hreinsað skipulega á hverju ári,“ segir Þorgerður Sigurðardóttir formaður Ferðafélags Akureyri. Stóri-plokkdagurinn var haldinn um liðna helgi og tóku félagsmenn FFA til hendinni að venju -
Kveðjutónleikar og útgáfuhóf í Sögulokum Hrundar Hlöðversdóttur
Sögulok er yfirskrift viðburðar sem Hrund Hlöðversdóttir efnir til í félagsheimilinu Laugarborg í Eyjafjarðarsveit á laugardaginn, 4. maí. Þar kveður hún sveitunga sína, en Hrund hefur búið í Eyjafjarðarsveit undanfarin 16 ár, þar af var hún skólastjóri Hrafnagilsskóla um 12 ára skeið ár. Sögulokin eru jafnframt útgáfuhóf því um þessar mundir kemur út þriðja og síðasta bók Hrundar í þríleik hennar um Svandísi og félaga hennar. Sú heitir ÓLGA, kynjaslangan. -
Fiðringur í HOFI þriðja sinn 8. maí n.k.
Fiðringur á Norðurlandi verður haldinn í HOFI þriðja sinn þann 8. maí kl 20. Skrekkur í Reykjavík og Sjálftinn á Suðurlandi eru fyrirmyndir Fiðrings sem er dýrmætur vettvangur fyrir unglingana á Norðurlandi eystra til að láta rödd sína heyrast. -
Listasafnið á Akureyri: Nemendasýningar opnaðar á laugardaginn
Laugardaginn 4. maí kl. 15 verða tvær sýningar opnaðar í Listasafninu á Akureyri: Nemendasýning Myndlistaskólans á Akureyri, Sjónmennt 2024, og útskriftarsýning nemenda listnáms- og hönnunarbrautar VMA, Bragðarefur. -
Nýr sviðsstjóri Netöryggismiðstöðvar Íslands
Skúli Bragi Geirdal, sérfræðingur í miðlalæsi hjá Fjölmiðlanefnd er nýr sviðsstjóri SAFT - Netöryggismiðstöðvar Íslands (Safer Internet Center á Íslandi). -
Ólöf Ása Benediktsdóttir ráðin skólastjóri Hrafnagilsskóla
Sveitarstjórn Eyjafjarðarsveitar hefur ákveðið að ráða Ólöfu Ásu Benediktsdóttur í stöðu skólastjóra Hrafnagilsskóla og mun hún taka formlega við stöðunni þann 1. ágúst 2024. Ólöf Ása hefur starfað við Hrafnagilsskóla frá því árið 2005, lengst af sem umsjónarkennari en veturinn 2016-2017 leysti hún af sem aðstoðarskólastjóri -
Afkoma Kjarnafæðis Norðlenska í samræmi við væntingar
Afkoma Kjarnafæðis Norðlenska hf. fyrir árið 2023 var í samræmi við áætlanir þrátt fyrir krefjandi ytri aðstæður á árinu. Fjármagnskostnaður var samstæðunni íþyngjandi í því háa vaxtaumhverfi sem einkenndi árið 2023 en aðhald í rekstri og hagræðingaraðgerðir vegna samruna Kjarnafæðis og Norðlenska hafa á sama tíma skilað verulegum rekstrarbata. -
Akureyri - Hængsmenn eru höfðingjar
Lionsklúbburinn Hængur heldur sitt árlega Hængsmót í 42 skiptið um komandi helgi, 3 til 5 maí. Á mótinu keppa um 200 keppendur í Boccia og lýkur mótinu með veglegu lokahófi og balli.
Athugasemdir