Fjölbreyttar og spennandi sýningar opnaðar á laugardag
Hlynur Hallsson og Jóna Hlíf Halldórsdóttir setja nú upp fjórðu sameiginlegu sýninguna sína eftir stutt hlé í GalleríBOXi, sal Myndlistarfélagsins. Bæði hafa þau hlotið ýmsar viðurkenningar og styrki fyrir verk sín. Sýningin stendur til 11. september og er opin laugardaga og sunnudaga kl. 14-17.
Margrét Rut Eddudóttir opnar sýningu í Deiglunni á laugardag kl. 15.00. Opið verður alla daga nema mánudaga til 11. september. Margrét Rut er myndlistarmaður og hefur unnið í ýmsum miðlum. Eftir að hafa tekið sér langt frí frá því að mála, heldur hún nú sýningu sem ber titilinn "4". Aðal uppistaða sýningarinnar eru málverk og teikningar.
Listakonurnar Björg Eiríksdóttir og Hanna Hlíf Bjarnadóttir opna sýningu í Ketilhúsinu, kl. 14.00 á laugardag. Sýningin er á vegum Myndlistarfélagsins og stendur til 11. september. Björg sýnir lágvær og innhverf verk en verk Hönnu Hlífar eru óður til íslenskra hannyrða.
Á sama tíma opnar Guðbjörg Ringsted málverkasýningu í Mjólkurbúðinni. Á sýningunni sýnir Guðbjörg málverk þar sem blóm flögra um myndflötinn og minna á gömul íslensk útsaumsmynstur. Sýningin stendur aðeins þessa einu helgi og er opið laugardag og sunnudag kl.14-17 og einnig á laugardagskvöld frá kl.20.
Á Listasafninu á Akureyri verður opnuð yfirlitssýning á verkum Gústavs Geirs Bollasonar kl. 15.00. Gústav hefur tekið þátt í fjölmörgum samsýningum hér heima og erlendis og haldið tíu einkasýningar. Þetta er í fyrsta sinn sem yfirlitssýning á verkum Gústavs er haldinn og gefst því gott tækifæri til að fá innsýn í feril þessa einstaka listamanns.
Þá opnar Joris Rademaker sýninguna; Á milli tilvistar og tilveru, í Populus Tremula kl. 14.00 á laugardag. Sýninguna tileinkar hann minningu Sigurðar Jónssonar. Klukkan þrjú á opnunardag syngur Kristján Pétur Sigurðsson tvö lög eftir Cornelis Vreeswijk. Sýningin er opin laugardag frá kl. 14.00-22.00 og sunnudag kl. 14.00-17.00. Aðeins þessi eina helgi. Á Akureyrarvöku um helgina hefst nýtt starfsár í Populus tremula.Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
