Fór að hekla á meðan hann var fótbrotinn
„Þetta var skemmtilegt verkefni og veitt mér mikla gleði,“ segir Kormákur Rögnvaldsson hársnyrtinemi sem dundaði sér við það að hekla heilmikið dúlluteppi, með 187 dúllum, 10X10 að stærð hver. Ástæða þess að hann hóf að hekla teppið var sú að hann fótbrotnaði og þegar fóturinn þarf hvíld er best að nýta hendurnar til að gera eitthvað uppbyggilegt á meðan brotið grær.
Kormákur kunni ekki að hekla áður en hann hófst handa við þetta stóra verkefni, „ég hafði farið í einhverja tíma í textíl í grunnskóla en náði ekki góðu sambandi við heklið þá, gat aldrei gert neitt annað en eina rönd og búið,“ segir hann.
Kormákur fótbrotnaði þegar hann var að leika sér á stigasleða með litla bróður sínum, hann datt af sleðanum, festi fótinn undir honum og kuðlaði hann einhvern veginn þannig að ökklinn brotnaði. „Þetta var ekki mjög slæmt brot í sjálfu sér en þó þannig að ég þurfti að hafa hægt um mig í 6 vikur. Þá voru auðvitað góð ráð dýr, hvað átti að gera við allann tíma sem skapaðist þegar ekki er hægt að vinna eða vera á ferðinni,“ segir hann.
Lærði á youtube
Hugmyndin að heklinu kviknaði fyrst þegar hann sá vesti sem vinur hans hafði heklað og fannst það mjög flott. Langaði jafnvel að feta í hans fótspor og búa sér til eitt stykki vesti á sig. Hann kannaðist við fólkið sem á verslunina Garn í gangi og hafði þegar farið þangað og fjárfest í garni fyrir hugsanlegt vesti. „Ég átti garnið þegar ég lenti í fótbrotinu og dró það fram, enda fínn tími til að einbeita sér að handavinnu þegar maður kemst hvorki lönd né strönd,“ segir hann en mynstrið fann hann á kennslumyndbandi á youtube. „Ég horfði og horfði þar til ég náði þessu.“
Ekki byrja á teppi
Þegar hefjast átti handa var byrjað á að afla upplýsinga og segir Kormákur að eitt af því sem brýnt er fyrir byrjendum að láta teppi eiga sig fyrsta kastið. Slík verkefni séu umfangsmikil og hætt við að hinir nýju heklarar gefist upp í miðju kafi. „Þetta varð auðvitað til þess að ég sá ekkert annað en að hekla teppi,“ segir Kormákur sem komst vel í gengum verkefnið þrátt fyrir að garnið sem hann notaði varð uppselt á Akureyri. Þá var garn keypt úr búð í Reykjavík og svo merkilega vildi til að það kláraðist einnig. Ekki stoppaði það verkefnið, garnið var pantað frá útlöndum og hægt að ljúka verkefninu.
Kormákur Rögnvaldsson hársnyrtinemi heklaði dúlluteppi á meðan hann náði sér af fótbroti
Nýjast
-
Þrír dæmigerðir dagar skemmtiferðaskipafarþega í júlí
Sú jákvæða þróun hefur átt sér stað undanfarin misseri að fjölgun hefur orðið á ferðum skemmtiferðaskipa hingað til lands. Frá sjónarhóli efnahagslífs, mannlífs og náttúru þetta afar jákvæð þróun, þá ekki aðeins vegna þess að skipin bæta mikilvægri gátt við samgönguleiðir til Íslands, heldur einnig vegna þess að engum hluta ferðaþjónustu er eins vel stýrt m.t.t. álags á innviði, náttúru og menningu. -
Hraðamælingar og þau nelgdu.
