Föðmuðu skólann sinn í tilefni af Degi gegn einelti
Nemendur og starfsfólk Glerárskóla komu saman á skólalóðinni í morgun kl. 9.00, mynduðu hring utan um skólann með því að haldast í hendur og föðmuðu hann. Þetta var gert í tilefni af Degi gegn einelti, sem er í dag, 8. nóvember. Ekki dugði að faðma einungis sjálfa skólabygginguna, því íþróttahúsið og sundlaugin eru sambyggð henni og því þurfti hópurinn að teygja vel á sér. Allt gekk þó fljótt og vel fyrir sig. Í tilefni dagsins verður undirritaður þjóðarsáttmáli um jákvæð samskipti.
Forsætisráðherra er verndari átaksins og munu velferðarráðherra, fjármálaráðherra og mennta- og menningarmálaráðherra undirrita sáttmálann fyrir hönd ríkisstjórnarinnar. Ennfremur eru fjöldi félaga og samtaka aðilar að samningnum. Einelti spyr ekki um aldur, þjóðfélagshópa eða kyn og það þrífst einfaldlega allsstaðar þar sem það er látið viðgangast. Ábyrgð okkar allra er því mikil og það er í okkar höndum að vinna bug á þessu þjóðfélagsmeini. Það er ekki flókið ef allir taka höndum saman og sannmælast um ákveðna sátt, þjóðarsáttmála um jákvæð samskipti, sagði Árni Guðmundsson verkefnastjóri verkefnastjórnar um aðgerðir gegn einelti, í grein í Vikudegi í síðustu viku. Jafnframt verður opnuð í dag heimasíðan www.gegneinelti.is og þar gefst fólki kostur á að undirrita þjóðarsáttmála um baráttu gegn einelti.
Í dag, 8. nóvember, verður brugðið út af vananum í Háskólanum á Akureyri með hringingu Íslandsklukkunnar en henni er venjulega aðeins hringt í upphafi skólaársins og 1. desember. Dagurinn í dag er tileinkaður baráttunni gegn ofbeldi og eru landsmenn hvattir til að hringja bjöllum til að vekja athygli á málstaðnum kl. 13:00 í dag. Þá munu m.a. kirkjuklukkur hljóma og skipaflotinn þeyta lúðra. Íslandsklukkunni verður hringt 10 sinnum kl. 13:00 en rektor HA mun sjá um að hringja bjöllunni og eru allir velkomnir.
Nýjast
-
April metmánuður í farþegaflutningum á Akureyrarflugvelli
Frá þvi segir á Facebook vegg Akureyrarflugvallar að nýliðinn mánuður hafi verið sá metmánuður í farþegaflutningum um völlinn. -
Harmonikudagurinn í Hofi á sunnudagur
„Harmonikan er heillandi hljóðfæri. Það má segja að draumur okkar um að heiðra hljóðfærið rætist og því verður gert hátt undir höfði á Harmonikudeginum sem haldinn verður næsta sunnudag, 4. maí með glæsilegum tónleikum í Menningarhúsinu Hofi á Akureyri,“ segir Hrund Hlöðversdóttir sem ásamt Agnesi Hörpu Jósavinsdóttur hefur unnið að undirbúningi viðburðarins. -
Stöður skólameistara við VMA og Framhaldsskólans á Húsavík auglýstar
Mennta- og barnamálaráðuneytið auglýsti í dag lausar til umsóknar stöður skólameistara við Verkmenntaskólann á Akureyri (VMA) og Framhaldsskólann á Húsavík. Umsóknarfrestur er til og með 14. maí n.k. -
Þrjú verkefni í Þingeyjarsveit hlutu styrk úr Framkvæmdasjóði ferðamannastaða
Hanna Katrín Friðriksdóttir atvinnuvegaráðherra úthlutaði styrkjum úr Framkvæmdasjóði ferðamannastaða 30 april s.l. -
Vilja klára byggingu Standgötu 1
Á fundi skipulagsráðs Akureyrarbæjar á dögunum var lagt fram erindi Kristjáns Þórs Júlíussonar fyrir hönd eigenda Strandgötu 1 ehf dagsett 31. mars 2025 vegna áforma eigenda um stækkun núverandi húss að Strandgötu 1. -
Akureyri - Mjög góð þátttaka í 1. maí hátíðarhöldum
Fjölmenni safnaðist saman á Akureyri fyrr í dag í góðu veðri til að taka þátt í kröfugöngu sem stéttarfélögin á Akureyri stóðu fyrir í tilefni af 1. maí, á alþjóðlegum baráttudegi verkafólks. Einnig var góð mæting í kaffiveislu á skrifstofu stéttarfélaganna í Fjallabyggð, þar sem Ína Sif Stefánsdóttir, starfsmaður Einingar-Iðju, flutti ávarp. -
Skólalóðin farin að láta á sjá
Foreldrafélag Giljaskóla, Réttindaráð Giljaskóla og Skólaráð Giljaskóla hafa óskað eftir samtali við Fræðslu- og lýðheilsuráð sem og Umhverfis og mannvirkjasvið um skólalóð Giljaskóla. -
Fjölmenni á hátíðarhöldum vegna 1 mai á Húsavík
Fjölmenni er á hátíðarhöldum verkalýðsfélagana á Húsavík en eins og venja er 1.mai er boðið í veglegt kaffisamsæti ásamt vönduðum tónlistarflutningi og kröftugum ræðum. -
Hljómsveitin Klaufar spilar á Norðurlandi
Hljómsveitin Klaufar sem spilar vandað kántrýpopp heldur í Norðurlands-túr 1. til 3. maí. Hljómsveitin spilar í fyrsta skipti á þeim magnaða tónleikastað Græna hattinum á Akureyri föstudaginn 2. maí.
