„Forréttindi að koma hingað til lands“
Antoine, ungur maður frá Frakklandi var himinlifandi með hvalaskoðunina. Mynd/epe
Náttfari, einn af eikarbátum Norðursiglingar sigldi úr Húsavíkurhöfn einu sinni sem oftar í fallegu veðri fyrir skemmstu áður en fjórða Covid bylgjan skall á. Þeir 13 farþegar sem voru um borð duttu heldur betur í lukkubátinn enda skartaði Skjálfandinn sínu fegursta. Með í för voru einnig tveir aðilar frá Rannsóknasetri Háskóla Íslands á Húsavík og tveggja manna áhöfn.
Hvalaskoðunarvertíðin hjá Norðursiglingu hefur farið vel af stað en fyrirtækið hóf reglubundnar siglingar 1. mars. Arngrímur Arnarson, markaðsstjóri Norðursiglingar sagði í samtali við Vikublaðið að það sé full ástæða til bjartsýni þrátt fyrir óvenjulegar og erfiðar aðstæður vegna kófsins. Þá segir hann að hvalir hafi sést í öllum ferðum Norðursiglingar og sérstaklega ánægjulegt að hópur langreyða hafi verið í flóanum í mars. „Það er fremur sjaldgæf sjón að sjá þetta næststærsta dýr jarðar á Skjálfanda og óhætt að segja að það hafi glatt bæði farþega og áhöfn“.
í túrnum sem getið er hér að ofan sigldi Náttfari fram á fjölda háhyrninga sem eru einnig sjaldséðir í Skjálfandaflóa.
Farþegarnir sem komu frá hinum ýmsu þjóðlöndum voru í sjöunda himni þegar blaðamaður tók á móti þeim á bryggjunni eftir túrinn og höfðu frá mörgu skemmtilegu að segja.
Þykir mikið til sóttvarnaaðgerða koma
Antoine, ungur maður frá Frakklandi sem var í mánaðar langri heimsókn hjá samlanda sínum búsettum hér á landi var í sjöunda himni þegar hann kom í land. Honum þótti mikið til íslenskrar náttúru koma og forréttindi að fá að skoða hana í fámenninu sem nú er á helstu ferðamannastöðum. Aðrir ferðamenn sem blaðamaður ræddi við höfðu svipaða sögu að segja og lýsa mun erfiðara ástandi heima fyrir vegna Covid-19 faraldursins.
„Ef ég á að vera hreinskilinn þá er það mikill léttir og forréttindi að koma hingað til lands. Aðstæður heima fyrir hafa verið mjög erfiðar með lokunum, útgöngubönnum og öðru slíku. Það er ótrúleg frelsistilfinning sem fylgir því að geta ferðast um þetta fallega land og skoðað alla fallegu staðina sem landið hefur upp á að bjóða,“ segir Antoine og bætir við að Íslendingar megi þakka fyrir hversu vel hefur tekist að eiga við faraldurinn. Honum þykir mikið til koma hversu skipulagðar aðgerðir eru hér á landi.
„Ég er í skýjunum að ná þetta fallegu veðri á þessum árstíma og sjá, ekki bara hvali heldur fjöldan allan af háhyrningum. Þetta var algjörlega frábært og fór fram úr öllum væntingum,“ sagði Antoine jafnframt.
Nýjast
-
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug. -
Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt
„Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna. -
Málefni verksmiðju PCC á Bakka - Óskað eftir fundi í atvinnuveganefnd Alþingis
,,Ég óskaði eftir því fyrir helgi við formann atvinnuveganefndar að forsvarsmenn sveitarfélagsins Norðurþings, PCC á Bakka og Samtökum iðnaðarins færu yfir stöðuna með okkur í atvinnuveganefnd þingsins sem allra fyrst." -
„Stóra markmiðið að auka fæðuöryggi“
-segir Haukur Marteinsson nautgripabóndi á Kvíabóli en þingeyskir bændur eru stórtækir í kornrækt -
Dreptu mig …. Þú ert svo leiðinlegur röflari
Listin að rýna til gagns Listin að rýna til gagns, eða gagnrýna með uppbyggilegum hætti er eitthvað sem við ættum að temja okkur og ekki forðast. Það má vissulega oft finna leiðir til að gera misgóða hluti enn betri, benda á það sem betur mætti fara. Koma með lausnir og hugmyndir um betri leiðir, það flokkast undir að vera lausnamiðaður og framsýnn. -
Lóðir við Hofsbót 1-3 boðnar út í þessum mánuði
Stefnt er að því að bjóða lóðir við Hofsbót 1 – 3 út á ný síðar í maí. Lóðirnar voru boðnar út í fyrravor. Engar umsóknir bárust um þær þá.