Lögreglan á Norðurlandi eystra hvetur þá sem ökumenn sem eiga það eftir, að huga að dekkjaskiptum, að skipta út nagladekkjunum sem fyrst! ❌❌ Í ljósi veðurspár næstu daga er algjör óþarfi að vera á nagladekkjum núna. Við höfum skilning á því að það er háannatími hjá dekkjaverkstæðum á svæðinu um þessar mundir, en ítrekum þó hér með að ökumenn beri ábyrgð á því hvernig bifreið sem þeir aka sé útbúin Með hækkandi sól hefur talsvert borið á hraðakstri á svæðinu og því vill lögreglan beina þeim tilmælum til ökumanna að þeir flýti sér hægt. Nú er mikið af nýjum vegfarendum í umferðinni, m.a. á reiðhjólum og bifhjólum, og því afar mikilvægt að sýna aðgæslu. Sérstaklega er viðbúið að reiðhjólamenn verði áberandi í umdæminu næstu vikurnarnar og mánuði. Sem fyrr er nauðsynlegt að allir í umferðinni sýni tillitssemi því þá gengur allt betur og öruggar fyrir sig. Þá upplýsist það einnig hér með að lögreglumenn hjá embættinu munu næstu daga, sem og í allt sumar, halda uppi öflugu hraðaeftirliti hvort sem það er innanbæjar eða utan þéttbýlis. 🚨🚔 Góða helgi ☀️ -
Bóngóður sjálfboðaliði heiðraður
Gunnar Frímannsson sjálfboðaliði Eyjafjarðardeildar fékk heiðursviðurkenningu sjálfboðaliða á aðalfundi Rauða krossins á Íslandi fyrr í þessum mánuði. „Gunnar er jákvæður, traustur og afar bóngóður sjálfboðaliði,“ segir í umsögn um hann. -
Bjarmahlíð, þjónustumiðstöð hefur verið starfrækt í 5 ár
„Bjarmahlíð er rekin með styrkjum en óskastaðan er sú að komast á fjárlög en þannig mætti nýta tíma sem fer í að eltast við peninga í reksturinn til að auka þjónustuna enn frekar,“ segir Kristín Snorradóttir teymisstjóri hjá Bjarmahlíð, þolendamiðstöð á Akureyri. Fimm ár eru um þessar mundir frá því starfsemin hófst og var tímamótanna minnst með afmælishófi á Múlabergi í gær, miðvikudag. -
Borgarhólsskóli fór með sigur af hólmi í Fiðringi
Fiðringur á Norðurlandi var haldinn í Hofi þriðja sinn í gærkvöldi, 8. maí. Tíu skólar af Norðurlandi tóku þátt í ár og sýndu afrakstur vinnu sinnar -
„Sjávarútvegurinn er á undan stjórnvöldum í innleiðingu umhverfisvænnar tækni“
Hákon Þröstur Guðmundsson útgerðarstjóri Samherja var endurkjörinn í stjórn Samtaka fyrirtækja í sjávarútvegi ( SFS) á ársfundi samtakanna sem haldinn var 3. mai s.l. Hákon Þröstur þekkir vel til starfsemi SFS, var í stjórn 2019 – 2020 og samfellt frá 2022. Hann er menntaður skipstjórnarmaður og var í liðlega tvo áratugi skipstjóri á skipum Samherja, síðustu sautján árin hefur hann hins vegar starfað á útgerðarsviði félagsins. -
Þjónustunefnd AA leitar að framtíðarhúsnæði
Brýnt er að ráðast í gagngerar endurbætur á húsinu að Strandgötu 21 þar sem AA-samtökin á Akureyri hafa haft aðstöðu sína um langt árabil. -
Hitaveitur þarfnast athygli
Norðurorka rekur hitaveitu í Ólafsfirði og Reykjaveitu í Fnjóskadal auk hitaveitu á Akureyri og nágrannabyggðum. Þær veitur þarfnast athygli að því er fram kom í máli Eyþórs Björnsson forstjóra Norðurorku á aðalfundi félagsins. -
Hængsmenn afhentu bíl og héldu Hængsmót
Lionsklúbburinn Hængur á Akureyri hélt um liðna helgi árlegt Hængsmót fyrir fatlaða í 41. Skipti. Mótið fór fram í Íþróttahöllinni og í ár var keppt í boccia en mótið var auk þess Íslandsmót í greininni.
Athugasemdir