Fordæmalaus halli á rekstri Akureyrarbæjar
Fjárhagsáætlun Akureyrarbæjar fyrir árið 2021 var lögð fram í bæjarráði nýverið og jafnframt var lögð fram þriggja ára áætlun áranna 2022-2024. Í tilkynningu segir að velferð og fræðslumál verði í forgangi. Framtíðarsýn bæjarstjórnar til næstu 5 ára felst í að rekstur Akureyrarbæjar verði sjálfbær, að sveitarfélagið verði þekkt fyrir framúrskarandi skóla, lífsgæði og góða þjónustu með áherslu á stafrænar lausnir og íbúasamráð. Einnig að samkeppnishæfni sveitarfélagsins leiði til fjölgunar bæjarbúa og aukinna atvinnutækifæra. Þá er bæjarstjórn sammála um að standa sérstakan vörð um viðkvæmustu hópa samfélagsins og að setja hagsmuni barna og ungmenna í forgang. Í ljósi aðstæðna telur bæjarstjórn rétt í fyrstu að grípa til tiltölulega mildra aðgerða og verja störf eins og kostur er. Markmiðið sé að brúa dýpstu kreppuna þannig að samfélagið allt geti blásið til sóknar samhliða því sem faraldrinum slotar.
Fjárhagsáætlunin fordæmalaus
Þá segir ennfremur að fjárhagsáætlun Akureyrarbæjar fyrir árið 2021 sé fordæmalaus. Aldrei áður hefur verið gert ráð fyrir viðlíka rekstrarhalla en áætlað er að hann verði ríflega einn milljarður króna. Hluta þess má rekja til halla á málaflokki fatlaðra sem nemur um 500 milljónum króna. Við gerð fjárhagsáætlunar er lögð sérstök áhersla á fræðslumál og velferðarþjónustu og segir að þannig sé hugað að viðkvæmustu hópum samfélagsins sem og börnum og ungmennum. Lagt er upp með hóflega hækkun á gjaldskrám, alla jafna um 2,5%. Launakostnaður bæjarsjóðs mun hækka um rúmlega 700 milljónir á næsta ári vegna kjarasamningsbundinna hækkana, útsvarstekjur hækka þó aðeins um 300 milljónir króna. Óhjákvæmilegt sé að bregðast við og því er lagt upp með 2,5% hagræðingu í launakostnaði. Fasteignaskatts- og útsvarsprósenta verða óbreyttar á milli ára. Sú ákvörðun sem skilar mestri hagræðingu í fjárhagsáætlun 2021 er að rekstur Öldrunarheimila Akureyrarbæjar færist á forræði ríkisins, en á þessu ári verður framlag Akureyrarbæjar vegna rekstrar Öldrunarheimila um 500 milljónir króna.
Framkvæmdir á næstu árum
Horft er til mikilla framkvæmda á næstu árum, en framkvæmdaáætlun samstæðunnar nemur 4,1 milljarði króna árið 2021. Stærstu framkvæmdirnar eru við endurbyggingu Lundarskóla og nýbyggingu leikskólans Klappa sem tekur til starfa næsta haust. Þá verður hægt að bjóða börnum allt niður í 12 mánaða aldur leikskóladvöl á verði sambærilegu við þjónustu dagforeldra. Ákveðið hefur verið að ráðast í viðbyggingu við Ráðhúsið á næstu árum og sameina stjórnsýslu sveitarfélagsins á einum stað. Þá verður sérstök áhersla lögð á skipulagsmál til þess að skapa farveg til uppbyggingar og er skipulag miðbæjarins þar í forgangi.
Nýjast
-
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja. -
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára.
Athugasemdir