Fólksfækkun í Norðurþingi í fyrra
Í Norðurþingi fækkaði mest á Húsavík á síðasta ári. Mynd: Gaukur Hjartarson.
Fyrrum bæjarfulltrúi, Aðalsteinn Jóhannes Halldórsson, vakti athygli á því eftir að hafa rennt yfir nýlegar tölur Hagstofunnar um mannfjölda á landinu, að enn hefur fækkað í sveitarfélaginu Norðurþingi milli ára.
„Það búa 16 færri í sveitarfélaginu en á sama tíma í fyrra. Frá stofnun sveitarfélagsins árið 2006 hefur einungis einu sinni fjölgað á milli ára, en það var í kjölfar hrunsins árið 2008. Sú fjölgun núllaðist út og meira en það árið 2010. Á þessum tíu árum um það bil sem sveitarfélagið hefur verið til, var fækkunin framan af mest á öðrum stöðum í sveitarfélaginu en Húsavík. Íbúatala þar hélst óverulega breytt oft á tíðum (en yfirleitt þó lítilsháttar fækkun).
Það hefur breyst. Á Húsavík fækkar um 23 íbúa frá því í fyrra. Húsavík á því alla fækkunina í sveitarfélaginu og meira til. Það fækkar líka um nokkra íbúa á Kópaskeri en fjölgar um 17 íbúa á Raufarhöfn, nokkuð sem kemur kannski einhverjum á óvart.
Allt eru þetta lítilsháttar sveiflur sem eru á milli ára en breyta ekki stóru myndinni. Okkur er að fækka.“ Ritaði Aðalsteinn Jóhannes á facebook síðu sína.
Það er hinsvegar ljóst að fólki á svæðinu hefur fjölgað mjög það sem af er árinu 2016 vegna gríðarlegra umsvifa, en að vísu fæst af því sest hér að til frambúðar. En margvísleg teikn um slíkt eru hinsvegar á lofti. JS
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.